ಸೂಪರ್ ಸ್ಟಾರ್ ಗಳ ಕಥೆನೇ ಹಿಂಗಾದ್ರೆ ಕೇಳೋರ್ಯಾರು?

ಉಪ್ಪಿಗೆ ಲೇಡಿ ಫ್ಯಾನ್ಸ್ ಕಡಿಮೆ

ರಿಯಲ್ ಸ್ಟಾರ್ ಸಿನಿಮಾಗಳು ರಿಯಲಿಸ್ಟಿಕ್ ಸಿನಿಮಾಗಳು. ಇಲ್ಲಿ ಎಲ್ಲವೂ ರಿಯಲಿಸ್ಟಿಕ್, ಯಾವ ಮೇಕಪ್ಪು ಲಿಪ್ ಸ್ಟಿಕ್ಕು ಇಲ್ಲದೆ ಸಮಾಜವನ್ನ ಬೆತ್ತಲಾಗಿಸೋ ಉಪ್ಪಿ ಸಿನಿಮಾಗಳು ಭಾವ-ಬಂಧ-ಸಂಬಂಧಗಳ ಜೂಜಾಟ ಜಂಜಾಟವನ್ನ ಬಯಸೋ ಮಹಿಳೆಯರಿಗೆ ಇಷ್ಟವಾಗೋದಿಲ್ಲ.

ಕುಟುಂಬ,ಗೋಕರ್ಣ ಓಕೆ

ಕುಟುಂಬ ಗೋಕರ್ಣದಂತಹಾ ಉಪ್ಪಿ ಸಿನಿಮಾಗಳು ಓಕೆ ಆದ್ರೆ ಸಿನಿಮಾಗಳಲ್ಲಿ ಉಪೇಂದ್ರ ಭಾವನೆಗಿಂತ ಹೆಚ್ಚಾಗಿ ವಾಸ್ತವ ಮತ್ತು ಸಮಾಜದ ಸಮಸ್ಯೆಗಳ ತೀವ್ರತೆಯನ್ನ ಹೇಳೋದನ್ನ ಕಣ್ಣೀರಿನ ಪ್ರೇಮಕಥೆ ನೋಡೋಕೆ ಇಷ್ಟಪಡೋ ಕಿರುತೆರೆ ಪ್ರೇಮಿಗಳು ಇಷ್ಟಪಡ್ತಿಲ್ಲ.

ದುನಿಯಾ ವಿಜಿ ಅಷ್ಟಕ್ಕಷ್ಟೆ

ಹೊಡೆದಾಟದ ಸಿನಿಮಾಗಳಿಗೆ ಹೇಳಿ ಮಾಡಿಸಿದ ನಟ ದುನಿಯಾ ವಿಜಯ್. ಆದ್ರೆ ವಿಜಯ್ ಸಿನಿಮಾ ಮನೆಯಲ್ಲಿ ಕುಳಿತು ಸಿನಿಮಾ ನೋಡೋ ವರ್ಗವಾದ ಹೆಂಗಸರು ಮತ್ತು ಮಕ್ಕಳಿಗೆ ಇಷ್ಟವಾಗ್ತಿಲ್ಲ ಹಾಗಾಗಿ ಮನರಂಜನಾ ವಾಹಿನಿಗಳಲ್ಲಿ ವಿಜಿ ಸಿನಿಮಾಗಳಿಗೂ ಬೇಡಿಕೆ ಕಡಿಮೆ ಅನ್ನೋ ಮಾಹಿತಿ ಇದೆ.

ಜಗ್ಗೇಶ್ ಲಕಡಿ ಪಕಡಿ ಜುಮ್ಮ

ನವರಸನಾಯಕ ಜಗ್ಗೇಶ್ 90ರ ದಶಕದ ಸಿನಿಮಾಗಳು ತೆರೆಗೆ ಬಂದ್ರೆ ಈಗಲೂ ಪ್ರೇಕ್ಷಕರು ಕಣ್ಣು ಮಿಟುಕಿಸದೆ ನೋಡ್ತಾರೆ. ಆದ್ರೆ ಅಂತಹಾ ಸಿನಿಮಾಗಳು ಬರ್ತಿಲ್ಲ ಅನ್ನೋದೇ ಚಿತ್ರಪ್ರೇಮಿಗಳ ಬೇಸರ.

ದೂದ್ ಪೇಡ ಸಿಹಿ ಕಡಿಮೆಯಾಗಿದೆ

ದಿಗಂತ್ ಒಂದೊಂದೇ ಸಿನಿಮಾಗಳ ಮೂಲಕ ಕನ್ನಡಿಗರ ಮನಸ್ಸಲ್ಲಿ ತಳವೂರೋಕೆ ಶುರುಮಾಡಿದ್ದ ನಟ. ಆದ್ರೆ ದಿಗಂತ್ ಸಿನಿಮಾಗಳಲ್ಲಿರೋ ಕಚಗುಳಿ ಇಡೋ ತಮಾಷೆ ಕಿರುತೆರೆ ಪ್ರೇಕ್ಷಕ ವರ್ಗಕ್ಕಲ್ಲ ಅನ್ನೋದು ಸ್ಯಾಟಲೈಟ್ ಪಂಡಿತರ ಲೆಕ್ಕಾಚಾರ.

ಅಜೇಯ್ ರಾವ್, ಪ್ರೇಮ್ ಪ್ರೇಮಿಗಳಿಗೆ

ಸ್ಯಾಂಡಲ್ ವುಡ್ ನ ಹ್ಯಾಂಡಸಮ್ ಹೀರೋಗಳಾದ ಅಜೇಯ್ ರಾವ್ ಮತ್ತು ಪ್ರೇಮ್ ಪ್ರೇಮಿಗಳಿಗೆ ಮಾತ್ರ ಸೀಮಿತವಾಗಿದ್ದಾರೆ. ಕಾಲೇಜ್ ಹುಡ್ಗ ಹುಡ್ಗಿಯರ ಫೇವರೀಟ್ ಆಗಿರೋ ಈ ಸ್ಟಾರ್ ಗಳು ಕಿರುತೆರೆಯಲ್ಲಿ ಕಿಕ್ ಕೊಡ್ತಿಲ್ಲ.