ರಚಿತಾ ರಾಮ್, ಪ್ರೇಮ್ ಗೆ ಪುಕ್ಕಟೆ ಸಲಹೆ: ಹುಚ್ಚ ವೆಂಕಟ್ ಗೆ ನೆಟ್ಟಿಗರ ಛೀಮಾರಿ.!

ರಚಿತಾ ರಾಮ್ ವಿರುದ್ಧ ಹುಚ್ಚ ವೆಂಕಟ್ ಹೇಳಿದ್ದೇನು.?

''ನನ್ ಮಗಂದ್... ಯಾಕ್ರೀ ಈ ತರಹದ ಪಾತ್ರಗಳನ್ನು ಮಾಡಿ ಜನರನ್ನು ಹಾಳು ಮಾಡುತ್ತಿದ್ದೀರಾ.? ಲಿಪ್ ಕಿಸ್ ಮಾಡಿ, ಸಿಗರೇಟ್ ಸೇದಿದರೆ.. ಸಿನಿಮಾ ನೋಡುವ ಹೆಣ್ಣು ಮಕ್ಕಳಿಗೆ ಮುಜುಗರ ಆಗಲ್ವಾ.? ಇನ್ಮೇಲೆ ದಯವಿಟ್ಟು ಈ ತರಹದ ಪಾತ್ರಗಳನ್ನು ಮಾಡಬೇಡಿ'' ಎಂದೆಲ್ಲ ವಿಡಿಯೋದಲ್ಲಿ ಹುಚ್ಚ ವೆಂಕಟ್ ಹೇಳಿದ್ದಾರೆ.

ಮೊದಲು ತೆಗೆದು ಹಾಕಿ.!

''ದಯವಿಟ್ಟು ಈ ಲಿಪ್ ಕಿಸ್ ಸೀನ್ ಮತ್ತು ಸ್ಮೋಕಿಂಗ್ ಸೀನ್ ನ ತೆಗೆದುಬಿಡಿ.. ಅಶ್ಲೀಲ ದೃಶ್ಯಗಳನ್ನು ಹಾಕಬೇಡಿ'' ಎಂದು 'ಏಕ್ ಲವ್ ಯಾ' ಚಿತ್ರದ ನಿರ್ದೇಶಕ ಪ್ರೇಮ್ ಗೆ ಹುಚ್ಚ ವೆಂಕಟ್ ಪುಕ್ಕಟೆ ಸಲಹೆ ಕೊಟ್ಟಿದ್ದಾರೆ.

ಛೀಮಾರಿ ಹಾಕಿದ ನೆಟ್ಟಿಗರು

''ಒಬ್ಬ ಹುಡುಗಿಯ ಕೈಯನ್ನು ದೊಡ್ಡಬಳ್ಳಾಪುರದ ರೋಡ್ ನಲ್ಲಿ ಹಿಡಿದು ಎಳೆದಾಗ ಎಲ್ಲಿ ಅಡಗಿತ್ತು ನಿನ್ನ ಮುಖ'', ''ಮಹಿಳೆಯರು ಹೇಗಿರಬೇಕು ಎಂಬುದನ್ನು ಬಡಾಯಿ ಕೊಚ್ಚಿಕೊಳ್ಳುವ ಇವನು ಜೆಂಟಲ್ ಮ್ಯಾನ್ ತರಹ ಯಾವತ್ತಾದರೂ ಬದುಕಿದ್ದಾನಾ.?'', ''ಇವನ ಪುಕ್ಕಟೆ ಉಪದೇಶ ಯಾರಿಗೆ ಬೇಕಾಗಿದೆ.?'' ಅಂತೆಲ್ಲಾ ನೆಟ್ಟಿಗರು ಹುಚ್ಚ ವೆಂಕಟ್ ಗೆ ಛೀಮಾರಿ ಹಾಕುತ್ತಿದ್ದಾರೆ.

ಪಬ್ಲಿಸಿಟಿ ಗೀಳು.!

ಕಳೆದ ವರ್ಷ ಹುಚ್ಚ ವೆಂಕಟ್ ಮಾಡಿಕೊಂಡಿದ್ದ ರಂಪಾಟಗಳು ಒಂದೆರಡಲ್ಲ. ಚೆನ್ನೈ, ಮಡಿಕೇರಿ, ರಾಜಾನುಕುಂಟೆ ಸೇರಿದಂತೆ ಹಲವೆಡೆ 'ಹುಚ್ಚಾಟ' ಪ್ರದರ್ಶಿಸಿ ಪೊಲೀಸ್ ಠಾಣೆಗೆ ಅತಿಥಿಯಾಗಿದ್ದ ಹುಚ್ಚ ವೆಂಕಟ್ ಇದೀಗ ಮತ್ತೆ ಪಬ್ಲಿಸಿಟಿಗಾಗಿ ಹಳೇ ಟ್ರ್ಯಾಕ್ ಗೆ ಮರಳಿದ್ದಾರೆ. ಅವರಿವರ ಬಗ್ಗೆ ವಿಡಿಯೋ ಮಾಡುತ್ತ, ಬಾಯಿಗೆ ಬಂದ ಹಾಗೆ ಮಾತನಾಡುತ್ತ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋಗಳನ್ನು ಹರಿಬಿಡುತ್ತಿದ್ದಾರೆ ಹುಚ್ಚ ವೆಂಕಟ್.