ಅತಿ ಹೆಚ್ಚು ಲೈಕ್ಸ್ ದಾಖಲೆ ಉಡೀಸ್ ಮಾಡಿದ 'ಒಡೆಯ': ಕನ್ನಡದ ಟಾಪ್ 5 ಟೀಸರ್ ಪಟ್ಟಿ

'ದಿ ವಿಲನ್' ಟೀಸರ್

ಶಿವರಾಜ್ ಕುಮಾರ್ ಮತ್ತು ಸುದೀಪ್ ನಟನೆಯ ದಿ ವಿಲನ್ ಸಿನಿಮಾ ಎರಡು ಟೀಸರ್ ಬಿಡುಗಡೆಯಾಗಿತ್ತು. ಸುದೀಪ್ ವರ್ಷನ್ ಒಂದು, ಶಿವಣ್ಣ ವರ್ಷನ್ ಒಂದು ಟೀಸರ್. ಇದರಲ್ಲಿ ಸುದೀಪ್ ವರ್ಷನ್ ಟೀಸರ್ 7.7 ಮಿಲಿಯನ್ ವೀಕ್ಷಣೆ ಕಂಡಿದೆ. ಒಂದು ವರ್ಷದ ಹಿಂದೆ ಬಿಡುಗಡೆಯಾಗಿದ್ದ ಈ ಟೀಸರ್ ಗೆ 103K ಲೈಕ್ಸ್ ಬಂದಿದೆ. ಇದು ಟಾಪ್ ಐದರಲ್ಲಿ 5ನೇ ಸ್ಥಾನದಲ್ಲಿದೆ.

'ಪೊಗರು' ಟೀಸರ್

ಧ್ರುವ ಸರ್ಜಾ ನಟನೆಯಲ್ಲಿ ಮೂಡಿಬರುತ್ತಿರುವ ಪೊಗರು ಚಿತ್ರದ ಡೈಲಾಗ್ ಟ್ರೈಲರ್ ಭರ್ಜರಿ ಸದ್ದು ಮಾಡ್ತಿದೆ. ಅದಕ್ಕೂ ಮುಂಚೆ ಬಂದಿದ್ದ ಟೀಸರ್ ಕೂಡ ಅಷ್ಟೇ ಅಬ್ಬರ ಮಾಡಿತ್ತು. ಯೂಟ್ಯೂಬ್ ನಲ್ಲಿ 6.1 ಮಿಲಿಯನ್ ವೀಕ್ಷಣೆ ಕಂಡಿರುವ ಈ ಟೀಸರ್ 113K ಲೈಕ್ಸ್ ಪಡೆದುಕೊಂಡಿದೆ. ಟಾಪ್ ಐದರಲ್ಲಿ 4ನೇ ಸ್ಥಾನದಲ್ಲಿದೆ.

'ಯುವರತ್ನ' ಟೀಸರ್

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆಯ ಯುವರತ್ನ ಸಿನಿಮಾದ ಟೀಸರ್ ರಿಲೀಸ್ ಆಗಿದೆ. 3.1 ಮೀಲಿಯನ್ ವೀಕ್ಷಣೆ ಕಂಡಿರುವ ಈ ಟೀಸರ್ ಲೈಕ್ಸ್ ವಿಚಾರದಲ್ಲಿ ಮುಂದಿದೆ. 136K ಲೈಕ್ಸ್ ಪಡೆದುಕೊಂಡಿರುವ ಯುವರತ್ನ ಟಾಪ್ ಐದರ ಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದೆ.

'ಪೈಲ್ವಾನ್' ಟೀಸರ್

ಅತಿ ಹೆಚ್ಚು ಲೈಕ್ಸ್ ಪಡೆದ ಕನ್ನಡದ ಟೀಸರ್ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದ್ದ ಪೈಲ್ವಾನ್ 178k ಲೈಕ್ಸ್ ಹೊಂದಿತ್ತು.6.7 ಮಿಲಿಯನ್ ವೀಕ್ಷಣೆಯೂ ಇತ್ತು. ಇದೀಗ, ಪೈಲ್ವಾನ್ ಟೀಸರ್ ಲೈಕ್ಸ್ ವಿಚಾರದಲ್ಲಿ ಎರಡನೇ ಸ್ಥಾನಕ್ಕೆ ಕುಸಿದಿದೆ.

ಮೊದಲ ಸ್ಥಾನಕ್ಕೆ ಬಂದ 'ಒಡೆಯ'

ಡಿ ಬಾಸ್ ದರ್ಶನ್ ನಟಿಸಿರುವ ಒಡೆಯ ಚಿತ್ರದ ಟೀಸರ್ ದೀಪಾವಳಿ ಹಬ್ಬದ ಪ್ರಯುಕ್ತ ಬಿಡುಗಡೆಯಾಗಿದೆ. ಈ ಚಿತ್ರದ ಟೀಸರ್ ಗೆ 179K ಲೈಕ್ಸ್ ಬಂದಿದೆ. ಈ ಮೂಲಕ ಅತಿ ಹೆಚ್ಚು ಲೈಕ್ಸ್ ಪಡೆದ ಕನ್ನಡದ ಟೀಸರ್ ಗಳ ಪೈಕಿ ಒಡೆಯ ಮೊದಲ ಸ್ಥಾನದಲ್ಲಿದೆ.