ಬಿಡುಗಡೆ ದಿನ ಮನೆಯಲ್ಲಿಯೇ ನೋಡಿ ಸಿನಿಮಾ

ಈ ರೀತಿಯಲ್ಲಿ ಚಿತ್ರಪ್ರೇಮಿಗಳಿಗೆ ಚಿತ್ರ ಪ್ರಸಾರ ಮಾಡುವ ವಿನೂತನ ವ್ಯವಸ್ಥೆ 2012ರ ಜೂನ್ ತಿಂಗಳಿಂದ ದೆಹಲಿ, ಕೊಲ್ಕೊತ್ತಾ, ಮಂಬೈ, ಹೈದ್ರಾಬಾದ್, ಮಹಾನಗರಗಳಲ್ಲಿ ಪ್ರಾಯೋಗಿಕವಾಗಿ ಜಾರಿಗೆ ಬರಲಿದೆ. ನಿಗದಿತ ಹಣವನ್ನು ಪಾವತಿಸಿದರೆ ಚಲನಚಿತ್ರ ನಿರ್ಮಾಪಕರು ಚಿತ್ರದ ಹಾರ್ಡ್ ಡಿಸ್ಕ್ ಸಿದ್ಧಪಡಿಸಿ ಡಿಟಿಎಚ್ ಕಂಪನಿಗಳಿಗೆ ನೀಡುತ್ತಾರೆ. ಅವರು ಅಂದೇ ಬಿಡುಗಡೆಯಾದ ನಿಮ್ಮಿಷ್ಟದ ಚಿತ್ರವನ್ನು ಪ್ರಸಾರ ಮಾಡುತ್ತಾರೆ.

ಇದು ಬಿಡುಗಡೆಯಾದ ದಿನಕ್ಕಷ್ಟೇ ಸೀಮಿತ ಎಂಬುದು ನೆನಪಿರಲಿ. ನಿಮಗೆ ಬೇಕಾದ ಸಮಯ ಹಾಗೂ ಚಾನೆಲ್ ವಿವರಣೆಯೊಂದಿಗೆ ಡಿಟಿಎಚ್ ಕಂಪನಿಗಳು ನೀಡುವ ನಂಬರಿಗೆ ಎಸ್ಎಂಎಸ್ ಮಾಡಿದರೆ ಸಾಕು, ನಿಮ್ಮಿಷ್ಟದ ಸಿನಿಮಾ ನಿಮ್ಮ ಮನೆಯಲ್ಲಿ ನಿಮ್ಮ ಟಿವಿ ಪರದೆ ಮೇಲೆ ಮೂಡುತ್ತದೆ. 'ಇದು ನಮಗೇನೋ ಅನುಕೂಲ, ಆದರೆ ಚಿತ್ರಮಂದಿರಗಳಿಗೆ ದೊಡ್ಡ ಹೊಡೆತವಲ್ಲವೇ' ಎಂಬ ನಿಮ್ಮ ಪ್ರಶ್ನೆಗೆ 'ಖಂಡಿತ ಹೌದು' ಎಂಬುದೇ ಉತ್ತರ. ಕಾಲಾಯ ತಸ್ಮೈ ನಮಃ... (ಒನ್ ಇಂಡಿಯಾ ಕನ್ನಡ)