ಮೇಘನಾ ರಾಜ್ ಮನೆಯಲ್ಲಿ ಅರಿಶಿಣ ಶಾಸ್ತ್ರ ಜೋರೋ ಜೋರು

Recommended Video

ಮೇಘನಾ ರಾಜ್ ಹಾಗೂ ಚಿರಂಜೀವಿ ಸರ್ಜಾ ಅವರ ಮದುವೆಗೆ ಇನ್ನು ಒಂದು ವಾರವಷ್ಟೇ ಬಾಕಿ ಇದೆ. ಎರಡು ಸಂಪ್ರದಾಯಗಳಂತೆ ಮದುವೆ ಕಾರ್ಯಕ್ರಗಳು ನಡೆಯುತ್ತಿದೆ. ಇದೇ ಕಾರಣಕ್ಕಾ ಈಗಾಗಲೇ ಮೇಘನಾ ರಾಜ್ ಅವರ ಮನೆಯಲ್ಲಿ ಮದುವೆಯ ಸಂಭ್ರಮ ಮನೆ ಮಾಡಿದೆ.

ಇಂದು (ಏಪ್ರಿಲ್ 25) ಮುಂಜಾನೆಯೇ ವಧು ಮೇಘನಾ ರಾಜ್ ಚಪ್ಪರ ಕಂಬಕ್ಕೆ ಪೂಜೆ ಸಲ್ಲಿಸುವ ಮೂಲಕ ಚಪ್ಪರ ಹಾಕುವ ಕಾರ್ಯಕ್ರಮಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ. ಮೇಘನಾ ಮನೆಯಂಗಳದಲ್ಲಿ ಈಗಾಗಲೇ ಚಪ್ಪರ ಸಿಂಗಾರಗೊಂಡಿದೆ. ಅದರ ಬೆನ್ನಲ್ಲೇ ಅರಿಶಿನ ಶಾಸ್ತ್ರವನ್ನು ಮಾಡಿದ್ದಾರೆ.

ಹಿಂದೂ ಸಂಪ್ರದಾಯದಂತೆ ಇಂದಿನ ಶಾಸ್ತ್ರಗಳು ನಡೆದಿದ್ದು ಸುಂದರ್ ರಾಜ್ ಹಾಗೂ ಪ್ರಮೀಳಾ ಜೋಷಾಯಿ ಅವರ ಕುಟುಂಬಸ್ಥರೆಲ್ಲರೂ ಸೇರಿ ಮೇಘನಾಗೆ ಅರಿಶಿನ ಹಚ್ಚಿ ಶಾಸ್ತ್ರ ಮಾಡಿದ್ದಾರೆ. ಮನೆಯ ಮುಂಭಾಗದಲ್ಲಿ ಸಿದ್ದವಾಗಿದ್ದ ವೇದಿಕೆಯಲ್ಲಿ ಎಲ್ಲರೂ ಸೇರಿ ಸಂಪ್ರದಾಯಬದ್ಧವಾಗಿ ಅರಿಶಿನ ಹಚ್ಚಲಾಯ್ತು.

ಅರಿಶಿನದ ಜೊತೆಯಲ್ಲಿ ಬಳೆ ಶಾಸ್ತ್ರವನ್ನ ಮಾಡಲಾಯ್ತು ಇನ್ನು ಆರು ದಿನಗಳಷ್ಟೇ ಬಾಕಿ ಇರುವ ಮೇಘನಾ-ಚಿರು ಕಲ್ಯಾಣಕ್ಕೆ ಈಗಾಗಲೇ ಸಾಕಷ್ಟು ಸಂಬಂಧಿಕರು ಸುಂದರ್ ರಾಜ್ ಅವರ ಮನೆಗೆ ಬಂದಿದ್ದಾರೆ. ಹಳದಿ ಮತ್ತು ಬಳೆ ಶಾಸ್ತ್ರದಲ್ಲಿ ನಟಿ ಮೇಘನಾ ರಾಜ್ ಕೆಂಪು,ಬಿಳಿ, ನೀಲಿ ಮಿಶ್ರಣವಾಗಿರುವ ಕ್ರಾಪ್ ಟಾಪ್ ಹಾಗೂ ಸ್ಕರ್ಟ್ ಧರಿಸಿದ್ದರು.