2017ರಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಭಾರತೀಯ ಚಿತ್ರಗಳು

'ಬಾಹುಬಲಿ' ದಾಖಲೆ

ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಯಲ್ಲಿ ಬಿಡುಗಡೆಯಾದ 'ಬಾಹುಬಲಿ ದಿ ಕನ್ ಕ್ಲೂಷನ್' ಸಿನಿಮಾ ಈ ವರ್ಷ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರವಾಗಿ ಹೊರಹೊಮ್ಮಿದೆ. ದಾಖಲೆಗಳ ಪ್ರಕಾರ ಸುಮಾರು 1700 ಕೋಟಿ ಗಳಿಕೆ ಕಂಡಿದೆ. ಇದು ಆಲ್ ಟೈಮ್ ರೆಕಾರ್ಡ್ ಕೂಡ ಆಗಿದೆ.

ಗೋಲ್ ಮಾಲ್ ಅಗೈನ್

ರೋಹಿತ್ ಶೆಟ್ಟಿ ನಿರ್ದೇಶನ ಮಾಡಿದ 'ಗೋಲ್ ಮಾಲ್ ಅಗೈನ್' ಸಿನಿಮಾ ಈ ವರ್ಷ ಹೆಚ್ಚು ಕಲೆಕ್ಷನ್ ಮಾಡಿದ ಎರಡನೇ ಸಿನಿಮಾ. ದಾಖಲೆಗಳ ಪ್ರಕಾರ 307 ಕೋಟಿ ಗಳಿಕೆ ಕಂಡಿದೆ.

'ಟೈಗರ್ ಜಿಂದಾ ಹೈ' ಅಬ್ಬರ

ಕ್ರಿಸ್ ಹಬ್ಬದ ಪ್ರಯುಕ್ತ ರಿಲೀಸ್ ಆದ 'ಟೈಗರ್ ಜಿಂದಾ ಹೈ' ಸಿನಿಮಾ ಒಂದು ವಾರದ ಅಂತ್ಯಕ್ಕೆ 200 ಕೋಟಿ ದಾಟಿದೆ ಎನ್ನಲಾಗಿದೆ. ಈ ಮೂಲಕ ಈ ವರ್ಷ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರಗಳಲ್ಲಿ ಮೂರನೇ ಸ್ಥಾನದಲ್ಲಿದೆ.

ಕನ್ನಡದಲ್ಲಿ 'ರಾಜಕುಮಾರ' ರೆಕಾರ್ಡ್

ಸ್ಯಾಂಡಲ್ ವುಡ್ ಇಂಡಸ್ಟ್ರಿಯಲ್ಲಿ ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಸಿನಿಮಾ ಈ ವರ್ಷ ಅತಿ ಹೆಚ್ಚು ಕಲೆಕ್ಷನ್ ಮಾಡಿದೆ. ಆದ್ರೆ, ಅಧಿಕೃತವಾಗಿ ನಿಗದಿತ ಮೊತ್ತವನ್ನ ಚಿತ್ರತಂಡ ಪ್ರಕಟ ಮಾಡಿಲ್ಲ. ಮೂಲಗಳ ಪ್ರಕಾರ ಸುಮಾರು 70 ಕೋಟಿ ದಾಟಿದೆ ಎನ್ನಲಾಗಿದೆ. ಇದು ಕನ್ನಡ ಚಿತ್ರರಂಗದ ಆಲ್ ಟೈಮ್ ರೆಕಾರ್ಡ್ ಕೂಡ ಆಗಿದೆಯಂತೆ.

ಹೆಬ್ಬುಲಿ, ಭರ್ಜರಿ, ತಾರಕ್

ಇನ್ನು ರಾಜಕುಮಾರ ಸಿನಿಮಾ ಹೊರತು ಪಡಿಸಿದ್ರೆ ಸುದೀಪ್ ಅಭಿನಯದ 'ಹೆಬ್ಬುಲಿ', ಧ್ರುವ ಸರ್ಜಾ ಅಭಿನಯದ 'ಭರ್ಜರಿ' ಹಾಗೂ ದರ್ಶನ್ ಅಭಿನಯದ 'ತಾರಕ್' ಸಿನಿಮಾಗಳು ಅತ್ಯುತ್ತಮ ಕಲೆಕ್ಷನ್ ಮಾಡಿದೆ.

ಬಹುಭಾಷೆಗಳಲ್ಲೂ 'ಬಾಹುಬಲಿ' ಪರಾಕ್ರಮ

ಇನ್ನು ಪ್ರಾಂತ್ಯವಾರು ಲೆಕ್ಕಾಚಾರವನ್ನ ಗಮಿಸಿದ್ರೆ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲೂ ಪ್ರತ್ಯೇಕವಾಗಿ 'ಬಾಹುಬಲಿ-2' ಸಿನಿಮಾ ಕಲೆಕ್ಷನ್ ಹೆಚ್ಚಿದೆ.