Don't Miss!
- News ಹಿಂದೂ ಯುವತಿ ಬರ್ಬರ ಹತ್ಯೆ ಪ್ರಕರಣ; ಇದೊಂದು ಲಬ್ ಜಿಹಾದ್ ಎಂದ ಜೋಶಿ: ಸಿದ್ದರಾಮಯ್ಯ ಹೇಳಿದ್ದೇನು?
- Technology Poco: ಹೊಸದಾಗಿ ಲಾಂಚ್ ಆದ ಪೊಕೊ X6 ಪ್ರೊ 5G ಸ್ಮಾರ್ಟ್ಫೋನ್ಗೆ 17% ರಿಯಾಯಿತಿ!8 GB RAM
- Finance ಜಗತ್ತಿಗೆ ಭಾರತವೇ ಬಾಸ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಹೇಳಿದ್ದು ಏನು?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಿವಣ್ಣನಿಗೆ ರಾಘಣ್ಣನ ಪ್ರೀತಿಯ ಕಾಣಿಕೆ: ಬ್ರೋ ಯು ಆರ್ ಮೈ ಡ್ಯಾಡ್
ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಭಾನುವಾರ (ಜು 12) ತನ್ನ 53ನೇ ಹುಟ್ಟುಹಬ್ಬವನ್ನು ಎಂದಿನಂತೆ ಅದ್ದೂರಿಯಾಗಿ ಆಚರಿಸಿಕೊಂಡಿದ್ದಾರೆ.
ಅಭಿಮಾನಿಗಳ ಜೊತೆ ದಿನದ ಹೆಚ್ಚಿನ ಹೊತ್ತು ಕಾಲ ಕಳೆದ ಶಿವಣ್ಣನಿಗೆ, ತಮ್ಮ ರಾಘವೇಂದ್ರ ರಾಜಕುಮಾರ್ ಪ್ರೀತಿಯ ಉಡುಗೊರೆಯೊಂದನ್ನು ನೀಡಿದ್ದಾರೆ.[ರಾಘಣ್ಣನ ಒಲವಿನ ಉಡುಗೊರೆಯ ವಿಡಿಯೋ]
ಅಣ್ಣಾವ್ರ ವಿಧಿವಶವಾದ ನಂತರ ಈ ಹಿಂದೆ ಕೂಡಾ ಶಿವಣ್ಣ ಮತ್ತು ಗೀತಾ ಅತ್ತಿಗೆಯಲ್ಲಿ ನನ್ನ ತಂದೆ ತಾಯಿಯನ್ನು ಕಾಣುತ್ತಿದ್ದೇನೆಂದು ರಾಘಣ್ಣ ಹೇಳಿದ್ದುಂಟು. (ರಾಘಣ್ಣನ ಮಾತು ಕೇಳಿ ಗದ್ಗಿತರಾದ ಶಿವಣ್ಣ)
ಅಣ್ಣನ ಹುಟ್ಟುಹಬ್ಬದ ದಿನದಂದು 'ಬ್ರೋ ಯು ಆರ್ ಮೈ ಡ್ಯಾಡ್' ಎನ್ನುವ ಡಿವಿಡಿಯನ್ನು ಶಿವಣ್ಣ, ಗೀತಾ ಶಿವರಾಜ್ ಕುಮಾರ್ ಸಮ್ಮುಖದಲ್ಲಿ ರಾಘಣ್ಣ ಬಿಡುಗಡೆ ಮಾಡಿ ತನ್ನ ಸಹೋದರ ಪ್ರೇಮವನ್ನು ಮತ್ತೆ ತೋರಿಸಿದ್ದಾರೆ.
ಶಿವಣ್ಣನಿಗೆ ಉಡುಗೊರೆ
ಅಣ್ಣನ ಹುಟ್ಟಿದ ಹಬ್ಬಕ್ಕೆ ತಮ್ಮ ರಾಘವೇಂದ್ರ ರಾಜಕುಮಾರ್ ವಿಶೇಷವಾದ ಉಡುಗೊರೆಯನ್ನು ನೀಡಿದ್ದಾರೆ. ಶಿವಣ್ಣ ಮತ್ತು ರಾಘಣ್ಣ ಕುಟುಂಬದ ಸದಸ್ಯರ ಸಮ್ಮುಖದಲ್ಲಿ 'ಬ್ರೋ ಯು ಆರ್ ಮೈ ಡ್ಯಾಡ್' ಎನ್ನುವ ಡಿವಿಡಿಯನ್ನು ರಾಘಣ್ಣ, ಶಿವಣ್ಣ ಮತ್ತು ಗೀತಾ ಬಿಡುಗಡೆ ಮಾಡಿದರು.
