ಮಾಲಿವುಡ್ ನಲ್ಲಿಯೂ ಮಿಂಚಲಾರಂಭಿಸಿದ ಕನ್ನಡಿಗ ರಾಜ್ ಶೆಟ್ಟಿ

ರಾಜ್ ಬಿ ಶೆಟ್ಟಿ ಒಂದು ಮೊಟ್ಟೆಯ ಕಥೆ

'ಒಂದು ಮೊಟ್ಟೆಯ ಕಥೆ' ಸಿನಿಮಾ ಖ್ಯಾತಿಯ ನಟ ಹಾಗೂ ನಿರ್ದೇಶಕ ರಾಜ್ ಬಿ ಶೆಟ್ಟಿ ಅಭಿನಯದ ಹೊಸ ಸಿನಿಮಾ ಫಿಕ್ಷನ್ (Fiction). ಚಿತ್ರದಲ್ಲಿ ರಾಜ್ ಬಿ ಶೆಟ್ಟಿ ಗಾಂಧಿ ಪಾತ್ರವನ್ನ ನಿರ್ವಹಿಸುತ್ತಿದ್ದಾರೆ. ಇತ್ತೀಚಿಗಷ್ಟೇ ಟೀಸರ್ ರಿಲೀಸ್ ಮಾಡಿರೋ ಚಿತ್ರತಂಡ, ನಾಯಕನ ಲುಕ್ ರಿವಿಲ್ ಮಾಡಿದೆ.

ಹೊಸಬರಿಗೆ ನೀಡಿದ ಅವಕಾಶ

ಫಿಕ್ಷನ್ (Fiction) ಮಲಯಾಳಂ ಸಿನಿಮಾ. ಮಣಿಪಾಲದ ಅನೇಕ ವಿದ್ಯಾರ್ಥಿಗಳು ಸೇರಿ ಈ ಚಿತ್ರವನ್ನ ನಿರ್ಮಾಣ ಹಾಗೂ ನಿರ್ದೇಶನ ಮಾಡುತ್ತಿದ್ದಾರೆ. ಸದ್ಯ ಟೀಸರ್ ನಷ್ಟೇ ಚಿತ್ರೀಕರಣ ಮಾಡಿರೋ ತಂಡ ಕೆಲವೇ ದಿನಗಳಲ್ಲಿ ಸಿನಿಮಾದ ಶೂಟಿಂಗ್ ಶುರು ಮಾಡಲಿದೆ.

ವಿಭಿನ್ನ ಸಿನಿಮಾಗಳ ಕಡೆ ಗಮನ

ಈ ಚಿತ್ರದ ಮೂಲಕ ಮಾಲಿವುಡ್ ಪ್ರವೇಶ ಮಾಡುತ್ತಿರೋ ನಟ ರಾಜ್ ಬಿ ಶೆಟ್ಟಿ ವಿಭಿನ್ನ ಪಾತ್ರಗಳ ಕಡೆ ಮುಖ ಮಾಡುತ್ತಿದ್ದಾರೆ. ಫಿಕ್ಷನ್ ಕೂಡ ಎಕ್ಸ್ ಪೆರಿಮೆಂಟ್ ವಿಷಯ ಇರೋ ಚಿತ್ರ ಆಗಿರೋದ್ರಿಂದ ಒಪ್ಪಿಕೊಂಡಿದ್ದಾರೆ. ಅದಷ್ಟೇ ಅಲ್ಲದೆ ಹೊಸಬರಿಗೆ ಪ್ರೋತ್ಸಾಹ ನೀಡೋ ಉದ್ದೇಶದಿಂದ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಟೀಸರ್ ಗೆ ಉತ್ತಮ ಪ್ರತಿಕ್ರಿಯೆ

ನಿನ್ನೆಯಷ್ಟೇ ಬಿಡುಗಡೆಯಾಗಿರೋ ಫಿಕ್ಷನ್ ಸಿನಿಮಾ ಟೀಸರ್ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಟೀಸರ್ ನೋಡಿದವರು ರಾಜ್ ಬಿ ಶೆಟ್ಟಿಯವರಿಂದ ಮತ್ತೊಂದು ವಿಭಿನ್ನ ಸಿನಿಮಾವನ್ನ ನಿರೀಕ್ಷೆ ಮಾಡಬಹುದು ಎಂದು ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.