'ಕೋಟಿಗೊಬ್ಬ-2' ರಿಲೀಸ್: ಕಿಚ್ಚ ಸುದೀಪ್ ಗೆ ಶುಭ ಕೋರಿದ ಪತ್ನಿ ಪ್ರಿಯಾ

ಕಿಚ್ಚ ಸುದೀಪ್ ಮತ್ತು ಪತ್ನಿ ಪ್ರಿಯಾ ದಾಂಪತ್ಯ ಜೀವನ ಸರಿ ದಾರಿಗೆ ಮರಳುವ ಎಲ್ಲಾ ಲಕ್ಷಣಗಳು ಕಾಣ್ತಿವೆ.

ವಿಚ್ಛೇದನ ಕೋರಿ ಕೌಟುಂಬಿಕ ನ್ಯಾಯಾಲಯಕ್ಕೆ ಸುದೀಪ್-ಪ್ರಿಯಾ ಅರ್ಜಿ ಸಲ್ಲಿಸಿದ್ದರೂ, ವಿಚಾರಣೆಗೆ ಇಬ್ಬರೂ ಹಾಜರ್ ಆಗಿರಲಿಲ್ಲ. ಇನ್ನೂ ಕೌಟುಂಬಿಕ ಸಮಸ್ಯೆಯ ಕುರಿತು ಮನೆಯಲ್ಲೇ ಹಿರಿಯರ ಸಮ್ಮುಖದಲ್ಲಿ ದಂಪತಿ ಬಗೆಹರಿಸಿಕೊಳ್ಳುವ ಕುರಿತು ಮಾಹಿತಿ ಕೂಡ ಹೊರಬಿದ್ದಿತ್ತು.

ಇದೇ ಗ್ಯಾಪ್ ನಲ್ಲಿ 'ಜಿಗರ್ ಥಂಡ' ಆಡಿಯೋ ರಿಲೀಸ್ ವೇಳೆ ಸುದೀಪ್ ಮತ್ತು ಪ್ರಿಯಾ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಅಕ್ಕ-ಪಕ್ಕ ಕುಳಿತಿದ್ದರು. ಈಗ ಇಬ್ಬರ ಟ್ವಿಟ್ಟರ್ ಸಂಭಾಷಣೆ ಶುರು ಆಗಿದೆ.

ನಾಳೆ (ಶುಕ್ರವಾರ, ಆಗಸ್ಟ್ 12) 'ಕೋಟಿಗೊಬ್ಬ-2' ಬಿಡುಗಡೆ ಆಗಲಿದೆ. ಈ ಹಿನ್ನಲೆಯಲ್ಲಿ ಪ್ರಿಯಾ, ಕಿಚ್ಚ ಸುದೀಪ್ ಗೆ ತಮ್ಮ ಟ್ವೀಟ್ ಮೂಲಕ 'ಗುಡ್ ಲಕ್' ಹೇಳಿದ್ದಾರೆ. [ಚಿತ್ರಗಳು; ಹುಟ್ಟುಹಬ್ಬದಂದು ಮಗಳನ್ನು ಕಂಡು ಅಪ್ಪಿ ಮುದ್ದಾಡಿದ ಸುದೀಪ್.!]

ಪ್ರಿಯಾ ಮಾಡಿರುವ ಟ್ವೀಟ್ ಗೆ ಕಿಚ್ಚ ಸುದೀಪ್ ಧನ್ಯವಾದ ಸಲ್ಲಿಸಿದ್ದಾರೆ. [ಅಚ್ಚರಿ.! ಮನಸ್ತಾಪ ಮರೆತು ಒಂದಾದ್ರಾ ಸುದೀಪ್ ಮತ್ತು ಪತ್ನಿ ಪ್ರಿಯಾ?]

ಮನಸ್ತಾಪ, ಭಿನ್ನಾಭಿಪ್ರಾಯ...ಏನೇ ಇದ್ದರೂ, ಈ ಜೋಡಿ ಹೀಗೆ ನಗುನಗುತ್ತಾ ಇದ್ದರೆ, ಕಿಚ್ಚನ ಅಭಿಮಾನಿಗಳ ಸ್ವರ್ಗಕ್ಕೆ ಕಿಚ್ಚು ಹಚ್ಚಿದ ಹಾಗೆ.