ಮದುವೆ ವಾರ್ಷಿಕೋತ್ಸವ ಸಂಭ್ರಮದಲ್ಲಿ ರಕ್ಷಿತಾ-ಪ್ರೇಮ್

ಪ್ರೇಮ್ ಗೆ ರಕ್ಷಿತಾ ಪ್ರೀತಿಯ ಸಂದೇಶ

ವಾರ್ಷಿಕೋತ್ಸವದ ಸಂಭ್ರಮದಲ್ಲಿರುವ ರಕ್ಷಿತಾ ಪತಿಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ "ಸ್ನೇಹಿತರ ದಿನಾಚರಣೆಗೆ ಶುಭಾಯಗಳು. 13 ವರ್ಷವಾಗಿದೆ. ನಾವಿಬ್ಬರು ಹೀಗೆ ಇರುತ್ತೇವೆ ಎಂದು ಭಾವಿಸಿದ್ದೇನೆ. ದೇವರು ಒಳ್ಳೆಯದು ಮಾಡಲಿ. ಯಾವಾಗಲು ಸಂತೋಷವಾಗಿರು" ಎಂದು ರಕ್ಷಿತಾ, ಪ್ರೇಮ್ ಗೆ ಪ್ರೀತಿಯ ಸಂದೇಶ ಕಳುಹಿಸಿದ್ದಾರೆ.

ಸಿನಿಮಾರಂಗದ ನಂಟು ಬಿಡದ ರಕ್ಷಿತಾ

ರಕ್ಷಿತಾ ಮತ್ತು ಪ್ರೇಮ್ ದಂಪತಿಗೆ ಸೂರ್ಯ ಎನ್ನುವ ಮುದ್ದಾದ ಮಗನಿದ್ದಾನೆ. ರಕ್ಷಿತಾ ಮದುವೆ ನಂತರ ಯಾವುದೆ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ಆದರೆ ಸಿನಿಮಾರಂಗದ ನಂಟನ್ನು ಬಿಟ್ಟು ಕೊಟ್ಟಿಲ್ಲ. ಪತಿಯ ಸಿನಿಮಾಗಳಿಗೆ ಬೆನ್ನೆಲುಬಾಗಿ ನಿಂತಿದ್ದಾರೆ. ಪ್ರೇಮ್ ನಿರ್ದೇಶನದ ಸಿನಿಮಾಗಳಿಗೆ ನಿರ್ಮಾಪಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಸಹೋದರನ ಚಿತ್ರದಲ್ಲಿ ರಕ್ಷಿತಾ-ಪ್ರೇಮ್ ಬ್ಯುಸಿ

ನಿರ್ದೇಶಕ ಪ್ರೇಮ್ ಸದ್ಯ ರಕ್ಷಿತಾ ಸಹೋದರ ರಾಣಾ ಸಿನಿಮಾಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಏಕ್ ಲವ್ ಯಾ ಸಿನಿಮಾ ಮೂಲಕ ರಾಣಾ ಅವರನ್ನು ಚಿತ್ರರಂಗಕ್ಕೆ ಪರಿಚಯಿಸುತ್ತಿದ್ದಾರೆ. ಈ ಸಿನಿಮಾಗೂ ರಕ್ಷಿತಾ ನಿರ್ಮಾಣ ಮಾಡುತ್ತಿದ್ದಾರೆ. ವಿಶೇಷ ಅಂದರೆ ಮದುವೆ ನಂತರ ಮೊದಲ ಬಾರಿಗೆ ಏಕ್ ಲವ್ ಯಾ ಸಿನಿಮಾ ಮೂಲಕ ಮತ್ತೆ ಬಣ್ಣಹಚ್ಚಿದ್ದಾರೆ. ಒಂದು ಹಾಡಿನಲ್ಲಿ ರಕ್ಷಿತಾ ಕಾಣಿಸಿಕೊಂಡಿದ್ದಾರೆ.

ರಕ್ಷಿತಾ ದಂಪತಿಗೆ ಅಭಿಮಾನಿಗಳ ಶುಭಾಶಯ

13 ವರ್ಷಗಳ ಸಂತಸದ ದಾಂಪತ್ಯ ಜೀವನ ಕಳೆದಿರುವ ರಕ್ಷಿತಾ ಮತ್ತು ಪ್ರೇಮ್ ಗೆ ಶುಭಾಶಯಗಳ ಮಹಾಪೂರವೆ ಹರಿದು ಬರುತ್ತಿದೆ. ಅಭಿಮಾನಿಗಳು ಮತ್ತು ಸ್ನೇಹಿತರು ಶುಭಾಶಯ ಕಳುಹಿಸುತ್ತಿದ್ದಾರೆ. ಇಬ್ಬರು ಹೀಗೆ ಸಂತಸದಿಂದ ನಗುತ್ತ ಜೀವನ ಸಾಗಿಸಲಿ ಎನ್ನುವುದು ಅಭಿಮಾನಿಗಳ ಆಶಯ.