ರಾಮ್‌ಗೋಪಾಲ್ ವರ್ಮಾ ಹುಚ್ಚಾಟ: ಪವನ್‌ ಕಲ್ಯಾಣ್‌ಗೆ ಅವಮಾನ

ಪವರ್ ಸ್ಟಾರ್ ಹೆಸರಿನಲ್ಲಿ ಸಿನಿಮಾ

ಪವನ್ ಕಲ್ಯಾಣ್‌ ಗೆ ಅಭಿಮಾನಿಗಳು ಕೊಟ್ಟಿರುವ ಹೆಸರು 'ಪವರ್ ಸ್ಟಾರ್'. ಅದೇ ಹಸರಿನಲ್ಲಿ ಸಿನಿಮಾ ಮಾಡುತ್ತೇನೆ ಎಂದು ರಾಮ್‌ಗೋಪಾಲ್ ವರ್ಮಾ ಹೇಳಿದ್ದು, ಚಿತ್ರದಲ್ಲಿ ಪಿಕೆ, ಎಂಎಸ್, ಎನ್‌ಬಿ ಮತ್ತು ಟಿಎಸ್ ನಟಿಸುತ್ತಾರೆ ಎಂದು ಹೇಳಿದ್ದಾರೆ.

ಸಿನಿಪ್ರೇಕ್ಷಕರಿಗೆ ಗೊತ್ತಿರುವ ಹೆಸರುಗಳೇ

ಪಿಕೆ ಎಂದರೆ ಪವನ್ ಕಲ್ಯಾನ್, ಎಮ್‌ಎಸ್ ಎಂದರೆ ಮೆಗಾಸ್ಟಾರ್ ಸ್ಟಾರ್ ಚಿರಂಜೀವಿ, ಎನ್‌ಬಿ ಎಂದರೆ ಅವರ ಸಹೋದರ ನಾಗಬಾಬು, ಟಿಎಸ್ ಎಂದರೆ ನಿರ್ದೇಶಕ ತ್ರಿವಿಕ್ರಮ್ ಇದು ತೆಲುಗು ಸಿನಿಪ್ರೇಕ್ಷಕರಿಗೆ ಗೊತ್ತಿರುವ ಸಂಗತಿಯೇ.

ಪವನ್ ಕಲ್ಯಾಣ್ ಹೆಂಡತಿ ರಷ್ಯಾದವರು

ಆದರೆ ತಮ್ಮ ಪವರ್ ಸ್ಟಾರ್ ಸಿನಿಮಾದಲ್ಲಿ ರಷ್ಯಾದ ನಟಿ ನಾಯಕಿಯಾಗಿರುತ್ತಾಳೆ, ನಾಲ್ಕು ಮಕ್ಕಳು, ಎಂಟು ಎಮ್ಮೆಗಳು ನಟಿಸುತ್ತವೆ ಎಂದಿದ್ದಾರೆ ವರ್ಮಾ. ಪವನ್ ಕಲ್ಯಾಣ್ ಪತ್ನಿ ರಷ್ಯಾದವರೇ ಆಗಿದ್ದಾರೆ. ಸಿನಿಮಾದಲ್ಲಿ ಎಮ್ಮೆಗಳೂ ಸಹ ಅಭಿನಯಿಸುತ್ತವೆ ಎಂದಿರುವ ವರ್ಮಾ ಪವನ್ ಕಲ್ಯಾಣ್ ಅನ್ನು ಕೆಣಕುವ ಪ್ರಯತ್ನ ಮಾಡಿದ್ದಾರೆ.

ವಿಡಿಯೋ ಸಹ ಹಾಕಿರುವ ವರ್ಮಾ

ಪವನ್ ಕಲ್ಯಾಣ್ ರೀತಿಯಲ್ಲಿಯೇ ಕಾಣುವ ವ್ಯಕ್ತಿ ಪವನ್ ರೀತಿಯಲ್ಲಿ ಉಡುಗೆ ತೊಟ್ಟು ನಡೆದುಕೊಂಡು ಬರುತ್ತಿರುವ ವಿಡಿಯೋ ಪೋಸ್ಟ್ ಮಾಡಿರುವ ವರ್ಮಾ, ಈತನೇ ನನ್ನ ಸಿನಿಮಾದ ನಾಯಕ ಎಂದು ಹೇಳಿದ್ದಾರೆ.