ಹೊಸ ಚಿತ್ರಕ್ಕಾಗಿ 9 ಕೆಜಿ ತೂಕ ಇಳಿಸಿದ ಮಾಲಾಶ್ರೀ

Recommended Video

ನಟಿ ಮಾಲಾಶ್ರೀ ಅಭಿನಯದ 'ಉಪ್ಪು ಹುಳಿ ಕಾರ' ಸಿನಿಮಾ ಮುಂದಿನ ಶುಕ್ರವಾರ ತೆರೆಗೆ ಬರಲಿದೆ. ಆ ಚಿತ್ರದ ನಂತರ ಮಾಲಾಶ್ರೀ ಎರಡು ಹೊಸ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಮೊದಲು ಕನಸಿನ ರಾಣಿ ನಂತರ ಆಕ್ಷನ್ ಕ್ವೀನ್ ಅಂತ ಕರೆಸಿಕೊಂಡಿದ್ದ ಮಾಲಾಶ್ರೀ ಈಗ ವಿಭಿನ್ನ ಪಾತ್ರ ಮಾಡುವ ಮನಸು ಮಾಡಿದ್ದಾರೆ. ಈ ಬಾರಿ ಹಾರರ್ ಚಿತ್ರಕ್ಕೆ ಕೈ ಹಾಕಿರುವ ಮಾಲಾಶ್ರೀ ತಮ್ಮ ಪಾತ್ರಕ್ಕಾಗಿ ಭರ್ಜರಿ ತಯಾರಿ ನಡೆಸಿದ್ದಾರೆ.

ಡಿಫರೆಂಟ್ ಕಥೆ ಇರುವ ಈ ಹಾರರ್, ಸಿನಿಮಾದಲ್ಲಿ ನಟಿಸುವುದಕ್ಕೆ ಮಾಲಾಶ್ರೀ ಕೂಡ ತುಂಬ ಉತ್ಸುಕರಾಗಿದ್ದಾರೆ. ಚಿತ್ರದ ಕಥೆ ಅವರಿಗೆ ತುಂಬ ಇಷ್ಟ ಆಗಿದ್ದು, ನಟಿಸುವುದಕ್ಕೆ ಓಕೆ ಎಂದಿದ್ದಾರೆ. ಈಗಾಗಲೇ ಆ ಪಾತ್ರಕ್ಕಾಗಿ ತಯಾರಿ ಶುರುವಾಗಿದ್ದು, 9 ಕೆಜಿ ತೂಕ ಕಡಿಮೆ ಮಾಡಿದ್ದಾರಂತೆ. ಅಂದಹಾಗೆ, ಮಾಲಾಶ್ರೀ ಅವರ ಈ ಎರಡು ಹೊಸ ಚಿತ್ರಗಳು ಅವರ ರಾಮು ಫಿಲ್ಮ್ ಬ್ಯಾನರ್ ನಲ್ಲಿ ನಿರ್ಮಾಣವಾಗಲಿದೆ.

ಇನ್ನು 9 ಕೆ.ಜಿ ತೂಕ ಇಳಿಸಿರುವ ಮಾಲಾಶ್ರೀ ತಾವು ಎಷ್ಟು ತೂಕ ಇದ್ದಾರೆ ಎನ್ನುವ ವಿಷಯವನ್ನು ಹೇಳಿಕೊಂಡಿಲ್ಲ. ಏನೇ ಆದರು ಹೆಣ್ಣುಮಕ್ಕಳು ಅವರ ವಯಸ್ಸು ಮತ್ತು ತೂಕದ ಬಗ್ಗೆ ಬಾಯಿ ಬಿಡುವುದಿಲ್ಲ ಎನ್ನುವುದು ಮತ್ತೆ ಈಗ ಮಾಲಾಶ್ರೀ ಅವರ ಮೂಲಕ ಸಾಬೀತಾಗಿದೆ.