ಬಂಗಾರು ಬಾಬಾ ಅವತಾರದಲ್ಲಿ ಮೋಹನ್‌ಲಾಲ್

ಮೋಹನ್ ಲಾಲ್

ಪುಟ್ಟಪರ್ತಿ ಸಾಯಿ ಬಾಬಾ ಪಾತ್ರವನ್ನು ಮಲಯಾಳಂನ ಸೂಪರ್ ಸ್ಟಾರ್ ಮೋಹನ್‌ಲಾಲ್ ಪೋಷಿಸಲಿದ್ದಾರೆ. ದುಂಡಾದ ಮುಖ ಚಹರೆ, ಆಕಾರ, ಗಾತ್ರ ಎಲ್ಲರೂ ಸತ್ಯಸಾಯಿಬಾಬಾ ಅವರ ಪಾತ್ರಕ್ಕೆ ಹೇಳಿಮಾಡಿಸಿರುವಂತಿರುವುದೇ ಅವರನ್ನು ಆಯ್ಕೆ ಮಾಡಲು ಕಾರಣ ಎನ್ನುತ್ತಾರೆ ಚಿತ್ರದ ನಿರ್ದೇಶಕ ಕೋಡಿ ರಾಮಕೃಷ್ಣ.

ಇದೊಂದು ಬಹುಭಾಷಾ ಚಿತ್ರವಾಗಿದ್ದು ಅಂತಾರಾಷ್ಟ್ರೀಯ ಮಾನದಂಡಗಳಿಗೆ ಅನುಗುಣವಾಗಿ ಚಿತ್ರಿಸಲಾಗುತ್ತದಂತೆ. ಭಾರತದ ಎಲ್ಲ ಪ್ರಮುಖ ಭಾಷೆಗಳಲ್ಲೂ ತರುವುದಾಗಿ ಕೋಡಿ ರಾಮಕೃಷ್ಣ ಹೇಳಿಕೊಂಡಿದ್ದಾರೆ. ಆದರೆ ಕನ್ನಡದಲ್ಲಿ ಬರುತ್ತದೋ ಇಲ್ಲವೋ ಎಂಬ ಬಗ್ಗೆ ಸದ್ಯಕ್ಕೆ ಮಾಹಿತಿ ಇಲ್ಲ.

ಕೋಡಿ ರಾಮಕೃಷ್ಣ ಅವರು ಪುಟ್ಟಪರ್ತಿಯ ಸಾಯಿ ಬಾಬಾ ಆಶ್ರಮಕ್ಕೆ ಭೇಟಿ ನೀಡಿ ಹಲವಾರು ಮಹತ್ವದ ಸಂಗತಿಗಳನ್ನು ಹೆಕ್ಕಿಕೊಂಡು ಹೋಗಿದ್ದಾರೆ. ಸತ್ಯ ಸಾಯಿ ಬಾಬಾ ಅವರ ಅಪಾರ ಭಕ್ತಕೋಟಿ ಈ ಚಿತ್ರವನ್ನು ನಿರೀಕ್ಷಿಸುವಂತಾಗಿದೆ. (ಏಜೆನ್ಸೀಸ್)