Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
20 ತಾರೆಯರ ಪಟ್ಟಿ ಸಿದ್ಧ: ಟಾಲಿವುಡ್ ಮಾದರಿಯಲ್ಲಿ 'ಡ್ರಗ್ಸ್' ಕುರಿತು ವಿಚಾರಣೆ!
ಮೂರು ವರ್ಷಗಳ ಹಿಂದೆ ಟಾಲಿವುಡ್ನಲ್ಲಿ ಡ್ರಗ್ಸ್ ಮಾಫಿಯಾ ಬಹಳ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ಡ್ರಗ್ಸ್ ಸೇವನೆ, ಡ್ರಗ್ಸ್ ಬಳಕೆ ಹಾಗೂ ಡ್ರಗ್ಸ್ ಡೀಲರ್ಗಳ ಜೊತೆ ಒಡನಾಟದ ಆರೋಪದ ಮೇಲೆ ತೆಲುಗು ಚಿತ್ರರಂಗದ ಹಲವರನ್ನು ಎಸ್ಐಟಿ ತಂಡ ವಿಚಾರಣೆಗೆ ಒಳಪಡಿಸಿತ್ತು.
Recommended Video
ಖ್ಯಾತ ನಟ ರವಿತೇಜಾ ಹಾಗೂ ಅವರ ಸಹೋದರ, ನಿರ್ದೇಶಕ ಪೂರಿ ಜಗನ್ನಾಥ್, ನಟಿ ಚಾರ್ಮಿ, ಗಾಯಕಿ ಗೀತಾ ಮಾಧುರಿ ಸೇರಿದಂತೆ ಖ್ಯಾತ ನಾಮರ ಹೆಸರು ಡ್ರಗ್ಸ್ ಜಾಲದಲ್ಲಿ ಚರ್ಚೆಗೆ ಬಂದಿತ್ತು. ಇವರಲ್ಲಿ ಕೆಲವರು ಪೊಲೀಸ್ ವಿಚಾರಣೆಗೆ ಸಹ ಒಳಪಟ್ಟಿದ್ದರು.
ಡ್ರಗ್ಸ್ ಮಾಫಿಯಾ ಬಯಲಾಗಲು ರವಿತೇಜ ಸಹೋದರನ ಸಾವು ಕಾರಣ.!
ಇದೀಗ, ಇಂತಹದ್ದೆ ಘಟನೆ ಸ್ಯಾಂಡಲ್ವುಡ್ನಲ್ಲಿ ಮರುಕಳಿಸಬಹುದು ಎಂಬ ಸುಳಿವು ಸಿಕ್ಕಿದೆ. ಡ್ರಗ್ಸ್ ಡೀಲರ್ ಬಿಚ್ಚಿಟ್ಟ ಮಾಹಿತಿ ಪ್ರಕಾರ, ಕನ್ನಡ ಚಿತ್ರರಂಗ ಹಾಗೂ ಕಿರುತೆರೆಗೆ ಸಂಬಂಧಿಸಿದ 20 ಜನರ ಪಟ್ಟಿಯನ್ನು ಎನ್ಸಿಬಿ (Narcotics Control Bureau-ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ) ತಂಡ ಸಿದ್ಧಪಡಿಸಿದೆ ಎಂದು ಹೇಳಲಾಗುತ್ತಿದೆ. ಮುಂದೆ ಓದಿ...
ಅನಿಕಾ ಬಾಯ್ಬಿಟ್ಟ ಹೆಸರುಗಳು ಯಾವುದು?
ಬೆಂಗಳೂರಿನಲ್ಲಿ ಡ್ರಗ್ಸ್ ಡೀಲರ್ ಅನಿಕಾಳನ್ನು ಎನ್ಸಿಬಿ ತಂಡ ಬಂಧಿಸಿತ್ತು. ವಿಚಾರಣೆಗೆ ಒಳಪಡಿಸಿದ ನಂತರ ಕಿರುತೆರೆ ಹಾಗೂ ಸಿನಿಮಾರಂಗದವರಿಗೆ ಡ್ರಗ್ಸ್ ಸರಬರಾಜು ಮಾಡುತ್ತಿದ್ದಳು ಎಂದು ತಿಳಿದು ಬಂದಿದೆ. ಈಕೆಯ ಜೊತೆ ಯಾರೆಲ್ಲ ಸಂಪರ್ಕದಲ್ಲಿದ್ದರು ಎಂದು ಮಾಹಿತಿ ಪಡೆದಿದ್ದು, ಸುಮಾರು 20 ತಾರೆಯರ ಪಟ್ಟಿಯನ್ನು ಎನ್ಸಿಬಿ ತಂಡ ಸಿದ್ಧಪಡಿಸಿದೆ ಎಂದು ಮೂಲಗಳು ತಿಳಿಸಿವೆ. ಆದರೆ, ಯಾರ ಹೆಸರು ಸಹ ಬಹಿರಂಗವಾಗಿಲ್ಲ.
