ರಿಲೀಸ್ ಆದ 7 ನಿಮಿಷದಲ್ಲಿ ದಾಖಲೆ ಬರೆದ 'ಯಜಮಾನ' ಎರಡನೇ ಹಾಡು

7 ನಿಮಿಷದಲ್ಲಿ 100k

ಯಜಮಾನ ಚಿತ್ರದ ಎರಡನೇ ಹಾಡು 'ಒಂದು ಮುಂಜಾನೆ....' ಹಳೆ ದಾಖಲೆಗಳನ್ನ ಅಳಿಸಿಹಾಕಿ ಹೊಸ ದಾಖಲೆ ನಿರ್ಮಿಸಿದೆ. ಈ ಹಾಡು ಯೂಟ್ಯೂಬ್ ನಲ್ಲಿ ತೆರೆಕಂಡ ಕೇವಲ 7 ನಿಮಿಷದಲ್ಲೇ 100K (1 ಲಕ್ಷ) ವೀಕ್ಷಣೆಯಾಗಿದೆ.

43 ನಿಮಿಷದಲ್ಲಿ 300K

ಮೊದಲ ಏಳು ನಿಮಿಷದಲ್ಲಿ ಒಂದು ಲಕ್ಷ ವೀಕ್ಷಣೆ ಪಡೆದ ಯಜಮಾನ ಹಾಡು, 43 ನಿಮಿಷದಲ್ಲಿ 3 ಲಕ್ಷ (300k) ವೀಕ್ಷಣೆಯಾಗಿದೆ. ಅತಿ ವೇಗವಾಗಿ 1 ಲಕ್ಷ, 2 ಲಕ್ಷ, 3 ಲಕ್ಷ ವೀಕ್ಷಣೆ ಹೊಂದಿದ ಹಾಡು ಎಂಬ ಹೆಗ್ಗಳಿಕೆಗೆ 'ಒಂದು ಮುಂಜಾನೆ....' ಹಾಡು ಪಾತ್ರವಾಗಿದೆ.

5 ಮಿಲಿಯನ್ 'ಶಿವನಂದಿ'

ಇನ್ನು ಯಜಮಾನ ಚಿತ್ರದ ಮೊದಲ ಹಾಡು 'ಶಿವನಂದಿ' ನಾಲ್ಕು ದಿನಗಳಲ್ಲಿ 5 ಮಿಲಿಯನ್ ವೀವ್ಸ್ ಪಡೆದು ಅಬ್ಬರಿಸಿದೆ. ಸತತ ಮೂರು ದಿನ ಟ್ರೆಂಡಿಂಗ್ ನಲ್ಲಿ ನಂಬರ್ ವನ್ ಸ್ಥಾನದಲ್ಲಿದ್ದ ಶಿವನಂದಿ ಹಾಡು ಐದನೇ ದಿನ ಮೂರನೇ ಸ್ಥಾನಕ್ಕೆ ಜಾರಿದೆ.

ಧನ್ಯವಾದ ಹೇಳಿದ ದರ್ಶನ್

ಯಜಮಾನ ಚಿತ್ರದ ಮೊದಲ ಹಾಡು ಸೂಪರ್ ಹಿಟ್ ಮಾಡಿದ್ದಕ್ಕೆ ನಟ ದರ್ಶನ್ ಟ್ವಿಟ್ಟರ್ ಮೂಲಕ ಧನ್ಯವಾದ ತಿಳಿಸಿದ್ದಾರೆ. ಜೊತೆಗೆ ಎರಡನೇ ಹಾಡನ್ನ ಶೇರ್ ಮಾಡಿ ಅಭಿಮಾನಿಗಳ ಸಂಭ್ರಮ ಹೆಚ್ಚಿಸಿದ್ದಾರೆ.