ಸಲ್ಮಾನ್ ಖಾನ್ ಗೆ ಸೆಡ್ಡು ಹೊಡೆದ ಅರ್ಜುನ್ ಸರ್ಜಾ.!

ಅರ್ಜುನ್ ಮುಂದೆ ಸಲ್ಲು ಡಲ್ಲು

ಇತ್ತೀಚೆಗಷ್ಟೇ ರಿಲೀಸ್ ಆದ 'ಪ್ರೇಮ ಬರಹ' ಸಿನಿಮಾದ ಟೀಸರ್ ಸೂಪರ್ ಹಿಟ್ ಆಗಿದೆ. ಚಂದನ್ ಹಾಗೂ ಐಶ್ವರ್ಯ ಅರ್ಜುನ್ ಸರ್ಜಾ ಅಭಿನಯದ ಈ ಚಿತ್ರದ ಟೀಸರ್ ಜನರು ಮೆಚ್ಚಿಕೊಳ್ಳುವುದರ ಜೊತೆಗೆ ಸ್ಯಾಂಡಲ್ ವುಡ್ ನ ಪ್ರತಿ ಕಲಾವಿದರು ಅದರ ಬಗ್ಗೆ ಮಾತನಾಡಿದ್ದಾರೆ.

'ಐಶ್ವರ್ಯ'ಗೆ ಸಿಕ್ತು ಭರ್ಜರಿ ಸ್ವಾಗತ

'ಪ್ರೇಮ ಬರಹ' ಸಿನಿಮಾದ ಟೀಸರ್ ಯೂಟ್ಯೂಬ್ ನಲ್ಲಿ ಟ್ರೆಂಡಿಂಗ್ ಆಗಿದೆ. ಸಲ್ಮಾನ್ ಖಾನ್ ಅಭಿನಯದ 'ಟೈಗರ್ ಜಿಂದಾ ಹೈ' ಟ್ರೇಲರ್ ನಷ್ಟೇ ಸದ್ದು ಮಾಡ್ತಿದೆ ಪ್ರೇಮಬರಹ ಟೀಸರ್. ಮೊದಲ ಸಿನಿಮಾದಲ್ಲೇ ನಟಿ ಐಶ್ವರ್ಯ ಸರ್ಜಾಗೆ ಕನ್ನಡಿಗರಿಂದ ಭರ್ಜರಿ ಸ್ವಾಗತ ಸಿಗುತ್ತಿದೆ.

ಗಡಿ ಕಾಯೋ ಸೈನಿಕನೇ ರಿಯಲ್ ಹೀರೋ

ಒಂದು ವಾರಗಳಿಂದ ಟೀಸರ್ ಲಾಂಚ್ ಗಾಗಿ ವಿಶೇಷ ಅತಿಥಿ ಬರ್ತಾರೆ ಅಂತ ಪ್ರಚಾರ ಮಾಡಿದ ನಿರ್ದೇಶಕರು ಕೊನೆಯಲ್ಲಿ ಸೈನಿಕನಿಗಾಗಿ ಈ ಟೀಸರ್ ಅನ್ನ ಅರ್ಪಣೆ ಮಾಡಿದ್ದಾರೆ. ವೀರಮರಣ ಹೊಂದಿದ ಹನುಂತಪ್ಪ ಕೊಪ್ಪದ್ ಅವರ ಪತ್ನಿ 'ಪ್ರೇಮ ಬರಹ' ಟೀಸರ್ ಬಿಡುಗಡೆ ಮಾಡಿ ಶುಭಕೋರಿದ್ದಾರೆ.

ಆಡಿಯೋ ಬಿಡುಗಡೆಗೆ ಸಿದ್ದತೆ

ಟ್ಯೂನ್ ಸ್ಮಾಷ್ ಸ್ವರ್ಧೆಯಲ್ಲಿ ಹಾಡನ್ನ ಆಯ್ಕೆ ಮಾಡಿದ ಚಿತ್ರತಂಡ, ಈಗ ಆಡಿಯೋ ಬಿಡುಗಡೆಗೆ ತಯಾರಿ ನಡೆಸಿದೆ. ಸದ್ಯ, ಚಿತ್ರೀಕರಣವನ್ನೂ ಮುಗಿಸಿರುವ ನಿರ್ದೇಶಕ ಸರ್ಜಾ ವರ್ಷಾಂತ್ಯಕ್ಕೆ ಸಿನಿಮಾವನ್ನ ತೆರೆ ಮೇಲೆ ತರುವ ಸಾಧ್ಯತೆಗಳಿವೆ.