ಸಿಡಿಯಲ್ಲಿ ಏನಿದೆ?
ಏಳು ನಿಮಿಷಗಳ ಈ ಡಿವಿಡಿಯಲ್ಲಿ ತಮ್ಮಿಬ್ಬರ ನಡುವಿನ ಸಂಬಂಧ, ತಾನು ಶಿವಣ್ಣನಿಗೆ ತಂದೆಯ ಸ್ಥಾನ ಯಾಕೆ ನೀಡುತ್ತಿದ್ದೇನೆ ಎನ್ನುವ ಅಂಶಗಳನ್ನು ಹೊಂದಿದೆ. ಜೊತೆಗೆ ನಮ್ಮಿಬ್ಬರ ಅಪರೂಪದ ಫೋಟೋಗಳೂ ಡಿವಿಡಿಯಲ್ಲಿ ಇದೆ ಎಂದು ರಾಘಣ್ಣ ಹೇಳಿದ್ದಾರೆ.
ವೀಕೆಂಡ್ ವಿತ್ ರಮೇಶ್
ಜೀಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಶಿವಣ್ಣ, ಕಾರ್ಯಕ್ರಮದ ಕ್ಲಿಪ್ಪಿಂಗ್ಸ್ ನಲ್ಲಿ ರಾಘಣ್ಣ ಮಾತನಾಡುತ್ತಿದ್ದಾಗ ಭಾವೋದ್ವೇಗಕ್ಕೆ ಒಳಗಾಗಿ ಬಿಕ್ಕಿಬಿಕ್ಕಿ ಅತ್ತಿದ್ದರು.
ಕ್ಲಿಪ್ಪಿಂಗ್ಸ್ ನಲ್ಲಿ
ನಾನು, ಶಿವಣ್ಣ ಮತ್ತು ಅತ್ತಿಗೆಯಲ್ಲಿ ತಂದೆ ತಾಯಿಯನ್ನು ಕಾಣುತ್ತಿದ್ದೇನೆಂದು ರಾಘಣ್ಣ ಕಾರ್ಯಕ್ರಮಕ್ಕೆ ನೀಡಿದ್ದ ಕ್ಲಿಪ್ಪಿಂಗ್ಸ್ ನಲ್ಲಿ ಹೇಳಿದ್ದರು. ಆ ಸಂದರ್ಭದಲ್ಲಿ ತೀವ್ರ ಕಣ್ಣೀರಿಟ್ಟ ಶಿವಣ್ಣ ಅವರನ್ನು ಖುದ್ದು ರಮೇಶ್ ಸಮಾಧಾನ ಪಡಿಸಿದ್ದರು. ರಾಘು ಇತ್ತೀಚೆಗೆ ತುಂಬಾ ಭಾವೋದ್ವೇಗಕ್ಕೆ ಒಳಗಾಗುತ್ತಿದ್ದಾನೆಂದು ಶಿವಣ್ಣ ಹೇಳಿದ್ದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದಾಗಿದೆ.
ಶಿವಣ್ಣನ Birthdayಗೆ ಸಾವಿರಾರು ಜನ
ಬೆಂಗಳೂರಿನ ನಾಗಾವರದ ಶಿವಣ್ಣನ ಮನೆಗೆ ಶನಿವಾರ ರಾತ್ರಿಯೇ ಅಭಿಮಾನಿಗಳ ದಂಡು ಹರಿದು ಬರಲಾರಂಭಿಸಿತ್ತು. ಬೇರೆ ಬೇರೆ ರೀತಿಯ ಕೇಕ್ ತಂದು ಅಭಿಮಾನಿಗಳು ಸಂಭ್ರಮಿಸಿದರು. ಒಂದು ಹಂತದಲ್ಲಿ ಅಭಿಮಾನಿಗಳನ್ನು ನಿಯಂತ್ರಿಸಲು ಪೊಲೀಸರು ಹರಸಾಹಸ ಪಡಬೇಕಾಯಿತು.