ಹಾವು ನೋಡಿ ಬೆಚ್ಚಿಬಿದ್ದ ಅಭಿನಯ ಶಾರದೆ ಜಯಂತಿ

ಕನಕಪುರ ಬಳಿ ಇರುವ ಜಯಂತಿ ಅವರ ಮನೆಯ ಆವರಣದಲ್ಲಿ ಅಪರೂಪದ ಹಾವೊಂದು ಕಾಣಿಸಿಕೊಂಡಿದೆ. ಸಾಮಾನ್ಯವಾಗಿ ಈ ಜಾತಿಯ ಹಾವು ದಟ್ಟಕಾಡಿನಲ್ಲಿ ಮಾತ್ರ ಕಂಡುಬರುತ್ತದಂತೆ. ಆದರೆ ಇಲ್ಲಿಗೆ ಹೇಗೆ ಬಂತೋ ಏನೋ ಗೊತ್ತಿಲ್ಲ. ಅಲ್ಲೇ ಕ್ರಿಕೆಟ್ ಆಡುತ್ತಿದ್ದ ಹುಡುಗರು ಈ ಹಾವನ್ನು ನೋಡಿ ವಿಷಯ ತಿಳಿಸಿದ್ದಾರೆ.

ತಕ್ಷಣ ಉರಗತಜ್ಞ ವಿನಯ್ ಅವರಿಗೆ ಜಯಂತಿ ಅವರು ಕರೆಮಾಡಿದ್ದಾರೆ. ವಿನಯ್ ಅವರು ಈ ಹಾವನ್ನು ಹಿಡಿದು ಕಾಡಿಗೆ ಕಳುಹಿಸಿದರು. "ಈ ಹಾವಿಗೆ ಬೆಕ್ಕಿನ ತರಹ ಕಣ್ಣು ಇರುವ ಕಾರಣ ಇದನ್ನು ಕ್ಯಾಟ್ ಸ್ನೇಕ್ ಎಂದು ಕರೆಯಲಾಗುತ್ತದೆ. ಇದು ಬಹಳ ಅಪರೂಪದ ಹಾವು. ಇಲ್ಲಿಗೆ ಹೇಗೆ ಬಂತು ಎಂಬುದು ಗೊತ್ತಿಲ್ಲ" ಎಂದಿದ್ದಾರೆ ವಿನಯ್. (ಒನ್‌ಇಂಡಿಯಾ ಕನ್ನಡ)