James Day 4 Box office collections : 'ಜೇಮ್ಸ್' ನಾಲ್ಕೇ ದಿನಕ್ಕೆ ವಿಶ್ವದಾದ್ಯಂತ ಬಾಕ್ಸಾಫೀಸ್ ಗಳಿಕೆ 100 ಕೋಟಿ

'ಜೇಮ್ಸ್' ಕಲೆಕ್ಷನ್ ಎಷ್ಟು?

ಪುನೀತ್ ರಾಜ್‌ಕುಮಾರ್ ಅಭಿನಯದ ಕೊನೆಯ ಸಿನಿಮಾ 'ಜೇಮ್ಸ್' ಅದ್ದೂರಿಯಾಗಿ ಬಿಡುಗಡೆಯಾಗಿತ್ತು. ಕರ್ನಾಟಕ ಅಷ್ಟೇ ಅಲ್ಲ. ದೇಶ- ವಿದೇಶದಲ್ಲಿಯೂ 'ಜೇಮ್ಸ್' ಚಿತ್ರವನ್ನು ಗ್ರ್ಯಾಂಡ್ ಆಗಿ ರಿಲೀಸ್ ಮಾಡಿತ್ತು. ಹೀಗಾಗಿ ಮೊದಲ ದಿನದ ಗಳಿಕೆ ಸುಮಾರು 32 ಕೋಟಿ ಎಂದು ಹೇಳಲಾಗಿತ್ತು. ಈಗ ನಾಲ್ಕು ದಿನಗಳಲ್ಲಿ, ಕೇವಲ ಚಿತ್ರಮಂದಿರಗಳಿಂದಲೇ 'ಜೇಮ್ಸ್' ಸಿನಿಮಾ ಗಳಿಕೆ 100 ಕೋಟಿ ದಾಟಿದೆ ಎಂದು ಸ್ಯಾಂಡಲ್‌ವುಡ್ ಮಂದಿ ಸರ್ಟಿಫಿಕೇಟ್ ಕೊಟ್ಟಿದ್ದಾರೆ. ಮೂಲಕ 'ಜೇಮ್ಸ್' ಅಧಿಕೃತವಾಗಿ 100 ಕೋಟಿ ಕ್ಲಬ್ ಸೇರಿದಂತಾಗಿದೆ.

ಭಾನುವಾರ 'ಜೇಮ್ಸ್' ಸಿನಿಮಾ ಗಳಿಕೆ ಎಷ್ಟು?

ಪುನೀತ್ ರಾಜ್‌ಕುಮಾರ್ 'ಜೇಮ್ಸ್' ಕ್ರೇಜ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ಅದರಲ್ಲೂ ಭಾನುವಾರ (ಮಾರ್ಚ 21)ರಂದು 'ಜೇಮ್ಸ್' ಬಾಕ್ಸಾಫೀಸ್‌ ಗಳಿಕೆಯಲ್ಲಿ ದುಪ್ಪಟ್ಟು ಏರಿಕೆಯಾಗಿದೆ. ಹೆಚ್ಚು ಕಡಿಮೆ ಮೊದಲ ದಿನದ ಗಳಿಕೆ 32 ಕೋಟಿ ಆಸುಪಾಸಿನಲ್ಲೇ 4ನೇ ದಿನವೂ ಗಳಿಕೆ ಕಂಡಿದೆ ಎಂದು ಸ್ಯಾಂಡಲ್‌ವುಡ್ ವಿತರಕರು ಲೆಕ್ಕ ಹಾಕಿದ್ದಾರೆ. ಭಾನುವಾರ ವಿಶ್ವದಾದ್ಯಂತ ಭರ್ಜರಿ ಕೆಲೆಕ್ಷನ್ ಮಾಡು ಮುನ್ನುಗ್ಗುತ್ತಿದೆ.

ಜೇಮ್ಸ್ ಕಲೆಕ್ಷನ್ ಹೇಗಿದೆ?

