'ದಮಯಂತಿ'ಯಾಗಿ ಬದಲಾದ ರಾಧಿಕಾ ಕುಮಾರಸ್ವಾಮಿ !

ದಮಯಂತಿ ಪಾತ್ರದಲ್ಲಿ ರಾಧಿಕಾ

ರಾಧಿಕಾ ಕುಮಾರಸ್ವಾಮಿ ಹೊಸ ಸಿನಿಮಾ 'ದಮಯಂತಿ'ಯಲ್ಲಿ ಅಭಿನಯ ಮಾಡಲು ಒಪ್ಪಿಗೆ ಸೂಚಿಸಿದ್ದಾರೆ. ಸ್ಯಾಂಡಲ್ ವುಡ್ ಗೆ ನಾಯಕನಾಗಿ, ನಿರ್ಮಾಪಕನಾಗಿ ಗುರುತಿಸಿಕೊಂಡಿದ್ದ ನವರಸನ್ ಚಿತ್ರವನ್ನು ನಿರ್ದೇಶನ ಮಾಡಲಿದ್ದಾರೆ.

ಮಹಿಳಾ ಪ್ರಧಾನ ಚಿತ್ರದಲ್ಲಿ ರಾಧಿಕಾ

'ದಮಯಂತಿ' ಮಹಿಳಾ ಪ್ರಧಾನ ಚಿತ್ರವಾಗಿದ್ದು ಕನ್ನಡ ಸಿನಿಮಾರಂಗದಲ್ಲಿ ಮಹಿಳಾ ಪ್ರಧಾನ ಚಿತ್ರಗಳೇ ಕಡಿಮೆ ಇಂತಹ ಸಂದರ್ಭದಲ್ಲಿ ನವರಸನ್ ಈ ಪ್ರಯತ್ನಕ್ಕೆ ಮುಂದಾಗಿದ್ದಾರೆ. ನವರಸನ್ ನಿರ್ದೇಶನದ ಜೊತೆಯಲ್ಲಿ ನಿರ್ಮಾಣವನ್ನು ಮಾಡಲಿದ್ದಾರೆ .

ಅರುಂಧತಿ, ಭಾಗಮತಿ ಶೈಲಿ ಸಿನಿಮಾ

ಟಾಲಿವುಡ್ ನಲ್ಲಿ ತೆರೆ ಕಂಡಿರುವ 'ಭಾಗಮತಿ' ಹಾಗೂ 'ಅರುಂಧತಿ' ಸಿನಿಮಾ ಶೈಲಿಯಲ್ಲಿ 'ದಮಯಂತಿ' ಸಿನಿಮಾ ಇರಲಿದ್ದು ಮೊದಲಿಗೆ ಕನ್ನಡದಲ್ಲಿ ಚಿತ್ರೀಕರಣ ಮಾಡಿ ನಂತರ ತೆಲುಗು ತಮಿಳಿನಲ್ಲಿಯೂ ಸಿನಿಮಾ ಇದೇ ಚಿತ್ರವನ್ನು ಮಾಡುವ ಆಲೋಚನೆ ಇದ್ಯಂತೆ.

ಕಥೆಗೆ ಮೆಚ್ಚುಗೆ ಸಲ್ಲಿಸಿದ ರಾಧಿಕಾ

ರಾಧಿಕಾ ಕುಮಾರಸ್ವಾಮಿ ಈಗಾಗಲೇ ಕಥೆಯನ್ನು ಕೇಳಿ ಒಪ್ಪಿಗೆ ಸಲ್ಲಿಸಿದ್ದು ಅಧಿಕೃತವಾಗಿ ಆಗಬೇಕಿರುವ ಕೆಲಸಗಳು ನಡೆಯಬೇಕಿದೆ. ಎಲ್ಲವೂ ಅಂದುಕೊಂಡಂತೆ ಆದರೆ ಸೆಪ್ಟೆಂಬರ್ ನಲ್ಲಿ ಸಿನಿಮಾ ಮುಹೂರ್ತ ನಡೆದು ಚಿತ್ರೀಕರಣವೂ ಆರಂಭ ಆಗಲಿದೆ.

ಸದ್ದಿಲ್ಲದೆ ಸಿನಿಮಾಗಳ ಚಿತ್ರೀಕರಣ

ಸದ್ಯ ರಾಧಿಕಾ ಕುಮಾರಸ್ವಾಮಿ ಅರ್ಜುನ್ ಸರ್ಜಾ ಜೊತೆಯಲ್ಲಿ 'ಕಾಂಟ್ರಾಕ್ಟ್'. ರಮೇಶ್ ಅರವಿಂದ್ ಜೊತೆಯಲ್ಲಿ 'ಭೈರಾ ದೇವಿ' ಹಾಗೂ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿನಯದ 'ರಾಜೇಂದ್ರ ಪೊನ್ನಪ್ಪ' ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇವುಗಳ ಜೊತೆಯಲ್ಲಿ ದಮಯಂತಿ ಚಿತ್ರದಲ್ಲಿಯೂ ಕಾಣಿಸಿಕೊಳ್ಳುವುದಾಗಿ ಸುದ್ದಿ ಇದೆ.