ಸ್ಯಾಂಡಲ್ ವುಡ್ ನಾಯಕಿಯರಿಗೇಕೆ ಈ ಡ್ರೆಸ್ ಮೇಲೆ ಅಷ್ಟೊಂದು ಮೋಹ.?

ಎಲ್ಲರಿಗೂ ಬೇಕಂತೆ ರೆಡ್ ಡ್ರೆಸ್

ನಾಯಕಿಯರು ರೆಡ್ ಔಟ್ ಫಿಟ್ ನಲ್ಲಿ ಕಾಣಿಸಿಕೊಂಡರೆ ತುಂಬಾ ಚೆನ್ನಾಗಿ ಕಾಣಿಸುತ್ತಾರೆ ಅನ್ನೋದು ಫ್ಯಾಷನ್ ಪಂಡಿತರ ಮಾತು. ಆದ್ರೆ ಒಂದೇ ತರಹ ಬಟ್ಟೆ ಎಲ್ಲರಿಗೂ ಬೇಕು ಅಂದರೆ ಹೇಗೆ.? ಚಂದನವನದ ಮೂವರು ಚೆಲುವೆಯರು ಒಂದೇ ಬಟ್ಟೆ ಹಿಂದೆ ಬಿದ್ದಿದ್ದಾರೆ. ರಚಿತಾ ಹಾಕಿದ್ದ ಗೌನ್ ನಲ್ಲೇ ಮಾನ್ವಿತಾ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರಿಗೂ ಮುಂಚೆಯೇ ಈ ಗೌನ್ ನ ಶೃತಿ ಹರಿಹರನ್ ಧರಿಸಿದ್ರಂತೆ.!

ಶೃತಿ ಹಾಕಿದ್ದ ಡ್ರೆಸ್ ಹಾಕಿದ್ರಾ ರಚಿತಾ.?

ಮೊನ್ನೆ ಮೊನ್ನೆಯಷ್ಟೇ ಫೇಸ್ ಬುಕ್ ಹಾಗೂ ಟ್ವಿಟ್ಟರ್ ನಲ್ಲಿ ರೆಡ್ ಕಲರ್ ಡ್ರೆಸ್ ನಲ್ಲಿ ರಚಿತಾ ಮಿಂಚಿದ್ದ ಫೋಟೋ ಸಖತ್ ವೈರಲ್ ಆಗಿತ್ತು. ರೆಡ್ ಡ್ರೆಸ್ ನಲ್ಲಿ ರಚಿತಾ ಸಖತ್ ಹಾಟ್ ಆಗಿ ಕಾಣಿಸಿಕೊಳ್ತಾರೆ ಅನ್ನೋ ಮಾತುಗಳು ಕೂಡ ಕೇಳಿ ಬಂದಿದ್ವು. ರಚಿತಾ ಧರಿಸಿದ್ದ ರೀತಿಯ ಡ್ರೆಸ್ ನ ಮಾನ್ವಿತಾ ಕೂಡ ಹಾಕಿದ್ದಾರೆ.

ಒಂದೇ ತರಹದ ಬಟ್ಟೆ ನೋಡಿ ಶಾಕ್

ರಚಿತಾ ಫೋಟೋ ಶೂಟ್ ಮಾಡಿಸಿದ ಕೆಲವೇ ದಿನಗಳಲ್ಲಿ ಮಾನ್ವಿತಾ ಕೂಡ ಅದೇ ತರಹದ ಡ್ರೆಸ್ ನಲ್ಲಿ ಕಲರ್ಸ್ ಕನ್ನಡ ವಾಹಿನಿಯ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನೂ ಸ್ಪೆಷಲ್ ಅಂದ್ರೆ ಮಾನ್ವಿತಾ ಸ್ಟೇಜ್ ಮೇಲೆ ರಚಿತಾ ಅಭಿನಯದ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.

ಡಿಸೈನರ್ ಮಾಡಿದ್ರಾ ಎಡವಟ್ಟು.?

ನಮಗೆ ಗೊತ್ತಿರುವ ಪ್ರಕಾರ ಇವರಿಬ್ಬರು ಮಾತ್ರ ಒಂದೇ ಡ್ರೆಸ್ ನಲ್ಲಿ ಮಿಂಚಿಲ್ಲ. ನಟಿ ಶೃತಿ ಹರಿಹರನ್ ಕೂಡ ಇದೇ ಡ್ರೆಸ್ ನಲ್ಲಿ ಖಾಸಗಿ ಕಾರ್ಯಕ್ರಮಕ್ಕೆ ಹೋಗಿ ಬಂದಿದ್ದಾರೆ. ಈ ಮೂವರು ಸ್ಟಾರ್ ನಟಿಯರಿಗೆ ಒಬ್ಬರೇ ವಸ್ತ್ರವಿನ್ಯಾಸಕಿ ಅನ್ನೋದೇ ಈ ಗೊಂದಲಕ್ಕೆ ಕಾರಣ. ಅದೇನೇ ಇರಲಿ ನಾಯಕಿಯರು ಅಂದಾಗ ಅವ್ರ ಔಟ್ ಫಿಟ್ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕಾಗುತ್ತೆ. ಇಲ್ಲವಾದಲ್ಲಿ ಇಂತಹ ಎಡವಟ್ಟುಗಳಾಗಿ ಅಭಿಮಾನಿಗಳು ಅಯ್ಯಯ್ಯೋ ಅನ್ನುವಂತೆ ಆಗುತ್ತೆ.