ಕಿಸ್ಸಿಂಗ್ ದೃಶ್ಯಕ್ಕಾಗಿ 'ಅರ್ಜುನ್ ರೆಡ್ಡಿ' ಬಿಟ್ಟಿದ್ದ ನಟಿ ಒಂದು ತಿಂಗಳು ಕೊರಗಿದರು

ಲಿಪ್ ಲಾಕ್ ಸೀನ್ ನಿಂದ ಸಿನಿಮಾ ಬಿಟ್ಟೆ

''ನನಗೆ 'ಅರ್ಜುನ್ ರೆಡ್ಡಿ' ಸಿನಿಮಾ ಆಫರ್ ಬಂದಿತ್ತು. ಆದರೆ ನಾನು ಅದನ್ನು ಮಿಸ್ ಮಾಡಿಕೊಂಡೆ. ಅವರು ಹೊಸ ಡೈರೆಕ್ಟರ್ ಮತ್ತು ಹೊಸ ಹೀರೋ ಆಗಿದ್ದರು. ಜೊತೆಗೆ ಸಿನಿಮಾದ ದೃಶ್ಯಗಳಲ್ಲಿ ಸಾಕಷ್ಟು ಲಿಪ್ ಲಾಕ್ ಸೀನ್ ಇತ್ತು. ನಮ್ಮ ಫ್ಯಾಮಿಲಿಯಲ್ಲಿ ಅದಕ್ಕೆಲ್ಲ ಒಪ್ಪಿಗೆ ನೀಡುವುದಿಲ್ಲ. ಆದ್ದರಿಂದ ನಾನು ಕೆಲವು ಮುಖ್ಯ ಸಿನಿಮಾಗಳನ್ನು ಮಾಡಲು ಆಗಿಲ್ಲ. ನಾನು ನಮಗೆ ಗೊತ್ತಿಲ್ಲದೆ ಕೆಲವು ಬಾರಿ ತಪ್ಪು ನಿರ್ಧಾರ ತೆಗೆದುಕೊಳ್ಳುತ್ತೇವೆ.'' ಎಂದು 'ಅರ್ಜುನ್ ರೆಡ್ಡಿ' ಬಗ್ಗೆ ಮಾತನಾಡಿದ್ದಾರೆ.

ತುಂಬ ಸಿಂಪಲ್ ಕಥೆ ಆಗಿ ಇತ್ತು

''ಈ ಸಿನಿಮಾದ ಗೆಲುವಿಗೆ ಡೈರೆಕ್ಟರ್ ಮುಖ್ಯ ಕಾರಣ. ಅವರು ನನಗೆ ಕಥೆ ಹೇಳಿದಾಗ ಅದು ತುಂಬ ಸಿಂಪಲ್ ಆಗಿ ಇತ್ತು. ಒಂದು ಸರಳ ಕಥೆಯನ್ನು ಅದ್ಬುತವಾಗಿ ತೋರಿಸಿದ್ದಾರೆ. ಕಥೆ ಹೇಳಿದಾಗ ಈ ಸಿನಿಮಾವನ್ನು ಇಷ್ಟು ಚೆನ್ನಾಗಿ ತೋರಿಸುತ್ತಾರೆ ಅಂತ ಗೊತ್ತಿರಲಿಲ್ಲ. ಕೆಲವು ಸಲ ಹೊಸ ನಿರ್ದೇಶಕರ ಪ್ರತಿಭೆಯನ್ನು ಗುರುತಿಸುವುದಕ್ಕೆ ಆಗಲ್ಲ. ಯಾವ ಕಥೆ ಕ್ಲಿಕ್ ಆಗುತ್ತದೆ ಎಂದು ಹೇಳುವುದಕ್ಕೆ ಆಗಲ್ಲ.''

ಸಿನಿಮಾ ನೋಡಿದಾಗ ತುಂಬ ಡಿಫರೆಂಟ್ ಆಗಿತ್ತು.

''ಕಥೆ ಕೇಳಿದಾಗ ಇದು ನರ್ಮಲ್ ಕಥೆ ಆಗಿತ್ತು. ಇದರಲ್ಲಿ ಏನು ಸ್ಪೆಷಲ್ ಇಲ್ಲ ಅನಿಸಿತು. ಆದರೆ ಹೋಗಿ ಸಿನಿಮಾ ನೋಡಿದ ಮೇಲೆ ತುಂಬ ಡಿಫರೆಂಟ್ ಆಗಿತ್ತು. ನನಗೆ ಸಿನಿಮಾ ತುಂಬ ಇಷ್ಟ ಆಯ್ತು. ಡೈರೆಕ್ಟರ್ ಒಳ್ಳೆಯ ಕೆಲಸ ಮಾಡಿದ್ದಾರೆ. ಈ ರೀತಿ ಕೆಲವು ಸಿನಿಮಾ ನನಗೆ ಮಿಸ್ ಆಗಿದೆ.''

