Don't Miss!
- News Neha Hiremath: ಸಿದ್ದರಾಮಯ್ಯ ಹೇಳಿಕೆಗೆ ಕಾಂಗ್ರೆಸ್ ಕಾರ್ಪೊರೇಟರ್ ನೇಹಾ ತಂದೆ ಆಕ್ರೋಶ
- Sports IPL 2024: ಐಪಿಎಲ್ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Finance ಇಳಿಕೆ ಕಂಡ ನೆಸ್ಲೆ ಇಂಡಿಯಾ ಷೇರು: ಸೆರೆಲಾಕ್ನಲ್ಲಿ ಸಕ್ಕರೆ ಬಗ್ಗೆ ಸಂಸ್ಥೆಯ ಸ್ಪಷ್ಟನೆ ಏನು?
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Lifestyle ಸ್ವತಂತ್ರ ಭಾರತದ ಮೊದಲ ಮತದಾರನಿಲ್ಲದ ಮೊದಲ ಚುನಾವಣೆ ಇದು..! ಯಾರು ಈ ಮತದಾರ ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಿವರಾಜ್ ಕುಮಾರ್ ಜೊತೆ ನಟಿಸಲು ಅವಕಾಶ: ನಿದ್ದೆ ಕಳೆದುಕೊಂಡ ಯುವನಟ!
ನಟ ಶಿವರಾಜ್ ಕುಮಾರ್ ಜೊತೆಗೆ ತೆರೆ ಹಂಚಿಕೊಳ್ಳುವ ಅವಕಾಶಕ್ಕಾಗಿ ದೊಡ್ಡ-ದೊಡ್ಡ ನಟರೇ ಕಾಯುತ್ತಿದ್ದಾರೆ. ಅಂಥಹುದರಲ್ಲಿ ಹೊಸ ನಟರಿಗೆ ಆ ಅವಕಾಶ ಅರಸಿ ಬಂದರೆ!
Recommended Video
ದಿಯಾ ಸಿನಿಮಾ ಮೂಲಕ ಗಮನ ಸೆಳೆದಿರುವ ನಟ ಪೃಥ್ವಿ ಅಂಬರ್ ಅವರಿಗೆ ಈ ಅವಕಾಶ ಅರಸಿ ಬಂದಿದ್ದು, ಶಿವರಾಜ್ ಕುಮಾರ್, ಡಾಲಿ ಧನಂಜಯ್ ಅಭಿನಯದ 'ಶಿವಪ್ಪ' ಸಿನಿಮಾದಲ್ಲಿ ಪೃಥ್ವಿ ಅಂಬರ್ ಸಹ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ನಿನ್ನೆಯಷ್ಟೆ (ನವೆಂಬರ್ 19) ಸಿನಿಮಾದ ಮುಹೂರ್ತ ಮುಗಿದಿದ್ದು, ಶಿವರಾಜ್ ಕುಮಾರ್ ಜೊತೆಗೆ ಪೃಥ್ವಿ ಅಂಬರ್ ಅವರ ಕೆಲವು ದೃಶ್ಯಗಳನ್ನು ಚಿತ್ರೀಕರಿಸಲಾಗಿದೆ. ಮುಹೂರ್ತದ ಸಂಭ್ರಮದಲ್ಲಿ ಮಾಧ್ಯಮಗಳೊಟ್ಟಿಗೆ ಮಾತನಾಡಿರುವ ಪೃಥ್ವಿ ಅಂಬರ್, ಶಿವಣ್ಣನ ಜೊತೆ ನಟಿಸಲು ದೊರೆತ ಅವಕಾಶದ ಬಗ್ಗೆ ಖುಷಿ ಹಂಚಿಕೊಂಡಿದ್ದಾರೆ.
