ಗೂಗಲ್ ನಲ್ಲಿ ರಾಧಿಕಾ ಕುಮಾರಸ್ವಾಮಿ ಮೇಲೆ ಎಲ್ಲರ ಕಣ್ಣು.!

ಗೂಗಲ್ ಟ್ರೆಂಡ್ ನೋಡಿ...

ಮೇ 15 ರ ಬಳಿಕ ಗೂಗಲ್ ನಲ್ಲಿ ರಾಧಿಕಾ ಕುಮಾರಸ್ವಾಮಿ 'ರುದ್ರತಾಂಡವ' ಹೇಗಿದೆ ಅನ್ನೋದಕ್ಕೆ ಸ್ಪಷ್ಟ ಸಾಕ್ಷಿ ಇಲ್ಲಿದೆ ನೋಡಿ... ಕಳೆದ ಒಂದು ವಾರದಲ್ಲಿ ಭಾರತದಲ್ಲಿ, ಅದರಲ್ಲೂ ಕರ್ನಾಟಕದಲ್ಲಿ ರಾಧಿಕಾ ಕುಮಾರಸ್ವಾಮಿ ಬಗ್ಗೆ ತಿಳಿದುಕೊಳ್ಳಲು ಗೂಗಲ್ ಮೊರೆ ಹೋಗಿರುವವರ ಸಂಖ್ಯೆ ಸಿಕ್ಕಾಪಟ್ಟೆ.!

ಒಳ್ಳೆಯ ಕಾರಣಕ್ಕಾಗಿ ಅಲ್ಲ.!

ಸೋಷಿಯಲ್ ಮೀಡಿಯಾದಲ್ಲಿ ರಾಧಿಕಾ ಕುಮಾರಸ್ವಾಮಿ ಒಳ್ಳೆಯ ಕಾರಣಕ್ಕಾಗಿ ಟ್ರೆಂಡ್ ಆಗಿಲ್ಲ. ಬದಲಾಗಿ, ಟ್ರೋಲ್ ಆಗುತ್ತಿದ್ದಾರೆ. ವೈಯುಕ್ತಿಕ ವಿಚಾರವಾಗಿ ರಾಧಿಕಾ ಕುಮಾರಸ್ವಾಮಿ ಯನ್ನ ಲೇವಡಿ ಮಾಡುವವರ ಸಂಖ್ಯೆ ಕಳೆದ ಒಂದು ವಾರದಲ್ಲಿ ಹೆಚ್ಚಾಗಿದೆ.

ರಾಧಿಕಾ ಬಗ್ಗೆ ಅಪಹಾಸ್ಯ

ಕರ್ನಾಟಕದ ಮಾಜಿ ಮುಖ್ಯಮಂತ್ರಿಯೊಬ್ಬರು ಮೊದಲ ಮದುವೆ ಆದ ವರ್ಷದಲ್ಲಿ ಜನಿಸಿದ್ದ ರಾಧಿಕಾ ಕುಮಾರಸ್ವಾಮಿ, ಇದೀಗ ಈಗ ಅದೇ ಮುಖ್ಯಮಂತ್ರಿಗೆ ಎರಡನೇ ಪತ್ನಿ ಆಗಿದ್ದಾರೆ ಅಂತೆಲ್ಲ ನೆಟ್ಟಿಗರು ಅಪಹಾಸ್ಯ ಮಾಡುತ್ತಿದ್ದಾರೆ.

ಮುಖ್ಯಮಂತ್ರಿಗಳ ಹೆಸರಿಗೆ ಕರಿ ಮಸಿ

ರಾಧಿಕಾ ಅವರ ವಿಚಾರವನ್ನಿಟ್ಟುಕೊಂಡು ಕೆಲ ಕಿಡಿಗೇಡಿಗಳು ಆನ್ ಲೈನ್ ನಲ್ಲಿ ಮುಖ್ಯಮಂತ್ರಿಗಳ ಹೆಸರಿಗೆ ಕಪ್ಪು ಮಸಿ ಬಳಿಯಲು ಪ್ರಯತ್ನಿಸುತ್ತಿದ್ದಾರೆ ಎನ್ನುವುದು ರಾಜಕೀಯ ಪಡಸಾಲೆಯಲ್ಲಿ ಕೇಳಿಬರುತ್ತಿರುವ ಮಾತು.

ರಾಧಿಕಾ ಯಾರು.?

ಮಂಗಳೂರು ಮೂಲದ ರಾಧಿಕಾ ಕುಮಾರಸ್ವಾಮಿ 2002 ರಲ್ಲಿ ಬಿಡುಗಡೆ ಆದ 'ನೀಲ ಮೇಘ ಶ್ಯಾಮ' ಚಿತ್ರದ ಮೂಲಕ ಬಣ್ಣದ ಪ್ರಪಂಚಕ್ಕೆ ಪದಾರ್ಪಣೆ ಮಾಡಿದರು. 'ನಿನಗಾಗಿ', 'ತವರಿಗೆ ಬಾ ತಂಗಿ', 'ಆಟೋ ಶಂಕರ್', 'ಮಂಡ್ಯ', 'ಹಠವಾದಿ', 'ಸ್ವೀಟಿ ನನ್ ಜೋಡಿ', 'ರುದ್ರತಾಂಡವ' ಸೇರಿದಂತೆ ಹಲವು ಸಿನಿಮಾಗಳಲ್ಲಿ ರಾಧಿಕಾ ಕುಮಾರಸ್ವಾಮಿ ನಾಯಕಿ ಆಗಿ ಅಭಿನಯಿಸಿದ್ದಾರೆ.

ಹೆಣ್ಮಗುವಿನ ತಾಯಿ

ಸ್ವತಃ ನಟಿ ರಾಧಿಕಾ ಹೇಳಿಕೊಂಡಿರುವ ಪ್ರಕಾರ, 2006 ರಲ್ಲಿ ಅವರು ಮುಖ್ಯಮಂತ್ರಿಯೊಬ್ಬರ ಜೊತೆಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇಬ್ಬರ ದಾಂಪತ್ಯದ ಫಲವಾಗಿ ಅವರಿಗೆ ಶಮಿಕಾ ಎಂಬ ಮುದ್ದಾದ ಮಗಳು ಇದ್ದಾಳೆ.