ಕೇಳಲು ಸಿದ್ಧರಾಗಿ.. ಬರ್ತಿದೆ 'ಪೈಲ್ವಾನ್' ಚಿತ್ರದ ಮೊದಲ ಹಾಡು

Recommended Video

'ಪೈಲ್ವಾನ್' ಟೀಸರ್ ಸೂಪರ್ ಹಿಟ್ ಆಗಿದೆ. ಇದೀಗ ಹಾಡುಗಳನ್ನು ಕೇಳುವ ಸಮಯ ಬಂದಿದೆ. ಸಿನಿಮಾದ ಮೊದಲ ಹಾಡು ನಾಳೆ (ಗುರುವಾರ) ರಿಲೀಸ್ ಆಗುತ್ತಿದೆ.

ಸಿನಿಮಾದ ಮೊದಲ ಹಾಡು ಟೈಟಲ್ ಸಾಂಗ್ ಆಗಿದೆ. 'ಬಂದ ನೋಡಿ ಪೈಲ್ವಾನ್..' ಎಂಬ ಹಾಡು ಗುರುವಾರ ಸಂಜೆ 06 ಗಂಟೆ 03 ನಿಮಿಷಕ್ಕೆ ಬಿಡುಗಡೆಯಾಗುತ್ತಿದೆ. ಈಗಾಗಲೇ, ಬಂದ ನೋಡು ಪೈಲ್ವಾನ್ ಬೀಟ್ ಟೀಸರ್ ಮೂಲಕ ಗಮನ ಸೆಳೆದಿತ್ತು. ಅದರ ಥೀಮ್ ಹಾಡನ್ನು ಅಭಿಮಾನಿಗಳು ನಾಳೆ ಕೇಳಬಹುದಾಗಿದೆ.

ಅರ್ಜುನ್ ಜನ್ಯ ಸಿನಿಮಾಗೆ ಸಂಗೀತ ನೀಡಿದ್ದಾರೆ. 'ಹೆಬ್ಬುಲಿ' ನಂತರ ಮತ್ತೆ ಸುದೀಪ್ ಚಿತ್ರದ ಜನ್ಯ ಮ್ಯೂಸಿಕ್ ನೀಡಿದ್ದಾರೆ. ವಿ ನಾಗೇಂದ್ರ ಪ್ರಸಾದ್ ಈ ಹಾಡನ್ನು ಬರೆದಿದ್ದಾರೆ. ಲಹರಿ ಮ್ಯೂಸಿಕ್ ನಲ್ಲಿ ಹಾಡುಗಳು ಹೊರಬರಲಿದೆ.

ಕನ್ನಡ, ಹಿಂದಿ, ತಮಿಳು, ತೆಲುಗು ಹಾಗೂ ಮಲೆಯಾಳಂ ನಲ್ಲಿ ಸಿನಿಮಾ ನಿರ್ಮಾಣ ಆಗುತ್ತಿದೆ. ಬೇರೆ ಭಾಷೆಯ ಹಾಡುಗಳು ಕೂಡ ನಾಳೆಯೇ ಬಿಡುಗೆಯಾಗುತ್ತಿವೆ. ಸಿನಿಮಾದಲ್ಲಿ ಆರು ಹಾಡುಗಳು ಇದೆಯಂತೆ.

ಕೃಷ್ಣ ಈ ಸಿನಿಮಾದ ನಿರ್ದೇಶನ ಹಾಗೂ ನಿರ್ಮಾಣ ಮಾಡಿದ್ದಾರೆ. ಕೆ ಆರ್ ಜಿ ಸ್ಟೂಡಿಯೋ ಮೂಲಕ ಚಿತ್ರದ ವಿತರಣೆ ಆಗುತ್ತಿದೆ. ಸುದೀಪ್ ಹುಟ್ಟುಹಬ್ಬದ ವಿಶೇಷವಾಗಿ ಚಿತ್ರ ಆಗಸ್ಟ್ 29 ರಂದು ಬಿಡುಗಡೆಯಾಗುವ ಸಾಧ್ಯತೆ ಹೆಚ್ಚಿದೆ.