ಜೋಗಿ 15 ಬಾರಿ ನೋಡಿದ್ದೆ: ಪೃಥ್ವಿ
'ಪದವಿ ತರಗತಿಯಲ್ಲಿದ್ದಾಗ ಜೋಗಿ ಸಿನಿಮಾ ಬಿಡುಗಡೆ ಆಗಿತ್ತು. ಆಗ ಹದಿನೈದು ಬಾರಿ ಸಿನಿಮಾವನ್ನು ನೋಡಿದ್ದೆ. ಆಗೆಲ್ಲಾ ಕನಸೂ ಕಂಡಿರಲಿಲ್ಲ ಶಿವರಾಜ್ ಕುಮಾರ್ ಅವರೊಟ್ಟಿಗೆ ನಟಿಸುತ್ತೇನೆಂದು' ಎಂದಿದ್ದಾರೆ ಪೃಥ್ವಿ ಅಂಬರ್.
ಭಾವನಾತ್ಮಕವಾಗಿ ಕನೆಕ್ಟ್ ಆಗಿರುವ ಪಾತ್ರ ನನ್ನದು: ಪೃಥ್ವಿ
ಶಿವರಾಜ್ ಕುಮಾರ್ ಅವರ ಪಾತ್ರದೊಡನೆ ಭಾವನಾತ್ಮಕವಾಗಿ ಕನೆಕ್ಟ್ ಆಗಿರುವ ಪಾತ್ರ ನನ್ನದು, ಶಿವಣ್ಣನ ಜೊತೆಗೆಯೇ ಇರುವ ಪಾತ್ರ. ಶಿವರಾಜ್ ಕುಮಾರ್ ಅವರ ಎನರ್ಜಿಯೊಂದಿಗೆ ನನ್ನ ಎನರ್ಜಿಯನ್ನು ಮ್ಯಾಚ್ ಮಾಡುವ ಸವಾಲು ಇದೆ' ಎಂದಿದ್ದಾರೆ ಪೃಥ್ವಿ.
ನಿದ್ದೆ ಸಹ ಸರಿಯಾಗಿ ಬರುತ್ತಿಲ್ಲ ನನಗೆ: ಪೃಥ್ವಿ
ಮೊದಲ ಬಾರಿ ಕ್ಯಾಮೆರಾ ಎದುರಿಸಿದಾಗ ಎಷ್ಟು ನರ್ವಸ್ ಆಗಿದ್ದೆನೊ ಅದಕ್ಕಿಂತಲೂ ಹೆಚ್ಚು ನರ್ವಸ್ ಶಿವರಾಜ್ ಕುಮಾರ್ ಅವರೊಟ್ಟಿಗೆ ನಟಿಸುವಾಗ ಆಗಿದ್ದೆ. ನನ್ನ ವೃತ್ತಿ ಜೀವನದ ಆರಂಭದಲ್ಲಿಯೇ ಶಿವಣ್ಣ ಜೊತೆಗೆ ನಟಿಸುತ್ತೇನೆ ಎಂದುಕೊಂಡಿರಲಿಲ್ಲ. ನನಗೆ ಸರಿಯಾಗಿ ನಿದ್ದೆ ಸಹ ಬರುತ್ತಿಲ್ಲ' ಎಂದರು ಪೃಥ್ವಿ.
ಪೃಥ್ವಿಯನ್ನು ಹೊಗಳಿದ ಶಿವರಾಜ್ ಕುಮಾರ್
ನಟ ಶಿವರಾಜ್ ಕುಮಾರ್ ಸಹ ಪೃಥ್ವಿಯನ್ನು ಹೊಗಳಿ ಮಾತನಾಡಿದರು. 'ಪೃಥ್ವಿ ಒಳ್ಳೆಯ ನಟ, ಭಯವಿಲ್ಲದೆ ಪರ್ಫಾರ್ಮನ್ಸ್ ಮಾಡುತ್ತಾರೆ. ನೋಡಲು ಸಹ ಚೆನ್ನಾಗಿದ್ದಾರೆ. ಅವರ 'ದಿಯಾ' ಸಿನಿಮಾವನ್ನು ನಾನು ಎರಡೆರಡು ಬಾರಿ ನೋಡಿದ್ದೇನೆ' ಎಂದರು.