ಹೊಸ ವರ್ಷಕ್ಕೆ ಪುನೀತ್ ರಾಜ್ ಕುಮಾರ್ ರೆಸಲ್ಯೂಶನ್ ಏನು?

ಫ್ಯಾಮಿಲಿ ಜೊತೆ ಪುನೀತ್ ಸಂಭ್ರಮ

ತಮ್ಮ ಮನೆಯಲ್ಲೇ, ಮಡದಿ ಮತ್ತು ಮಕ್ಕಳ ಜೊತೆಯಲ್ಲಿ ಹೊಸ ವರ್ಷವನ್ನ ಬರಮಾಡಿಕೊಂಡರು ಪುನೀತ್ ರಾಜ್ ಕುಮಾರ್. ಬೆಳಿಗ್ಗೆ ಜಿಮ್ ನಲ್ಲಿ ಸಖತ್ ವರ್ಕೌಟ್ ಮಾಡಿ, ಹೊಸ ವರ್ಷವನ್ನ ಒಳ್ಳೆ ಫಿಟ್ನೆಸ್ ಹಾಗೂ ಒಳ್ಳೆ ಆರೋಗ್ಯದಿಂದ ಸ್ವಾಗತಿಸಿದರು.

2018ನೇ ವರ್ಷದ ರೆಸಲ್ಯೂಶನ್ ಏನು?

''ಎಲ್ಲ ಸಮಯದಲ್ಲೂ ಒಂದೇ ರೆಸಲ್ಯೂಶನ್ ಆರೋಗ್ಯ. ಲೈಫ್ ನಲ್ಲಿ ತುಂಬ ಮುಖ್ಯವಾದ ವಿಷ್ಯಗಳನ್ನ ರೆಸಲ್ಯೂಶನ್ ಆಗಿ ಇಟ್ಕೊಳ್ಳೋಕೆ ಹೋಗಲ್ಲ. ಯಾಕಂದ್ರೆ, ಜೀವನ ಹೇಗೆ ಕರೆದುಕೊಂಡು ಹೋಗುತ್ತೋ ಹಾಗೆ ಹೋಗ್ಬೇಕು''

ಟ್ರಾವಲ್ ಪ್ಲ್ಯಾನ್ ಇದೆ

''ಹೊಸ ವರ್ಷ ಬಂದಾಗ, ಹೊಸ ಹೊಸ ಊರಿಗೆ ಹೋಗಬೇಕು ಅಂತ ಯೋಚನೆ ಮಾಡ್ತೀನಿ. ಎಷ್ಟು ನಗುನಗುತಾ ಇರಬಹುದು, ಎಷ್ಟು ಪಾರ್ಟಿ ಮಾಡಬಹುದು, ಎಷ್ಟು ಖುಷಿ ಪಡಬಹುದು ಅಂತ ಯೋಚನೆ ಮಾಡ್ತೀನಿ. ಎರಡ್ಮೂರು ಟ್ರಾವಲ್ ಪ್ಲಾನ್ ಇದೆ. ಕೆಲವು ಕಡೆ ಡೈವ್ ಮಾಡ್ಬೇಕು ಅಂತ ಇಷ್ಟ, ನೋಡ್ಬೇಕು. ಬಹುಶಃ ಈ ವರ್ಷ ಅದು ನೆರವೇರಬಹುದು ಅಂತ ಅಂದುಕೊಂಡಿದ್ದೇನೆ''

ಡಿಫರೆಂಟ್ ಸಿನಿಮಾ ಮಾಡ್ಬೇಕು

''ಮನಸಲ್ಲಿ ನಿರೀಕ್ಷೆ ಜಾಸ್ತಿ ಇರುತ್ತೆ. ಪ್ರತಿ ಎರಡು ತಿಂಗಳಿಗೊಮ್ಮ ರಾಜಕುಮಾರ ಅಂತಹ ಸಿನಿಮಾ ಮಾಡ್ಬೇಕು ಅಂತ. ಆದ್ರೆ, ಲೈಫ್ ನಲ್ಲಿ ಯಾವುದು ಆ ತರ ಫಿಕ್ಸ್ ಮಾಡಿಕೊಳ್ಳುವುದಿಲ್ಲ. ವಿಭಿನ್ನವಾದ ಚಿತ್ರಗಳನ್ನ ಮಾಡಬೇಕು ಎನ್ನುವುದು ಮನಸ್ಸಿನಲ್ಲಿದೆ ಇದೆ. ಅದನ್ನ ಎದುರು ನೋಡುತ್ತಿದ್ದೇನೆ'' - ಪುನೀತ್ ರಾಜ್ ಕುಮಾರ್, ನಟ