ಡ್ರಗ್ಸ್ ಮಾಫಿಯಾದಲ್ಲಿ 15 ಟಾಲಿವುಡ್ ತಾರೆಯರ ಹೆಸರು
ವಿಚಾರಣೆಗೆ ನೋಟಿಸ್ ಕಳಿಸುವ ಸಾಧ್ಯತೆ!
ಇಪತ್ತು ಜನರ ಪಟ್ಟಿಯಲ್ಲಿ ಮೂವರು ಖ್ಯಾತ ನಟಿಯರಿದ್ದು, ಮೂವರು ಧಾರಾವಾಹಿ ಕಲಾವಿದರು, ಓರ್ವ ಸಂಗೀತ ನಿರ್ದೇಶಕ, ಹಾಗೂ ನಾಲ್ವರು ಗಣ್ಯ ವ್ಯಕ್ತಿಗಳ ಮಕ್ಕಳು ಸಹ ಇದ್ದಾರೆ ಎಂದು ಹೇಳಲಾಗಿದೆ. ಇಷ್ಟು ಜನಕ್ಕೆ ವಿಚಾರಣೆಗೆ ಹಾಜರಾಗಿ ಹೇಳಿಕೆ ನೀಡಲು ಎನ್ಸಿಬಿ ನೋಟಿಸ್ ಕಳಿಸುವ ಸಾಧ್ಯತೆ ಹೆಚ್ಚಿದೆ.
ಇಂದ್ರಜಿತ್ಗೆ ಸಿಸಿಬಿ ನೋಟಿಸ್!
ಡ್ರಗ್ಸ್ ಜಾಲದೊಂದಿಗೆ ಚಿತ್ರರಂಗದ ಕೆಲವರಿಗೆ ನಂಟಿದೆ ಎಂದು ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಬಹಿರಂಗವಾಗಿ ಹೇಳಿಕೆ ನೀಡಿದ್ದಾರೆ. ''ನನ್ನ ಬಳಿ ವಿವರ ಇದೆ, ನನಗೆ ರಕ್ಷಣೆ ನೀಡಿದ್ರೆ ಎಲ್ಲವೂ ಹೇಳ್ತೇನೆ'' ಎಂದಿದ್ದರು. ಈ ಹಿನ್ನೆಲೆ ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಗೆ ಸಿಸಿಬಿ ಪೊಲೀಸರು ನೋಟಿಸ್ ನೀಡಿದ್ದಾರೆ.
ಎನ್ಸಿಬಿ ಬೇರೆ, ಸಿಸಿಬಿ ಬೇರೆ ತನಿಖೆ
ಡ್ರಗ್ಸ್ ಮಾಫಿಯಾದಲ್ಲಿ ಸ್ಯಾಂಡಲ್ವುಡ್ ತಾರೆಯರು ಭಾಗಿಯಾಗಿದ್ದಾರೆ ಎಂಬ ವಿಚಾರಕ್ಕೆ ಸಂಬಂಧಪಟ್ಟಂತೆ ಎನ್ಸಿಬಿ (ದೆಹಲಿ ತನಿಖೆ ತಂಡ) ತನಿಖೆ ಮಾಡುತ್ತಿದೆ. ಆರೋಪಿ ಅನಿಕಾಳನ್ನು ಬಂಧಿಸಿರುವುದು ಸಹ ಎನ್ಸಿಬಿ. ಎನ್ಸಿಬಿ ಅಧಿಕಾರಿಗಳಿಗೆ ಅಗತ್ಯಬಿದ್ದರೆ ಸಹಕರಿಸುವುದಾಗಿ ನಗರ ಪೊಲೀಸ್ ಆಯುಕ್ತ ಕಮಲ್ ಪಂತ್ ಹೇಳಿದ್ದಾರೆ. ಮತ್ತೊಂದೆಡೆ ಇಂದ್ರಜಿತ್ ಲಂಕೇಶ್ ಗೆ ಸಿಸಿಬಿ ಪೊಲೀಸರು ನೋಟಿಸ್ ನೀಡಿದ್ದಾರೆ.