'ಅಮ್ಮನೇ ಎಲ್ಲ, ಅವಳಿಲ್ಲದೇ ಬೇರೇನಿಲ್ಲ' ಚಂದದ ನಟಿಯರ ಪ್ರೀತಿಯ ಅಮ್ಮಂದಿರು

ಅಮ್ಮ ಬೇಕು ಅನಿಸುತ್ತದೆ....

ಕಳೆದ ತಿಂಗಳುಗಳ ಹಿಂದೆಯಷ್ಟೇ ಮದುವೆಯಾಗಿ ಗಂಡನ ಮನೆಯಲ್ಲಿರುವ ನಟಿ ರಾಧಿಕಾ ಪಂಡಿತ್ ತಮ್ಮ ಅಮ್ಮನನ್ನ ಹೆಚ್ಚು ಮಿಸ್ ಮಾಡ್ಕೊಳ್ತಿದ್ದಾರಂತೆ. '' ಚಿಕ್ಕ ಸಮಸ್ಯೆಯಾದರು ಅಲ್ಲಿ ಅಮ್ಮ ಬೇಕು ಅಂತ ಅನಿಸುತ್ತದೆ. ತುಂಬಾ ಮಿಸ್ ಮಾಡ್ಕೊಳ್ತಿದ್ದೀನಿ. ಮದುವೆಯಾದ ನಂತರ ಅಮ್ಮನ ಮಹತ್ವ ಮತ್ತಷ್ಟು ಗೊತ್ತಾಯಿತು'' - ರಾಧಿಕಾ ಪಂಡಿತ್ [ಮದುವೆ ಬಳಿಕ ಮೊದಲ ಹುಟ್ಟುಹಬ್ಬ ಆಚರಿಸಿಕೊಂಡ ರಾಧಿಕಾ ಪಂಡಿತ್!]

ಅಮ್ಮ- ಅಪ್ಪ ಎರಡು ಅಮ್ಮನೇ.....

''ನಾನು 9ನೇ ತರಗತಿಯಲ್ಲಿ ಇದ್ದಾಗ ತಂದೆಯನ್ನ ಕಳೆದುಕೊಂಡೆ. ಅಲ್ಲಿಂದ ಅಪ್ಪ ಅಮ್ಮ ಎರಡು ನನ್ನ ತಾಯಿಯೇ ಆಗಿದ್ದಾರೆ. ಅಮ್ಮ ಲಲಿತಾರನ್ನು ಬಿಟ್ಟು ನಾನು ಏನನ್ನೂ ಯೋಚಿಸುವುದಿಲ್ಲ. ನನ್ನ ಪ್ರತಿ ಕೆಲಸದ ಹಿಂದೆಯೂ ಅವರಿದ್ದಾರೆ. ನಾನು ಪಕ್ಕಾ ಅಮ್ಮನ ಮಗಳು''.- ಹರಿಪ್ರಿಯಾ, ನಟಿ

ಅಮ್ಮನೇ ಜಗತ್ತು.....

''ನಾವು ಭೂಮಿಯ ಮೇಲೆ ಇರುವುದಕ್ಕೆ ಮುಖ್ಯ ಕಾರಣವೇ ಅಮ್ಮ. ಅಮ್ಮನೆಂದರೆ ಪ್ರೀತಿ, ಮಮತೆ, ಆತ್ಮಸ್ಥರ್ಯ ಹೀಗೆ ಎಲ್ಲವನ್ನು ತುಂಬಿಕೊಂಡುವ ಒಂದು ಜಗತ್ತು ಆಕೆ. ನಾವು ಎಷ್ಟೇ ತಪ್ಪು ಮಾಡಿದರು, ಅಮ್ಮನಿಂದ ಒಂದೇ ಒಂದು ತಪ್ಪು ಆಗಲಾರದು''. - ನಭಾ ನಟೇಶ್, ನಟಿ.

ಎಲ್ಲ ಅಮ್ಮನಿಂದ.....

''ನಾನು ಹುಟ್ಟಿದಾಗಿನಿಂದ ನನ್ನ ಕಣ್ಣ ಮುಂದೆ ಸುಂದರವಾದ ವ್ಯಕ್ತಿಯನ್ನ ನೋಡುತ್ತಲೇ ಇದ್ದೇನೆ. ಅದು ನಮ್ಮ ಅಮ್ಮ. ನಾನು ಇಂದು ಸಾಧಿಸಿರುವುದು ಎಲ್ಲವು ಅಮ್ಮನಿಂದ. ಇದಕ್ಕೆಲ್ಲ ಥ್ಯಾಂಕ್ ಯೂ ಹೇಳುವುದು ತುಂಬ ಚಿಕ್ಕದು''. - ರವೀನಾ ಟಂಡನ್, ನಟಿ

ಅಮ್ಮ ಅಂದರೆ ಪ್ರೀತಿ.....

''ಅಮ್ಮ ಅಂದರೆ ಪ್ರೀತಿ. ಅಮ್ಮಂದಿರ ದಿನ ಮಾತ್ರವಲ್ಲದೆ ಅಮ್ಮನ ಮೇಲಿನ ಪ್ರೀತಿ ಯಾವಾಗಲು ಇರಬೇಕು. ಅಪ್ಪ, ಅಮ್ಮ ಇಬ್ಬರ ಒಳ್ಳೆಯ ಕೆಲಸಗಳು ನಮಗೆ ಪುಣ್ಯವಾಗಿ ಬರುತ್ತೆ'' - ಅನುಷ್ಕಾ ಶೆಟ್ಟಿ, ನಟಿ