ದರ್ಶನ್ ಜೊತೆಗೆ ಚಂದನ್ ಶೆಟ್ಟಿ, ನಿವೇದಿತಾ ಗೌಡ: ಭೇಟಿ ಹಿಂದಿನ ರಹಸ್ಯ ಏನು.?

ಮದುವೆಗೆ ಆಹ್ವಾನ ನೀಡಲು ಹೋಗಿದ್ರಾ ಚಂದನ್ ಶೆಟ್ಟಿ-ನಿವೇದಿತಾ.?

ಇದೇ ತಿಂಗಳು ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ಮದುವೆ ನಡೆಯಲಿದೆ. ಹೀಗಾಗಿ, ಮದುವೆಗೆ ಆಹ್ವಾನ ನೀಡಲು ದರ್ಶನ್ ಮನೆಗೆ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ಭೇಟಿ ಕೊಟ್ಟಿದ್ರಾ.? ಎಂಬ ಡೌಟ್ ಅಭಿಮಾನಿಗಳನ್ನು ಕಾಡುತ್ತಿದೆ.

ಮದುವೆ ಯಾವಾಗ.?

'ಬಿಗ್ ಬಾಸ್' ಮನೆಯಲ್ಲಿ ಪರಿಚಯವಾಗಿ, ಹೊರಗೆ ಬಂದ ಮೇಲೆ ಪ್ರೇಮಿಗಳಾದ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ಮದುವೆ ದಿನಾಂಕ ಫಿಕ್ಸ್ ಆಗಿದೆ. ಇದೇ ತಿಂಗಳು (ಫೆಬ್ರವರಿ) 25 ಮತ್ತು 26 ರಂದು ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ವಿವಾಹ ಜರುಗಲಿದೆ.

ಮದುವೆ ಎಲ್ಲಿ.?

ನಿವೇದಿತಾ ಗೌಡ ಮೂಲತಃ ಮೈಸೂರಿನವರು. ಹೀಗಾಗಿ, ಮೈಸೂರಿನ ಸ್ಪೆಕ್ಟ್ರಾ ಕನ್ವೆನ್ಷನ್ ಹಾಲ್ ನಲ್ಲಿ ಚಂದನ್ ಶೆಟ್ಟಿ-ನಿವೇದಿತಾ ಗೌಡ ವಿವಾಹ ಮಹೋತ್ಸವ ನಡೆಯಲಿದೆ.

10 ವರ್ಷ ಅಂತರ.!

ವೈವಾಹಿಕ ಬದುಕಿಗೆ ಕಾಲಿಡಲು ಸಜ್ಜಾಗಿರುವ ಚಂದನ್ ಶೆಟ್ಟಿ ಮತ್ತು ನಿವೇದಿತಾ ಗೌಡ ನಡುವೆ 10 ವರ್ಷಗಳ ವಯಸ್ಸಿನ ಅಂತರ ಇದೆ. ಕನ್ನಡ ರಾಪರ್ ಚಂದನ್ ಶೆಟ್ಟಿಗೆ 30 ವರ್ಷ. ಆದ್ರೆ, ನಿವೇದಿತಾ ಗೌಡಗೆ ಇನ್ನೂ 20 ರ ಹರೆಯ. ವಯಸ್ಸಿನ ಅಂತರ ಏನೇ ಇದ್ದರೂ, ಪ್ರೀತಿಯಲ್ಲಿ ಮುಳುಗಿರುವ ಈ ಜೋಡಿ ಅತಿ ಶೀಘ್ರದಲ್ಲಿ ದಾಂಪತ್ಯ ಬದುಕಿಗೆ ಕಾಲಿಡಲಿದ್ದಾರೆ.