ಕನ್ನಡ ಕ್ರಿಕೆಟಿಗ ಕೆ.ಎಲ್.ರಾಹುಲ್ ಜೊತೆಗೆ ಡೇಟ್ ಮಾಡುತ್ತಿರುವ ನಟಿ ಯಾರು.?

ಈಕೆಯೇ 'ಆ' ನಟಿ

ಟೈಗರ್ ಶ್ರಾಫ್ ಅಭಿನಯದ 'ಮುನ್ನ ಮೈಕೇಲ್' ಚಿತ್ರದ ಮೂಲಕ ಬಾಲಿವುಡ್ ಲೋಕಕ್ಕೆ ಪದಾರ್ಪಣೆ ಮಾಡಿದ ಚೆಲುವೆ ನಿಧಿ ಅಗರ್ವಾಲ್. ಅಂದು ಟೈಗರ್ ಶ್ರಾಫ್ ಜೊತೆಗೆ ಕುಣಿದು ಕುಪ್ಪಳಿಸಿದ್ದ ನಿಧಿ ಇದೀಗ ಕೆ.ಎಲ್.ರಾಹುಲ್ ಜೊತೆಗೆ ಡೇಟಿಂಗ್ ಮಾಡುತ್ತಿದ್ದಾರಂತೆ.

ಒಟ್ಟಿಗೆ ಕಾಣಿಸಿಕೊಂಡ ಜೋಡಿ

'ಸವ್ಯಸಾಚಿ' ಎಂಬ ತೆಲುಗು ಚಿತ್ರದ ಚಿತ್ರೀಕರಣದಲ್ಲಿ ಬಿಜಿಯಿದ್ದರೂ, ಮುಂಬೈನ ಹೋಟೆಲ್ ಒಂದರಲ್ಲಿ ಕೆ.ಎಲ್.ರಾಹುಲ್ ಜೊತೆಗೆ ಡಿನ್ನರ್ ಮಾಡಿದ್ದಾರೆ ನಿಧಿ ಅಗರ್ವಾಲ್. ಇಬ್ಬರ ಡಿನ್ನರ್ ಡೇಟ್ ಈಗ ಗಾಸಿಪ್ ಗೆ ಕಾರಣವಾಗಿದೆ.

ಬೆಂಗಳೂರು ಕನೆಕ್ಷನ್

ಕೆ.ಎಲ್.ರಾಹುಲ್ ಮೂಲತಃ ಮಂಗಳೂರಿನವರಾದರೂ, ಉನ್ನತ ಶಿಕ್ಷಣ ಪೂರೈಸಿದ್ದು ಬೆಂಗಳೂರಿನಲ್ಲಿ. ಇನ್ನೂ ನಿಧಿ ಅಗರ್ವಾಲ್ ಕೂಡ ಬೆಂಗಳೂರಿನವರೇ. 'ಬೆಂಗಳೂರಿನ ಕನೆಕ್ಷನ್' ಇಬ್ಬರನ್ನೂ ಹತ್ತಿರ ತಂದಿದೆ.

ನಿಧಿ ಏನಂತಾರೆ.?

''ರಾಹುಲ್ ನನ್ನ ಆತ್ಮೀಯ ಸ್ನೇಹಿತ. ಅವರೊಂದಿಗೆ ನಾನು ಊಟ ಮಾಡಿದ್ದು ನಿಜ. ನಾನು ಹಾಗೂ ರಾಹುಲ್ ಹಲವು ವರ್ಷಗಳಿಂದ ಸ್ನೇಹಿತರು. ರಾಹುಲ್ ಕ್ರಿಕೆಟರ್ ಆಗುವ ಮುಂಚಿನಿಂದಲೂ ನನಗೆ ಪರಿಚಯ. ಬೆಂಗಳೂರಿನಲ್ಲಿ ಒಂದೇ ಕಾಲೇಜಿನಲ್ಲಿ ನಾವು ಓದಿಲ್ಲ. ಆದರೂ, ನಾವಿಬ್ಬರು ಒಳ್ಳೆಯ ಸ್ನೇಹಿತರು'' ಎಂದು ಸ್ಪಾಟ್ ಬಾಯ್ ಸಂದರ್ಶನದಲ್ಲಿ ನಿಧಿ ಅಗರ್ವಾಲ್ ಹೇಳಿದ್ದಾರೆ.