ಪುನೀತ್ ರಾಜ್‌ಕುಮಾರ್ 'ಜೇಮ್ಸ್' ಸಿನಿಮಾ 4 ದಿನಗಳಲ್ಲೂ ಸೂಪರ್ ಕಲೆಕ್ಷನ್ ಮಾಡಿದೆ ಪ್ರತಿದಿನ ಚಿತ್ರಮಂದಿರ ಹೌಸ್‌ಫುಲ್ ಆಗಿದೆ. ವಿಶ್ವದಾದ್ಯಂತ ನಾಲ್ಕು ದಿನಗಳಲ್ಲಿ 'ಜೇಮ್ಸ್' ಗಳಿಕೆ ಹೀಗಿದೆ.
Day 1 32 ಕೋಟಿ, (ಅಂದಾಜು)
Day 2 21.8 ಕೋಟಿ (ಅಂದಾಜು)
Day 3 26.4 ಕೋಟಿ (ಅಂದಾಜು)
Day 4 30 ಕೋಟಿ (ಅಂದಾಜು)
ಒಟ್ಟು 110.2 ಕೋಟಿ(ಅಂದಾಜು)

ಈ ಮೂಲಕದ ಅಧಿಕೃತವಾಗಿ 'ಜೇಮ್ಸ್' ಕೇವಲ ಥಿಯೇಟರ್‌ಗಳಿಂದ ಬಂದ ಗಳಿಕೆಯಿಂದಲೇ 100 ಕೋಟಿ ಕ್ಲಬ್ ಸೇರಿದಂತಾಗಿದೆ. ಕನ್ನಡದ ಸಿನಿಮಾವೊಂದು ಅತೀ ವೇಗದಲ್ಲಿ 100 ಕೋಟಿ ಗಳಿಸಿದ ಸಿನಿಮಾ ಎಂಬ ಹೆಗ್ಗಳಿಕೆ ಗಳಿಸಿದೆ. ಆಸ್ಟ್ರೇಲಿಯಾದಲ್ಲಿ 18 ಲಕ್ಷ, ಅಮೆರಿಕದಲ್ಲಿ 66 ಲಕ್ಷ ಗಳಿಕೆ ಕಂಡಿದೆ. ವಿದೇಶದಲ್ಲೂ ಉತ್ತಮ ಗಳಿಕೆ ಕಾಣುತ್ತಿದ್ದು, ಹೀಗೆ ಮುಂದುವರೆದರೆ, ಈ ವಾರಾಂತ್ಯದೊಳಗೆ 150 ಕೋಟಿ ಕ್ಲಬ್ ಸೇರಿದರೂ ಅಚ್ಚರಿಯಿಲ್ಲ.

ಸ್ಯಾಟಲೈಟ್, ಓಟಿಟಿ ರೈಟ್ಸ್ ಎಷ್ಟು?

ಪುನೀತ್ ರಾಜ್‌ಕುಮಾರ್ ಅಭಿನಯದ 'ಜೇಮ್ಸ್' ಚಿತ್ರದ ಓಟಿಟಿ ರೈಟ್ಸ್ ಸುಮಾರು 40 ಕೋಟಿಗೆ ಸೇಲ್ಆಗಿದೆ ಎನ್ನಲಾಗಿದೆ. ಇನ್ನೊಂದು ಕಡೆ ಸ್ಯಾಟಲೈಟ್ ರೈಟ್ಸ್ ಕೂಡ ಎಲ್ಲಾ ಭಾಷೆ ಸೇರಿ 20 ಕೋಟಿ ದಾಡಿದೆ ಎಂದು ಅಂದಾಹು ಮಾಡಲಾಗಿದೆ. ಈ ಮೂಲಕ 'ಜೇಮ್ಸ್' 160 ರಿಂದ 170 ಕೋಟಿ ಗಳಿಕೆ ಆದಂತೆ ಆಗಿದೆ.