ಪೂಜಾ ಗಾಂಧಿ ಬಂಡವಾಳದಲ್ಲಿ ಸೆಟ್ಟೇರಲಿದೆ ಮೂರು ಹೊಸ ಸಿನಿಮಾಗಳು!

ಮೂರು ಸಿನಿಮಾಗಳು ಯಾವುದು?

ಪೂಜಾ ಗಾಂಧಿ ನಿರ್ಮಾಣದಲ್ಲಿ 'ಉತಾನಿ', 'ಬ್ಲಾಕ್ ವರ್ಸಸ್ ವೈಟ್', ಮತ್ತು 'ಬ್ಲೂ' ಎನ್ನುವ ಮೂರು ಸಿನಿಮಾಗಳನ್ನ ಮೂಡಿ ಬರಲಿದೆಯಂತೆ. ಈಗಾಗಲೇ ಈ ಚಿತ್ರಗಳಿಗಾಗಿ ತಯಾರಿ ಕೂಡ ಮಾಡಿಕೊಂಡಿದ್ದಾರೆ.

ಎರಡು ಚಿತ್ರದಲ್ಲಿ ಪೂಜಾ ನಟನೆ

ಅಂದ್ಹಾಗೆ, ಈ ಮೂರು ಚಿತ್ರಗಳಲ್ಲಿ 'ಉತಾನಿ', 'ಬ್ಲಾಕ್ ವರ್ಸಸ್ ವೈಟ್' ಚಿತ್ರದಲ್ಲಿ ಸ್ವತಃ ಪೂಜಾ ಅವರು ವಿಶೇಷ ಪಾತ್ರದಲ್ಲಿ ಅಭಿನಯಿಸಲಿದ್ದಾರಂತೆ. ಇನ್ನು 'ಬ್ಲೂ' ಸಿನಿಮಾದಲ್ಲಿ ಜಸ್ಟ್ ನಿರ್ಮಾಪಕಿ ಆಗಿ ಬಂಡವಾಳ ಹೂಡಲಿದ್ದಾರಂತೆ.

ಬಹುಭಾಷೆಗಳಲ್ಲಿ ಪೂಜಾ ಗಾಂಧಿ ಸಿನಿಮಾ?

ಮೂರು ಸಿನಿಮಾದ ಟೈಟಲ್ ಗಳು ತುಂಬನೇ ವಿಭಿನ್ನವಾಗಿದೆ. ಸಿನಿಮಾ ಸಹ ಅದೇ ರೀತಿಯ ವಿಭಿನ್ನ ಕಥೆಯನ್ನ ಹೊಂದಿರಲಿದೆಯಂತೆ. ಉತಾನಿ' ಮತ್ತು 'ಬ್ಲೂ' ಸಿನಿಮಾ ದಕ್ಷಿಣ ಭಾರತದ ನಾಲ್ಕು ಭಾಷೆಯಲ್ಲಿ ನಿರ್ಮಾಣವಾಗಲಿದೆಯಂತೆ.

ಜೆ.ಡಿ.ಚಕ್ರವರ್ತಿ ನಿರ್ದೇಶನ

ದಕ್ಷಣ ಭಾರತದ ಹೆಸರಾಂತ ನಟ, ನಿರ್ದೇಶಕ 'ಜೆ.ಡಿ ಚಕ್ರವರ್ತಿ' ಈ ಮೂರು ಸಿನಿಮಾಗಳನ್ನ ನಿರ್ದೇಶನ ಮಾಡಲಿದ್ದಾರೆ. ಬಾಲಿವುಡ್ ಚಿತ್ರರಂಗದ ದೊಡ್ಡ ದೊಡ್ಡ ಸಿನಿಮಾದ ತಂತ್ರಜ್ಞರು ಚಿತ್ರದಲ್ಲಿ ಕೆಲಸ ಮಾಡಿದ್ದಾರಂತೆ.

ಹೊಸ ಕಲಾವಿದರಿಗೆ ಅವಕಾಶ

ತಮ್ಮ ಈ ಮೂರು ಸಿನಿಮಾಗಳ ಪೈಕಿ ಎರಡು ಸಿನಿಮಾದಲ್ಲಿ ಹೊಸ ಕಲಾವಿದರಿಗೆ ಅವಕಾಶ ನೀಡಲಿದ್ದಾರಂತೆ. 'ಬ್ಲಾಕ್ ವರ್ಸಸ್ ವೈಟ್' ಸಿನಿಮಾದಲ್ಲಿ 4 ಜನ ಹೊಸ ಕಲಾವಿದರು ಹಾಗೂ 'ಬ್ಲೂ' ಚಿತ್ರದ ಮುಖ್ಯ ಪಾತ್ರಕ್ಕೆ ಹೊಸ ನಾಯಕಿಯನ್ನ ಪರಿಚಯಿಸಲಿದ್ದಾರಂತೆ

'ದಂಡುಪಾಳ್ಯ'ದಲ್ಲಿ ಪೂಜಾ!

ಸದ್ಯ, 'ದಂಡುಪಾಳ್ಯ' ಸಿನಿಮಾದಲ್ಲಿ ನಟಿಸಿದ್ದ ಪೂಜಾ ಗಾಂಧಿ ಈಗ 'ದಂಡುಪಾಳ್ಯ-2' ಮತ್ತು 'ದಂಡುಪಾಳ್ಯ-3' ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ. ಈ ಸಿನಿಮಾಗಳು ಸದ್ಯ ರಿಲೀಸ್ ಹಂತದಲ್ಲಿದೆ.