ಪ್ರಿಯಾ ತರಹ ಕಣ್ಸನ್ನೆ ಮಾಡಿದ್ರೆ ಕಾಲೇಜ್ ನಿಂದ ಡಿಬಾರ್.! ಹುಷಾರ್.!

ಕಣ್ಸನ್ನೆ ಮಾಡಿದ್ರೆ ಡಿಬಾರ್.!

ಕ್ಲಾಸ್ ನಲ್ಲಿ ಕೂತುಕೊಂಡು ಕಣ್ ಹೊಡೆಯುವವರನ್ನ ಕಾಲೇಜ್ ನಿಂದ ಒಂದು ವರ್ಷ ಡಿಬಾರ್ ಮಾಡುವ ಕಠಿಣ ನಿಯಮವನ್ನು ಕೊಯಮತ್ತೂರಿನ ಕಾಲೇಜ್ ವೊಂದು ಜಾರಿಗೆ ತಂದಿದೆ. ಕಣ್ಸನ್ನೆಗಳಿಂದ ತರಗತಿಗಳಿಗೆ ತುಂಬಾ ತೊಂದರೆ ಆಗುತ್ತಿದೆ ಎಂದು ಕೆಲ ಪ್ರಾಧ್ಯಾಪಕರು ದೂರು ನೀಡಿದ್ರಿಂದಾಗಿ, ಕಾಲೇಜಿನ ಪ್ರಿನ್ಸಿಪಾಲ್ ಈ ರೀತಿ ಕ್ರಮ ಕೈಗೊಂಡಿದ್ದಾರೆ.

ಯಾವ ಕಾಲೇಜ್.?

ಕೊಯಮತ್ತೂರಿನಲ್ಲಿರುವ ವಿ.ಎಲ್.ಬಿ ಜಾನಕಿ ಅಮ್ಮಾಳ್ ಆರ್ಟ್ಸ್ ಅಂಡ್ ಸೈನ್ಸ್ ಕಾಲೇಜ್ ನಲ್ಲಿ ಕಣ್ಸನ್ನೆ ಮಾಡುವ ವಿದ್ಯಾರ್ಥಿಗಳನ್ನು ಡಿಬಾರ್ ಮಾಡುವ ಕಠಿಣ ಕ್ರಮ ಕೈಗೊಳ್ಳಲಾಗಿದೆ.

ಎಲ್ಲೆಡೆ ಸಿಸಿಟಿವಿ ಕಣ್ಗಾವಲು

''ಪ್ರಿಯಾ ಪ್ರಕಾಶ್ ವಾರಿಯರ್ ಅವರ 'ಕಣ್ಸನ್ನೆ' ವಿಡಿಯೋ ನೋಡಿ ಕೆಲ ವಿದ್ಯಾರ್ಥಿನಿಯರು ಕ್ಲಾಸ್ ರೂಮ್ ನಲ್ಲಿ ಅನುಕರಣೆ ಮಾಡುತ್ತಿರುವುದನ್ನ ಗಮನಿಸಿ ಪ್ರಾಧ್ಯಾಪಕರು ದೂರಿದ್ದಾರೆ. ಹೀಗಾಗಿ, ಕ್ಲಾಸ್ ರೂಮ್ ನಲ್ಲಿ ಅಂತಹ ಚಟುವಟಿಕೆಗಳ ಮೇಲೆ ಕಣ್ಣಿಡಲು ಸಿ.ಸಿ.ಟಿ.ವಿ ಅಳವಡಿಸಲಾಗಿದೆ. ಅಂತಹ ಚಟುವಟಿಕೆಗಳು ವಿದ್ಯಾರ್ಥಿಗಳಿಂದ ಕಂಡುಬಂದಲ್ಲಿ ಒಂದು ವರ್ಷ ಕಾಲೇಜ್ ನಿಂದ ಡಿಬಾರ್ ಮಾಡಲಾಗುವುದು'' ಎಂದು ಸರ್ಕ್ಯುಲರ್ ನಲ್ಲಿ ಕಾಲೇಜ್ ಆಡಳಿತ ಮಂಡಳಿ ತಿಳಿಸಿದೆ.

ಇದು ಸತ್ಯವೋ, ಸುಳ್ಳೋ.?

ಕಣ್ಸನ್ನೆ ಮಾಡುವವರನ್ನ ಕಾಲೇಜ್ ನಿಂದ ಡಿಬಾರ್ ಮಾಡಲಾಗುವುದು ಎಂದು ಸುತ್ತೋಲೆ ಹೊರಡಿಸಲಾಗಿದೆ ಎಂಬ ಸುದ್ದಿ ಸುಳ್ಳು ಎಂದು ಕೆಲ ಪತ್ರಿಕೆಗಳು ವರದಿ ಮಾಡಿವೆ. ಯಾರೋ ಕಿಡಿಗೇಡಿಗಳು ನಕಲಿ ಸುತ್ತೋಲೆ ಮುದ್ರಿಸಿ ಕಾಲೇಜ್ ಗೋಡೆಗಳ ಮೇಲೆ ಅಂಟಿಸಿದ್ದಾರೆ ಎನ್ನಲಾಗಿದೆ. ಆದರೂ, ಒಂದು 'ಕಣ್ಸನ್ನೆ'ಯಿಂದ ಏನೇನ್ನೆಲ್ಲಾ ಆಗಿದೆ ನೋಡಿ...