ಒಲವೇ ಮಂದಾರ ಶ್ರೀಕಿಗೆ ಕೂಡಿಬಂತು ಕಂಕಣಬಲ

'ಒಲವೇ ಮಂದಾರ' ಖ್ಯಾತಿಯ ನಟ ಶ್ರೀಕಿ ಅವರಿಗೆ ಕಂಕಣಬಲ ಕೂಡಿಬಂದಿದೆ. ನವೆಂಬರ್ 29ರಂದು ಅವರ ವಿವಾಹ ನಡೆಯಲಿದೆ. ಎಂಬಿಎ ಓದಿರುವ ವೀಣಾ ಅವರು ಶ್ರೀಕಿ ಬಾಳಸಂಗಾತಿಯಾಗುತ್ತಿದ್ದಾರೆ. ಅಂದಹಾಗೆ ಇದು ಗುರುಹಿರಿಯರು ನಿಶ್ಚಯಿಸಿರುವ ಮದುವೆ ಎಂದಿವೆ ಕುಟುಂಬ ಮೂಲಗಳು.

ಒಲವೇ ಮಂದಾರ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಿದ ಶ್ರೀಕಿ ಆರಂಭದಲ್ಲೇ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು. ಬಳಿಕ ಅಭಿನಯಿಸಿದ ಲೂಸುಗಳು, 'B3' ಹಾಗೂ ಮನದ ಮರೆಯಲ್ಲಿ ಚಿತ್ರಗಳ ಮೂಲಕ ಎಲ್ಲರ ಗಮನಸೆಳೆದರು. [ನಟಿ ವಿಂಧ್ಯಾ 'ಮನದ ಮರೆಯಲ್ಲಿ' ಏನು ನಡೀತು?]

ಪಾತರಗಿತ್ತಿ ಹಾಗೂ ಗೋವಾ ಚಿತ್ರಗಳ ಬಳಿಕ ಶ್ರೀಕಿ ಗೃಹಸ್ಥಾಶ್ರಮ ಪ್ರವೇಶಿಸುತ್ತಿದ್ದು ಬಳಿಕ ತಾತ್ಕಾಲಿಕವಾಗಿ ಸ್ಯಾಂಡಲ್ ವುಡ್ ನಿಂದ ಬ್ರೇಕ್ ತೆಗೆದುಕೊಳ್ಳಲಿದ್ದಾರೆ. 'ಒಲವೇ ಮಂದಾರ' ಚಿತ್ರವನ್ನು ಬಿಬಿಎಂಪಿ ಕಾರ್ಪೊರೇಟರ್ ಹಾಗೂ ಶ್ರೀಕಿ ಅವರ ತಂದೆ ಗೋವಿಂದರಾಜು ನಿರ್ಮಿಸಿದ್ದರು. ಪಾತರಗಿತ್ತಿ ಹಾಗೂ ಗೋವಾ ಚಿತ್ರಗಳ ಬಳಿಕ ಅವರ ತಂದೆಯರ ನಿರ್ಮಾಣದ ಚಿತ್ರದಲ್ಲಿ ಶ್ರೀಕಿ ತೊಡಗಿಕೊಳ್ಳಲಿದ್ದಾರೆ.