'ಹಾಲಿವುಡ್'ಗೆ ಹಾರಿದ ಸುಧೀರ್ ಪುತ್ರ ನಿರ್ದೇಶಕ ನಂದ ಕಿಶೋರ್!

ಹಾಲಿವುಡ್ ಚಿತ್ರ

ಸ್ಯಾಂಡಲ್ ವುಡ್ ಸಾಲು ಸಾಲು ಸಿನಿಮಾ ಮಾಡಿ ಗೆದ್ದಿದ್ದ ನಿರ್ದೇಶಕ ನಂದ ಕಿಶೋರ್ ಈಗ ಹಾಲಿವುಡ್ ನಲ್ಲಿ ಚಿತ್ರ ಮಾಡುವ ಹೊಸ ಸಾಹಸಕ್ಕೆ ಕೈ ಹಾಕಿದ್ದಾರೆ. ಈ ಮೂಲಕ 'ಹಾಲಿವುಡ್'ಗೆ ಹಾರಿದ ಕನ್ನಡ ಮೊದಲ ನಿರ್ದೇಶಕ ಎಂಬ ಹೆಗ್ಗಾಳಿಕೆಯನ್ನು ಸುಧೀರ್ ಪುತ್ರ ಪಡೆದಿದ್ದಾರೆ.

ಅನೂಪ್ ರೇವಣ್ಣ ನಟನೆ

ವಿಶೇಷ ಅಂದರೆ ನಂದ ಕಿಶೋರ್ ನಿರ್ದೇಶನದ ಈ ಹಾಲಿವುಡ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನಟ ಅನೂಪ್ ರೇವಣ್ಣ.

ಅನೂಪ್ ತರಬೇತಿ

ಕಳೆದ ಒಂದು ವರ್ಷದಿಂದ ಈ ಚಿತ್ರಕ್ಕಾಗಿ ಅನೂಪ್ ನೂಯರ್ಕ್ ಫಿಲ್ಮ್ಸ್ ಅಕಾಡಮಿಯಲ್ಲಿ ತರಬೇತಿ ತೆಗೆದುಕೊಳ್ಳುತ್ತಿದ್ದಾರೆ.

ಎರಡು ಭಾಷೆಯಲ್ಲಿ ತೆರೆಗೆ

ನಂದಕಿಶೋರ್ ಮತ್ತು ಅನೂಪ್ ಅವರ ಈ ಹೊಸ ಸಿನಿಮಾ ಕನ್ನಡ ಮತ್ತು ಇಂಗ್ಲೀಷ್ ಎರಡು ಭಾಷೆಯಲ್ಲಿ ತೆರೆಗೆ ಬರಲಿದೆ.

ಹಾಲಿವುಡ್ ತಂತ್ರಜ್ಞರು

ಈಗಾಗಲೇ ಸಿನಿಮಾದ ಸ್ಕ್ರಿಪ್ಟ್ ಕೆಲಸ ಶುರುವಾಗಿದ್ದು, ಸಿನಿಮಾದ ಚಿತ್ರೀಕರಣ 2018ರಲ್ಲಿ ಪ್ರಾರಂಭವಾಗಲಿದೆ. ಇನ್ನು ಈ ಚಿತ್ರದಲ್ಲಿ ಹಾಲಿವುಡ್ ತಂತ್ರಜ್ಞರೆ ಕೆಲಸ ಮಾಡಲಿದ್ದಾರಂತೆ.

ಫಸ್ಟ್ ಲುಕ್ ಟೀಸರ್

ಫೆಬ್ರವರಿ 8ಕ್ಕೆ ನಟ ಅನೂಪ್ ರೇವಣ್ಣ ಹುಟ್ಟುಹಬ್ಬದ ವಿಶೇಷವಾಗಿ ಈ ಚಿತ್ರದ ಫಸ್ಟ್ ಲುಕ್ ಟೀಸರ್ ರಿಲೀಸ್ ಆಗಲಿದೆ.

ನಂದ ಕಿಶೋರ್ ಸಿನಿಮಾಗಳು

ಸದ್ಯ ಹಾಲಿವುಡ್ ಚಿತ್ರವನ್ನು ಹೊರತುಪಡಿಸಿ ನಂದ ಕಿಶೋರ್ ಖಾತೆಯಲ್ಲಿ 'ಬೃಹಸ್ಪತಿ' ಮತ್ತು 'ಪೋಗರು' ಸಿನಿಮಾಗಳಿವೆ.