ತೆರೆ ಮೇಲೆ ಪೊಲೀಸ್ ಖದರ್ ತೋರಿಸಿದ ಕನ್ನಡ ನಟಿಯರು

ಲೇಡಿ ಪೊಲೀಸ್

ಪೋಲೀಸ್ ಪಾತ್ರವನ್ನು ಮಾಡುವುದರಲ್ಲಿ ನಟಿ ಮಾಲಾಶ್ರೀ ಎತ್ತಿದ ಕೈ. ತಮ್ಮ ಅದೆಷ್ಟೋ ಚಿತ್ರದಲ್ಲಿ ಮಾಲಾಶ್ರೀ ಖಾಕಿ ಧರಿಸಿ ಮಿಂಚಿದ್ದಾರೆ. ಅದರಲ್ಲಿ 'ಲೇಡಿ ಪೊಲೀಸ್' ಚಿತ್ರ ಕೂಡ ಒಂದಾಗಿದೆ.

ಝಾನ್ಸಿ ಐಪಿಎಸ್

ಹೆಚ್ಚಾಗಿ ಹೋಮ್ಲಿ ಲುಕ್ ನಲ್ಲಿ ಕಾಣಿಸಿಕೊಳ್ಳುವ ಪ್ರೇಮ 'ಝಾನ್ಸಿ ಐಪಿಎಸ್' ಎಂಬ ಚಿತ್ರದಲ್ಲಿ ಪೊಲೀಸ್ ಪಾತ್ರವನ್ನು ಮಾಡಿದ್ದರು.

ಲೇಡಿ ಕಮೀಷನರ್

'ಲೇಡಿ ಕಮೀಷನರ್' 1997ರಲ್ಲಿ ಬಿಡುಗಡೆಯಾದ ಚಿತ್ರ. ಈ ಚಿತ್ರದಲ್ಲಿ ನಟಿ ಮಾಲಾಶ್ರೀ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದರು.

ಚಾಮುಂಡಿ

'ಚಾಮುಂಡಿ' ಸಿನಿಮಾ ಅಕ್ಕ ತಂಗಿಯ ನಡುವೆ ಇರುವ ಕಥೆ ಆಗಿತ್ತು. ಇಲ್ಲಿ ತಂಗಿ ಮಾಲಾಶ್ರೀ ಪೊಲೀಸ್ ಆಗಿದ್ದರೆ, ಅಕ್ಕ ಖುಷ್ಬು ಲಾಯರ್ ಆಗಿದ್ದರು.

ಭೈರವಿ

'ಭೈರವಿ' ಚಿತ್ರದಲ್ಲಿ ಖಡಕ್ ಪೊಲೀಸ್ ಆಗಿ ಯುವ ನಟಿ ಆಯಿಷಾ ಕಾಣಿಸಿಕೊಂಡಿದ್ದರು. ರಾಜಶೇಖರ್ ಚಿತ್ರವನ್ನು ನಿರ್ದೇಶನ ಮಾಡಿದ್ದರು.

ಕಿರಣ್ ಬೇಡಿ

ತೆರೆ ಮೇಲೆ 'ಕಿರಣ್ ಬೇಡಿ' ಆಗಿ ಮಾಲಾಶ್ರೀ ಪರಾಕ್ರಮ ತೋರಿಸಿದರು. ಪೋಲೀಸ್ ಆಗಿ ಪಾಪಿಗಳ ವಿರುದ್ಧ ಸಮರ ಸಾರಿದ್ದರು.

ರಾಗಿಣಿ ಐಪಿಎಸ್

ಗ್ಲಾಮರ್ ಕ್ವೀನ್, ತುಪ್ಪದ ಬೆಡಗಿ ಆಗಿದ್ದ ರಾಗಿಣಿ ಮೊದಲ ಬಾರಿಗೆ 'ರಾಗಿಣಿ ಐಪಿಎಸ್' ಸಿನಿಮಾದಲ್ಲಿ ಪೊಲೀಸ್ ಆಗಿ ಕಾಣಿಸಿಕೊಂಡಿದ್ದರು.

ಸೆಕೆಂಡ್ ಹಾಫ್

ಪ್ರಿಯಾಂಕ ಉಪೇಂದ್ರ ತಮ್ಮ ಮುಂದಿನ ಸಿನಿಮಾ 'ಸೆಕೆಂಡ್ ಹಾಫ್'ನಲ್ಲಿ ಪೊಲೀಸ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈಗಾಗಲೇ ಚಿತ್ರದ ಪ್ರಿಯಾಂಕ ಉಪೇಂದ್ರ ಲುಕ್ ದೊಡ್ಡ ಸದ್ದು ಮಾಡಿದೆ.