ಒಂದು ತಿಂಗಳು ತುಂಬ ನೋವಿನಲ್ಲಿ ಇದ್ದೇ

''ಅರ್ಜುನ್ ರೆಡ್ಡಿ ರಿಲೀಸ್ ಆದ ಮೇಲೆ ಒಂದು ತಿಂಗಳು ನಾನು ತುಂಬ ನೋವಿನಲ್ಲಿ ಇದ್ದೇ. ನಾನು ಸಿನಿಮಾ ನೋಡಿ ಈ ರೀತಿಯ ಸಿನಿಮಾ ಮಾಡಬೇಕು ಅಂದುಕೊಂಡೆ. ನಾನು ಇದುವರೆಗೆ ದೊಡ್ಡ ದೊಡ್ಡ ನಟರ ಜೊತೆಗೆ ಸಿನಿಮಾಗಳನ್ನೇ ಮಾಡಿದ್ದೇನೆ. ಆದರೆ ಈ ರೀತಿ ಸಣ್ಣ ಸಿನಿಮಾಗಳು ಕೆಲವೊಮ್ಮೆ ದೊಡ್ಡ ಸಂಚಲನ ಸೃಷ್ಟಿ ಮಾಡುತ್ತೆ.''

'ಅರುವಿ' ಸಿನಿಮಾ ಕೂಡ ರಿಜೆಕ್ಟ್ ಮಾಡಿದ್ದೆ

''ಅರ್ಜುನ್ ರೆಡ್ಡಿ ಜೊತೆಗೆ 'ಅರುವಿ' ಸಿನಿಮಾ ಕೂಡ ನನ್ನಿಂದ ಮಿಸ್ ಆಯ್ತು. ಆ ಸಿನಿಮಾಗೆ 2015 ರಲ್ಲಿ ನನಗೆ ಆಫರ್ ಬಂದಿತ್ತು. ಆ ಟೈಂ ನಲ್ಲಿ ಕೂಡ ಈ ಸಿನಿಮಾ ಇಷ್ಟು ಚೆನ್ನಾಗಿ ಇರುತ್ತದೆ ಎಂದು ಉಹಿಸಿರಲಿಲ್ಲ. ಈ ಚಿತ್ರಕ್ಕಾಗಿ ಕೂದಲು ಕಟ್ ಮಾಡಬೇಕು ಅಂತ ಹೇಳಿದ್ದರು. ನನಗೆ ಕಥೆ ಕೇಳಿದಾಗ ಇದು ಫಿಲ್ಮ್ಸ್ ಫೆಸ್ಟಿವಲ್ ಹೋಗುವ ಮಾದರಿಯ ಸಿನಿಮಾ ಅನಿಸಿತು. ಆ ಸಿನಿಮಾ ಕೂಡ ನೋಡಿ ತುಂಬ ಇಷ್ಟ ಆಯ್ತು. ಅದನ್ನು ನಾನು ಮಿಸ್ ಮಾಡಿಕೊಂಡೆ.''

'ಅರ್ಜುನ್ ರೆಡ್ಡಿ' ರಿಮೇಕ್

ಟಾಲಿವುಡ್ ನಲ್ಲಿ ಸೂಪರ್ ಹಿಟ್ ಆದ 'ಅರ್ಜುನ್ ರೆಡ್ಡಿ' ಸಿನಿಮಾದ ರಿಮೇಕ್ ರೈಟ್ಸ್ ಸಿಕ್ಕಾಪಟ್ಟೆ ಡಿಮ್ಯಾಂಡ್ ನಲ್ಲಿ ಇತ್ತು. ಈ ಸಿನಿಮಾ ಕನ್ನಡಕ್ಕೆ ಬರುತ್ತದೆ. ಯಶ್ ಈ ಚಿತ್ರವನ್ನು ಮಾಡುತ್ತಾರೆ ಎನ್ನುವ ಸುದ್ದಿ ಕೂಡ ಇತ್ತು. ಆದರೆ ಕನ್ನಡಕ್ಕೆ 'ಅರ್ಜುನ್ ರೆಡ್ಡಿ' ಸಿನಿಮಾ ಬರುವ ಬಗ್ಗೆ ಇದುವರೆಗೆ ಪಕ್ಕಾ ಆಗಿಲ್ಲ.

ಕನ್ನಡ ಸಿನಿಮಾದಲ್ಲಿ ನಟನೆ

ಅಂದಹಾಗೆ, ಪಾರ್ವತಿ ನಾಯರ್ ನಟ ಕಿಶೋರ್ ಅವರ 'ವಾಸ್ಕೋಡಿಗಾಮ' ಸಿನಿಮಾದಲ್ಲಿ ನಟಿಸಿದ್ದಾರೆ. 'ಸ್ಟೋರಿಕಥೆ' ಎಂಬ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾರ್ವತಿ ಪ್ರವೇಶ ಮಾಡಿದ್ದರು. ಉಳಿದಂತೆ, ಮಲೆಯಾಳಂ, ತಮಿಳು ಮತ್ತು ತೆಲುಗು ಸಿನಿಮಾಗಳಲ್ಲಿ ಸಹ ಅಭಿನಯಿಸಿದ್ದಾರೆ. ಕಮಲ್ ಹಾಸನ್ ನಟನೆ ರಮೇಶ್ ಅರವಿಂದ್ ನಿರ್ದೇಶನದ 'ಉತ್ತಮ ವಿಲನ್' ಸಿನಿಮಾದಲ್ಲಿ ಸಹ ಪಾರ್ವತಿ ಕಾಣಿಸಿಕೊಂಡಿದ್ದರು.