ಹೊಂಬಾಳೆ ಜೊತೆ 5ನೇ ಚಿತ್ರ: ಯಾವ ಸಂಸ್ಥೆ ಜೊತೆ ಪುನೀತ್ ಹೆಚ್ಚು ಸಿನಿಮಾ ಮಾಡಿದ್ದಾರೆ?

ಪೂರ್ಣಿಮಾ ಸಂಸ್ಥೆಯಿಂದ ಅಪ್ಪು ಜರ್ನಿ ಆರಂಭ

ಪಾರ್ವತಮ್ಮ ರಾಜ್ ಕುಮಾರ್ ಅವರ ಪೂರ್ಣಿಮಾ ಎಂಟರ್‌ ಪ್ರೈಸಸ್ (ವಜ್ರೇಶ್ವರಿ ಕಂಬೈನ್ಸ್) ಅಡಿಯಲ್ಲಿ ಪುನೀತ್ ನಾಯಕನಾಗಿ ನಟಿಸಿದ್ದ ಚೊಚ್ಚಲ ಸಿನಿಮಾ ಅಪ್ಪು ತಯಾರಾಗಿತ್ತು. ಅದಾದ ಬಳಿಕ ಅಭಿ, ಆಕಾಶ್, ಅರಸು, ವಂಶಿ, ಜಾಕಿ, ಹುಡುಗರು, ಅಣ್ಣಾ ಬಾಂಡ್, ಯಾರೇ ಕೂಗಾಡಲಿ ಅಂತಹ ಸಿನಿಮಾಗಳನ್ನು ಈ ಸಂಸ್ಥೆಯಲ್ಲಿ ನಿರ್ಮಾಣ ಆದವು.

ರಾಕ್‌ಲೈನ್ ಸಂಸ್ಥೆಯಲ್ಲಿ ನಾಲ್ಕು ಚಿತ್ರ

ಪೂರ್ಣಿಮಾ ಎಂಟರ್‌ ಪ್ರೈಸಸ್ ಬಿಟ್ಟರೆ ಇದುವರೆಗೂ ಪುನೀತ್ ರಾಜ್ ಕುಮಾರ್ ರಾಕ್‌ಲೈನ್ ಪ್ರೊಡಕ್ಷನ್‌ನಲ್ಲಿ ಹೆಚ್ಚು ಸಿನಿಮಾ ಮಾಡಿದ್ದಾರೆ. ಮೌರ್ಯ, ಅಜಯ್, ಪವರ್ ಹಾಗೂ ನಟಸಾರ್ವಭೌಮ ಸಿನಿಮಾಗಳಿಗೆ ರಾಕ್‌ಲೈನ್ ಬಂಡವಾಳ ಹಾಕಿದ್ದರು.

ಜಯಣ್ಣ ಕಂಬೈನ್ಸ್‌ನಲ್ಲಿ ಎರಡು ಸಿನಿಮಾ

ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ 'ಪರಮಾತ್ಮ' ಚಿತ್ರಕ್ಕೆ ಜಯಣ್ಣ-ಭೋಗೇಂದ್ರ ಬಂಡವಾಳ ಹಾಕಿದ್ದರು. ಅದಾದ ಬಳಿಕ ಪವನ್ ಒಡೆಯರ್ ನಿರ್ದೇಶನದ 'ರಣ ವಿಕ್ರಮ' ಚಿತ್ರ ಜಯಣ್ಣ ಕಂಬೈನ್ಸ್ ಅಡಿಯಲ್ಲಿ ನಿರ್ಮಾಣವಾಗಿತ್ತು.

Recommended Video

ಪುನೀತ್ ನಟಿಸುವ ಹೊಸ ಸಿನಿಮಾದಲ್ಲಿ ನೀವು ಕೂಡ ನಟಿಸಬೇಕು ಅಂದ್ರೆ ಹೀಗ್ ಮಾಡಿ | Filmibeat Kannada

ಹೊಂಬಾಳೆ ಜೊತೆ ಐದನೇ ಚಿತ್ರ

2014ರಲ್ಲಿ 'ನಿನ್ನಿಂದಲೇ' ಚಿತ್ರದ ಮೂಲಕ ಹೊಂಬಾಳೆ ಸಂಸ್ಥೆ ಜೊತೆ ಕೈ ಜೋಡಿಸಿದ ಪುನೀತ್ ರಾಜ್ ಕುಮಾರ್ ನಂತರ ರಾಜಕುಮಾರ ಹಾಗೂ ಯುವರತ್ನ ಸಿನಿಮಾಗಳಲ್ಲಿ ನಟಿಸಿದರು. ಇದಾದ ಬಳಿಕ ಸಂತೋಷ್ ಆನಂದ್ ರಾಮ್ ನಿರ್ದೇಶನದಲ್ಲಿ ಒಂದು ಸಿನಿಮಾ ಹಾಗೂ ಪವನ್ ಕುಮಾರ್ ನಿರ್ದೇಶನದಲ್ಲಿ ಇನ್ನೊಂದು ಚಿತ್ರಕ್ಕೆ ಸಹಿ ಮಾಡಿದ್ದಾರೆ.