ಕತ್ರಿ ಪ್ರಯೋಗಕ್ಕೆ ಒಳಗಾದ 'ಮಾಸ್ತಿ ಗುಡಿ' ಚಿತ್ರದಲ್ಲಿ ಬದಲಾಗಿದೆ ಕ್ಲೈಮ್ಯಾಕ್ಸ್.!

12 ನಿಮಿಷಗಳ ದೃಶ್ಯಕ್ಕೆ ಕತ್ತರಿ

'ಮಾಸ್ತಿ ಗುಡಿ' ಸಿನಿಮಾದ ಒಟ್ಟು ಕಾಲಾವಧಿ 2 ಗಂಟೆ 30 ನಿಮಿಷ. ಆದರೆ ಈಗ ಚಿತ್ರದ 12 ನಿಮಿಷಗಳ ದೃಶ್ಯಗಳನ್ನ ತೆಗೆದು ಹಾಕುವುದಕ್ಕೆ ಚಿತ್ರತಂಡ ನಿರ್ಧಾರ ಮಾಡಿದೆ.

ಕತ್ತರಿ ಕೆಲಸ ಶುರು

ಈಗಾಗಲೇ 'ಮಾಸ್ತಿ ಗುಡಿ' ಸಿನಿಮಾದ ಟ್ರಿಮಿಂಗ್ ಕೆಲಸ ಶುರುವಾಗಿದೆಯಂತೆ. ಅದಕ್ಕಾಗಿ ನಿರ್ದೇಶಕ ನಾಗಶೇಖರ್ ಮತ್ತು ನಿರ್ಮಾಪಕ ಸುಂದರ್ ಪಿ.ಗೌಡ ಚೆನ್ನೈಗೆ ತೆರಳಿದ್ದಾರೆ.

ಕತ್ತರಿ ಪ್ರಯೋಗಕ್ಕೆ ಕಾರಣ

'ಮಾಸ್ತಿ ಗುಡಿ' ಸಿನಿಮಾ ಬಿಡುಗಡೆಯಾದ ಬಳಿಕ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಅಲ್ಲದೆ, ನಿರ್ದೇಶಕರ ಕಥೆಯ ನಿರೂಪಣೆ ಅನೇಕರಿಗೆ ಹಿಡಿಸಿರಲಿಲ್ಲ. ಆ ಕಾರಣದಿಂದ ಚಿತ್ರತಂಡ ಈ ನಿರ್ಧಾರಕ್ಕೆ ಬಂದಿದೆ.

ಹೊಸ ವರ್ಷನ್ ರಿಲೀಸ್

ಸಿನಿಮಾದ ಕೆಲ ದೃಶ್ಯಗಳನ್ನು ಕಟ್ ಮಾಡಿ ಒಂದು ಹೊಸ ವರ್ಷನ್ ರೆಡಿ ಮಾಡುವ ಕಾರ್ಯಗಳು ನಡೆದಿದೆಯಂತೆ. ಆದಷ್ಟು ಬೇಗ ಸೆನ್ಸಾರ್ ಮುಗಿಸಿ ಮಂಗಳವಾರ ಸಂಜೆಯಿಂದ ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ಹೊಸ ವರ್ಷನ್ ರಿಲೀಸ್ ಆಗಲಿದೆಯಂತೆ.

ಯಾವ ದೃಶ್ಯ ಇರುವುದಿಲ್ಲ.?

ಚಿತ್ರದ 12 ನಿಮಿಷಗಳ ಕೆಲ ಸನ್ನಿವೇಶಗಳನ್ನ ತೆಗೆದು ಹಾಕಲು ಚಿತ್ರತಂಡ ಮುಂದಾಗಿದೆ. ಜೊತೆಗೆ ಬೇಕಾದ ಕಡೆಗಳಲ್ಲಿ ಸ್ವಲ್ಪ ಮಟ್ಟಿನ ಬದಲಾವಣೆ ಮಾಡಿ, ಚಿತ್ರದಲ್ಲಿ ಬದಲಾದ ಕ್ಲೈಮ್ಯಾಕ್ಸ್ ಇರಲಿದೆಯಂತೆ.

ಅನಿಲ್, ಉದಯ್ ಸೀನ್ ಬದಲು

ಖಳ ನಟರಾದ ಅನಿಲ್ ಮತ್ತು ಉದಯ್ ಕಾಣಿಸಿಕೊಂಡಿದ್ದ ಕ್ಲೈಮ್ಯಾಕ್ಸ್ ದೃಶ್ಯ ಸ್ವಲ್ಪ ಮಟ್ಟಿಗೆ ಬದಲಾಗಲಿದೆ. ಕ್ಲೈಮ್ಯಾಕ್ಸ್ ಸೀನ್ ನಲ್ಲಿ ಹೆಲಿಕಾಪ್ಟರ್ ನಿಂದ ಅನಿಲ್ ಮತ್ತು ಉದಯ್ ನೀರಿಗೆ ಜಿಗಿಯುವ ಸಂದರ್ಭದ ಜೊತೆ ಸಂದೇಶವಿರುವ ಒಂದು ದೃಶ್ಯವನ್ನ ಸೇರಿಸಲಾಗಿದೆಯಂತೆ.