'ಉಪ್ಪಿ ಜೊತೆ ಸಿನಿಮಾ ಮಾಡುವುದು ಪಕ್ಕಾ' ಎಂದ 'ಮಾಸ್ಟರ್ ಪೀಸ್' ನಿರ್ದೇಶಕ!

ಮಂಜು ಮಾಂಡವ್ಯ ಸ್ಪಷ್ಣನೆ

'ಉಪೇಂದ್ರ ಅವರ ಜೊತೆ ಸಿನಿಮಾ ಮಾಡುವುದು ಪಕ್ಕಾ' ಎಂದು 'ಮಾಸ್ಟರ್ ಪೀಸ್' ಖ್ಯಾತಿಯ ನಿರ್ದೇಶಕ ಮಂಜು ಮಾಂಡವ್ಯ ಸ್ಪಷ್ಟ ಪಡಿಸಿದ್ದಾರೆ.

ಎಲ್ಲರೂ ಹೇಳುತ್ತಿದ್ದಾರೆ

''ಎಲ್ಲರೂ ಮುಂದಿನ ಸಿನಿಮಾ ಯಾವುದು? ಉಪೇಂದ್ರ ಸರ್ ಅವರ ಜೊತೆ ಸಿನಿಮಾ ಏನ್ ಆಯ್ತು? ಅಂತ ಕೇಳುತ್ತಿದ್ದಾರೆ. ಜೊತೆಗೆ ಉಪ್ಪಿ ಸರ್ ಅಭಿಮಾನಿಗಳು ಸಹ ನಮ್ಮ ಬಾಸ್ ಜೊತೆ ಸಿನಿಮಾ ಯಾವಾಗ ಮಾಡುತ್ತೀರಾ ಎಂದು ಹೇಳುತ್ತಿದ್ದಾರೆ'' - ಮಂಜು ಮಾಂಡವ್ಯ, ನಿರ್ದೇಶಕ

ಚುನಾವಣೆ ನಂತರ ಸಿನಿಮಾ

''ಉಪ್ಪಿ ಸರ್ ಚುನಾವಣೆಗೆ ಹೋಗಿರುವುದರಿಂದ ಅವರ ಸಿನಿಮಾ ಸದ್ಯಕ್ಕೆ ಮಾಡುವುದಕ್ಕೆ ಆಗುವುದಿಲ್ಲ. ಚುನಾವಣೆ ಮುಗಿದ ನಂತರ ಖಂಡಿತಾ ಆ ಸಿನಿಮಾ ಮಾಡೇ ಮಾಡುತ್ತೇನೆ'' - ಮಂಜು ಮಾಂಡವ್ಯ, ನಿರ್ದೇಶಕ

ಸದ್ಯಕ್ಕೆ ಇನ್ನೊಂದು ಸಿನಿಮಾ

ಉಪೇಂದ್ರ ಅವರ ಚಿತ್ರಕ್ಕೂ ಮುಂಚೆ ಮಂಜು ಮಾಂಡವ್ಯ ಇನ್ನೊಂದು ಸಿನಿಮಾ ಮಾಡಲಿದ್ದು, ಆ ಸಿನಿಮಾದ ನಟರ ಬಗ್ಗೆ ಸದ್ಯದಲ್ಲಿಯೇ ಮಾಹಿತಿ ನೀಡಲಿದ್ದಾರಂತೆ.