ಪತ್ನಿಗೆ ಅತಿ ದೊಡ್ಡ ಧನ್ಯವಾದ ಹೇಳಿದ ರಮೇಶ್ ಅರವಿಂದ್

ನಟ ರಮೇಶ್ ಅರವಿಂದ್ ಇಂದು ತಮ್ಮ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಇದ್ದಾರೆ. ಈ ವಿಶೇಷ ದಿನ ತಮ್ಮ ಪತ್ನಿಗೆ ರಮೇಶ್ ಧನ್ಯವಾದ ಹೇಳಿದ್ದಾರೆ.

ಮದುವೆಯ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ರಮೇಶ್

''ಈ ದಿನ, ವರುಷಗಳ ಹಿಂದೆ, ಅರ್ಚನಾ ಎಂಬ ನಿಧಿ ನನಗೆ ಸಿಕ್ಕಿತು. ನನ್ನ ಜೀವನದ ಅತಿ ದೊಡ್ಡ 'ThankYou' ಇವರಿಗೆ ಸಲ್ಲಬೇಕು.'' ಎಂದು ಬರೆದುಕೊಂಡಿದ್ದಾರೆ.

ಮದುವೆ ದಿನದ ಫೋಟೋದ ಜೊತೆಗೆ ಮಡಿದಿ ಜೊತೆಗಿನ ಇತರ ಫೋಟೋಗಳ ಮೂಲಕ ತಮ್ಮ ದಾಂಪತ್ಯ ಜೀವನದ ಸಿಹಿ ನೆನೆಪುಗಳನ್ನು ಹಂಚಿಕೊಂಡಿದ್ದಾರೆ.

ರಮೇಶ್ ಅರವಿಂದ್ ಹಾಗೂ ಅರ್ಚನಾ 1991 ಜುಲೈ 7 ರಂದು ವಿವಾಹ ಆಗಿದ್ದರು. ಈ ವರ್ಷ ಅವರು 28ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಇದ್ದಾರೆ. ಈ ದಂಪತಿಗೆ ಅರ್ಜುನ್ ಎಂಬ ಒಬ್ಬ ಮಗ ಹಾಗೂ ನಿಹಾರಿಕಾ ಎಂಬ ಒಬ್ಬ ಮಗಳು ಇದ್ದಾರೆ.

ಅಂದಹಾಗೆ, ರಮೇಶ್ ಅರವಿಂದ್ ಸದ್ಯ ಕಿರುತೆರೆಯ ನಿರೂಪಕನಾಗಿ, ನಾಯಕನಾಗಿ, ನಿರ್ದೇಶಕನಾಗಿ ಹಾಗೂ ಮೋಟಿವೇಷನಲ್ ಸ್ವೀಕರ್ ಆಗಿ ಕೆಲಸ ಮಾಡುತ್ತಿದ್ದಾರೆ.