ಅಯ್ಯೋ...ಲೂಸ್ ಮಾದ ಯೋಗೀಶ್ ಗೆ ಈ ರೀತಿ ಆಗಬಾರದಾಗಿತ್ತು!

ಮೂರು ಸಿನಿಮಾ ನಿಂತಿದೆ

'ಕೋಲಾರ' ಸಿನಿಮಾದ ರಿಲೀಸ್ ನಂತರ ಯೋಗಿ ನಟನೆಯ 'ದುನಿಯಾ 2', 'ಸ್ನೇಕ್ ನಾಗ' ಮತ್ತು 'ಜಂಡಾ' ಮೂರು ಚಿತ್ರಗಳು ಬಿಡುಗಡೆಯಾಗಬೇಕಿತ್ತು. ಆದರೆ ಸದ್ಯ ಈ ಮೂರು ಸಿನಿಮಾಗಳು ನಿಂತಿದೆ. ಜೊತೆಗೆ ಈ ಸಿನಿಮಾಗಳು ನಿಂತಿರುವ ಬಗ್ಗೆ ಯೋಗಿ ಕಾರಣ ನೀಡಿದ್ದಾರೆ.

'ದುನಿಯಾ 2' ಚಿತ್ರ

ಅಂದುಕೊಂಡಂತೆ ಆಗಿದ್ದರೆ 'ದುನಿಯಾ 2' ಸಿನಿಮಾ ಈಗಾಗಲೇ ರಿಲೀಸ್ ಆಗಬೇಕಿತ್ತು. ಆದರೆ ಟೈಟಲ್ ತೊಂದರೆಯಿಂದ ಸದ್ಯ ಚಿತ್ರವನ್ನು ಬಿಡುಗಡೆ ಮಾಡಲು ಸಾಧ್ಯವಾಗುತ್ತಿಲ್ಲವಂತೆ.

ಏನಿದು ಸಮಸ್ಯೆ

ಫಿಲ್ಮ್ ಛೇಂಬರ್ ನಲ್ಲಿ 'ದುನಿಯಾ 2' ಟೈಟಲ್ ಅನ್ನು ಇಬ್ಬರಿಗೆ ನೀಡಿದ್ದಾರೆ. ಈ ಹಿಂದೆಯೇ ಒಬ್ಬರಿಗೆ ನೀಡಿದ್ದ ಆ ಶೀರ್ಷಿಕೆಯನ್ನು ಆ ಬಳಿಕ ಯೋಗಿ ಅವರ ತಂಡಕ್ಕೆ ಕೂಡ ನೀಡಿದ್ದಾರೆ. ಇದರಿಂದ ಸದ್ಯ ಈ ಕೇಸ್ ಕೋರ್ಟ್ ನಲ್ಲಿ ಇದ್ದು, ಚಿತ್ರದ ಬಿಡುಗಡೆಗೆ ತೊಂದರೆ ಆಗಿದೆಯಂತೆ.

'ಸ್ನೇಕ್ ನಾಗ' ಚಿತ್ರ

'ಸ್ನೇಕ್ ನಾಗ' ಸಿನಿಮಾ ಸಿದ್ಧವಾಗಿ ವರ್ಷಗಳೇ ಕಳೆದರು ಇನ್ನೂ ಅದಕ್ಕೆ ರಿಲೀಸ್ ಭಾಗ್ಯವೇ ಸಿಕ್ಕಿಲ್ಲ. ಈ ಚಿತ್ರದ ನಿರ್ಮಾಪಕರ ತಂದೆಗೆ ಹಾರ್ಟ್ ಅಟ್ಯಾಕ್ ಆಗಿದ್ದು, ಈ ಕಾರಣದಿಂದ ಚಿತ್ರ ಅರ್ಧಕ್ಕೆ ನಿಂತಿದೆ ಎಂದು ಯೋಗಿ ಹೇಳಿದ್ದಾರೆ.

'ಜಂಡಾ' ಚಿತ್ರ

ಕೆಲ ತಿಂಗಳ ಹಿಂದೆ ಶುರು ಆಗಿದ್ದ 'ಜಂಡಾ' ಸಿನಿಮಾದ ಚಿತ್ರೀಕರಣ ಕೂಡ ಸದ್ಯ ನಿಂತು ಹೋಗಿದ್ದು, ಈ ಚಿತ್ರದ ನಿರ್ಮಾಪಕರ ಅನಾರೋಗ್ಯದ ಹಿನ್ನಲೆಯಲ್ಲಿ ಚಿತ್ರ ಮುಂದುವರೆಯಲು ಕಷ್ಟವಾಗಿದೆಯಂತೆ.

ಸರಿಯಾಗಿ ಪ್ರತಿಕ್ರಿಯೆ ಸಿಗುತ್ತಿಲ್ಲ

'ಸ್ನೇಕ್ ನಾಗ' ಮತ್ತು 'ಜಂಡಾ' ಚಿತ್ರದ ನಿರ್ಮಾಪಕರನ್ನು ಯೋಗಿ ಸಂಪರ್ಕ ಮಾಡಿದ್ದರೂ ಸಹ ಚಿತ್ರದ ಬಗ್ಗೆ ಅವರಿಂದ ಸರಿಯಾದ ಪ್ರತಿಕ್ರಿಯೆ ಸಿಗುತ್ತಿಲ್ಲವಂತೆ.

ಅವರ ಬ್ಯಾನರ್ ನಲ್ಲಿ ಸಿನಿಮಾ

ಸದ್ಯ ಯೋಗಿ ತಮ್ಮ ಇಮೇಜ್ ಬದಲಿಸಿಕೊಳ್ಳಲಿದ್ದಾಂತೆ. ಮುಂದೆ ತಮ್ಮದೇ ಬ್ಯಾನರ್ ನಲ್ಲಿ ವಿಭಿನ್ನ ರೀತಿಯ ಪಾತ್ರಗಳನ್ನು ಮಾಡುವುದಕ್ಕೆ ಅವರು ನಿರ್ಧಾರ ಮಾಡಿದ್ದಾರಂತೆ.