'ಕೆಜಿಎಫ್ 2'ಗೆ ಬೋಲ್ಡ್ ಆದ ಬಾಲಿವುಡ್‌ ನಟ ರಣ್ವೀರ್ ಸಿಂಗ್!

'ಕೆಜಿಎಫ್ 2' ಸಿನಿಮಾ ನೋಡಿದ ರಣ್ವೀರ್ ಸಿಂಗ್!

ಬಾಲಿವುಡ್‌ ನಟ ರಣ್ವೀರ್ ಸಿಂಗ್ 'ಕೆಜಿಎಫ್ 2' ಚಿತ್ರವನ್ನು ಇತ್ತೀಚೆಗೆ ವೀಕ್ಷಿಸಿದ್ದಾರೆ. ಸಿನಿಮಾ ನೋಡಿದ ರಣ್ವೀರ್ ಸಿಂಗ್ 'ಕೆಜಿಎಫ್ 2' ಮತ್ತು ಯಶ್‌ಗೆ ಫಿದಾ ಆಗಿದ್ದಾರೆ. ಈ ಬಗ್ಗೆ ಸಂದರ್ಶನದಲ್ಲಿ ಮಾತನಾಡಿದ ಅವರು, ಈ ರೀತಿಯ ಚಿತ್ರಗಳು ನನಗೆ ತುಂಬಾ ಇಷ್ಟ ಆಗುತ್ತವೆ. ನಾನು ಒಬ್ಬನೇ ಕುಳಿತು ಸಿನಿಮಾ ನೋಡಿ ಚಪ್ಪಾಳೆ ತಟ್ಟುತ್ತೇನೆ. ಜನರ ಜೊತೆಗೆ ಸಿನಿಮಾ ನೋಡುವುದಿಲ್ಲ ಎಂದಿದ್ದಾರೆ.

ಕೆಜಿಎಫ್ 2, ಯಶ್ ಅದ್ಭುತ ಎಂದ ರಣ್ವೀರ್

'ಕೆಜಿಎಫ್ 2' ಸಿನಿಮಾ ರಣ್ವೀರ್ ಸಿಂಗ್‌ಗೆ ಬಹಳ ಇಷ್ಟವಾಗಿದೆಯಂತೆ. ಜೊತೆಗೆ ರಾಕಿಂಗ್ ಸ್ಟಾರ್ ಅಭಿನಯವನ್ನೂ ಕೂಡ ಮೆಚ್ಚಿಕೊಂಡಿದ್ದಾರೆ. "ಕೆಜಿಎಫ್: ಚಾಪ್ಟರ್ 2 ನೋಡಿದಾಗ, ನನಗೆ ತುಂಬಾನೇ ಖುಷಿ ಆಯ್ತು. ಅದ್ಭುತ ಅನಿಸಿತ್ತು. ಸಿನಿಮಾದುದ್ದಕ್ಕೂ 'ಯಶ್ ಅವನನ್ನು ಕೊಂದುಬಿಡು' ಅಂತಿದ್ದೆ. ಈ ರೀತಿಯ ಸಿನಿಮಾಗಳು ನನಗೆ ಇಷ್ಟವಾಗುತ್ತವೆ. ಇಂತಹ ಚಿತ್ರಗಳು ನನ್ನ ಫಸ್ಟ್ ಲವ್. 'ಮಗಧೀರ' ಆಗಲಿ ಅಥವಾ 'ಕೆಜಿಎಫ್ 2' ಆಗಿರಲಿ ಇಂತಹ ಚಿತ್ರಗಳನ್ನು ರಾತ್ರಿ ಒಂಟಿಯಾಗಿ ನೋಡಿ ಚಪ್ಪಾಳೆ ತಟ್ಟುತ್ತೇನೆ. ಇಂತಹ ಚಿತ್ರಗಳು ನನಗೆ ಇಷ್ಟ." ಎಂದು ಹೇಳಿಕೊಂಡಿದ್ದಾರೆ.

ರಾಕಿ ಭಾಯ್ ಅವತಾರದಲ್ಲಿ ರಣ್ವೀರ್ ಸಿಂಗ್!

ನಟ ರಣ್ವೀರ್ ಸಿಮಗ್ ಬಾಲಿವುಡ್‌ನಲ್ಲಿ ಸದಾ ವಿಭಿನ್ನ ಕಾಸ್ಟ್ಯೂಮ್ ಪ್ರಯೋಗ ಮಾಡುವವರಲ್ಲಿ ಮುಂಚೂಣಿಯಲ್ಲಿ ಇರುತ್ತಾರೆ. ಅವರು ಹಲವು ಬಾರಿ ತಮ್ಮ ಲುಕ್ ಮೂಲಕ ಹೊಸ ಟ್ರೆಂಡ್ ಹುಟ್ಟು ಹಾಕುತ್ತಾರೆ. ಅಂತೆಯೇ ಈಗ 'ಕೆಜಿಎಫ್ 2'ನಲ್ಲಿ ಯಶ್ ಹಾಕಿರುವ ಮಾದರಿಯ ಕಾಸ್ಟ್ಯೂಮ್ ತೊಟ್ಟು ಫೋಟೊವನ್ನು ಇನ್ಸ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅದಕ್ಕೆ 'ರಾಕಿ ಭಾಯ್ ವೈಬ್ಸ್' ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ.

ಮುಂದುವರೆದ 'ಕೆಜಿಎಫ್ 2' ಬಾಕ್ಸಾಫೀಸ್ ಬೇಟೆ!

'ಕೆಜಿಎಫ್ 2' ರಿಲೀಸ್ ಆಗಿ 25 ದಿನಗಳನ್ನು ಪೂರೈಸಿದೆ. ಆದರೆ ಚಿತ್ರದ ಗಳಿಕೆಯಲ್ಲಿ ದೊಡ್ಡ ಮಟ್ಟದ ಬದಲಾವಣೆ ಕಂಡು ಬಂದಿಲ್ಲ. 25 ದಿನಕ್ಕೆ 'ಕೆಜಿಎಫ್ 2' 1170 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿ ಭಾರತೀಯ ಚಿತ್ರರಂಗದಲ್ಲಿ ದಾಖಲೆ ಮಾಡುತ್ತಿದೆ. ಅತಿ ಹೆಚ್ಚು ಗಳಿಕೆ ಮಾಡಿರುವ ಚಿತ್ರಗಳ ಪಟ್ಟಿಯಲ್ಲಿ 'ಕೆಜಿಎಫ್ 2', 3ನೇ ಸ್ಥಾನದಲ್ಲಿ ಇದೆ. ಈ ಗಳಿಕೆ ಹೀಗೆ ಮುಂದುವರೆದರೆ ಶೀಘ್ರದಲ್ಲೇ 2ನೇ ಸ್ಥಾನಕ್ಕೆ ಬರುವ ಸಾಧ್ಯತೆ ಇದೆ.