ಮೈದುನನ ಚಿತ್ರಕ್ಕೆ ಮೇಘನಾ ನಿರ್ಮಾಪಕಿ: 'ಸರ್ಪ್ರೈಸ್' ಎಂದ ನಟಿ.!

ಧ್ರುವ ಚಿತ್ರಕ್ಕೆ ಮೇಘನಾ ಪ್ರೊಡ್ಯೂಸರ್.!

ಧ್ರುವ ಸರ್ಜಾ ನಟನೆ ಮಾಡಲಿರುವ ಚಿತ್ರವೊಂದನ್ನ ಮೇಘನಾ ನಿರ್ಮಾಣ ಮಾಡಲಿದ್ದಾರೆ ಎಂಬ ಸುದ್ದಿ ಈಗ ಗಾಂಧಿನಗರದಲ್ಲಿ ಹರಿದಾಡುತ್ತಿದೆ. ಈ ಸುದ್ದಿ ಕೇಳಿ ಧ್ರುವ ಫ್ಯಾನ್ಸ್ ಫುಲ್ ಖುಷಿಯಾಗಿದ್ದಾರೆ.

ಸರ್ಪ್ರೈಸ್ ಎಂದ ಮೇಘನಾ

ಈ ಸುದ್ದಿಗಳು ಮಾಧ್ಯಮದಲ್ಲಿ ವರದಿಯಾಗಿದ್ದನ್ನ ಗಮನಿಸಿದ ಮೇಘನಾ ರಾಜ್ ''ಇದು ನನಗೂ ಕೂಡ ಸರ್ಪ್ರೈಸ್'' ಎಂದು ಪ್ರತಿಕ್ರಿಯಿಸಿದ್ದಾರೆ.

ಇದು ಗಾಸಿಪ್ ಅಷ್ಟೇ.!

ಈ ಬಗ್ಗೆ ತಮ್ಮ ಟ್ವಿಟ್ಟರ್ ನಲ್ಲಿ ಸ್ಪಷ್ಟನೆ ನೀಡಿರುವ ಮೇಘನಾ '' ಇದು ನನಗೆ ಸರ್ಪ್ರೈಸ್ ತಂದಿದೆ. ಇದರಿಂದ ನಿಮಗೆ ಎಷ್ಟು ಸರ್ಪ್ರೈಸ್ ಆಗುತ್ತಿದೆಯೋ ಅಷ್ಟೇ ಸರ್ಪ್ರೈಸ್ ನನಗೂ ಆಗುತ್ತಿದೆ'' ಎಂದು ಹೇಳುವ ಮೂಲಕ ಇದು ಕೇವಲ ಗಾಸಿಪ್ ಅಷ್ಟೇ ಎಂದಿದ್ದಾರೆ.

'ಇರುವುದೆಲ್ಲವ ಬಿಟ್ಟು' ಚಿತ್ರದಲ್ಲಿ ಮೇಘನಾ

ಸದ್ಯ, ಮೇಘನಾ ರಾಜ್ ಕಾಂತ ಕನ್ನಲ್ಲಿ ನಿರ್ದೇಶನ ಮಾಡುತ್ತಿರುವ 'ಇರುವುದೆಲ್ಲವಬಿಟ್ಟು' ಎಂಬ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇದಾದ ನಂತರ ಮುಸ್ಸಂಜೆ ಮಹೇಶ್ ನಿರ್ದೇಶನದ ಚಿತ್ರದಲ್ಲಿ ಮೇಘನಾ ಅಭಿನಯಿಸಲಿದ್ದಾರೆ.

ಧ್ರುವ ಮುಂದಿನ ಸಿನಿಮಾ ಯಾವುದು?

ನಂದಕಿಶೋರ್ ನಿರ್ದೇಶನ ಮಾಡಲಿರುವ ಪೊಗರು ಚಿತ್ರದಲ್ಲಿ ಧ್ರುವ ಸರ್ಜಾ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಆದ್ರೆ, ಇದೊಂದು ರೀಮೇಕ್ ಸಿನಿಮಾ ಎಂಬ ಕಾರಣಕ್ಕೆ ಈ ಚಿತ್ರದಿಂದ ಹೊರಬಂದಿದ್ದಾರೆ ಎಂದು ಸುದ್ದಿ ಕೇಳಿಬರುತ್ತಿದೆ.