ತೆಲುಗಿನಲ್ಲಿ ರಶ್ಮಿಕಾಗೆ ದೊಡ್ಡ ಕಾಂಪಿಟೇಶನ್ ಈ ನಟಿಯೇ

ರಶ್ಮಿಕಾ ಖಾತೆಯಲ್ಲಿ 7 ಸಿನಿಮಾಗಳು

ನಟಿ ರಶ್ಮಿಕಾ ಮಂದಣ್ಣ ಕ್ರೇಜ್ ಟಾಲಿವುಡ್ ನಲ್ಲಿ ಜೋರಾಗಿದೆ. ಸದ್ಯ ಅವರು ನಟಿರುವ ಮೂರು ಚಿತ್ರಗಳು ಬಿಡುಗಡೆಯಾಗಿದ್ದು, ಮೂರೂ ಕೂಡ ಹಿಟ್ ಆಗಿವೆ. ಹೀಗಾಗಿ, ಅವರು ನಾಲ್ಕು ತೆಲುಗು ಚಿತ್ರಕ್ಕೆ ಬುಕ್ ಆಗಿದ್ದಾರೆ. ಇದರಲ್ಲಿ ವಿಜಯ್ ದೇವರಕೊಂಡ, ಅಲ್ಲು ಅರ್ಜುನ್, ಮಹೇಶ್ ಬಾಬು ನಿತಿನ್ ಸಿನಿಮಾಗಳು ಇವೆ.

ಪೂಜಾ ಮಾಡಿರೋದು 6 ಸಿನಿಮಾ

ನಟಿ ಪೂಜಾ ಹೆಗ್ಡೆ ಕೂಡ ಈವರೆಗೆ 6 ತೆಲುಗು ಸಿನಿಮಾ ಮಾಡಿದ್ದಾರೆ. ನಾಗಚೈತನ್ಯ, ಅಲ್ಲು ಅರ್ಜುನ್, ಜೂನಿಯರ್ ಎನ್ ಟಿ ಆರ್, ಮಹೇಶ್ ಬಾಬು ಜೊತೆಗೆ ಪೂಜಾ ಅಭಿನಯಿಸಿದ್ದಾರೆ. ಇತ್ತೀಚಿಗಷ್ಟೆ ಬಿಡುಗಡೆಯಾದ 'ಮಹರ್ಷಿ' ಸೂಪರ್ ಹಿಟ್ ಆಗಿದೆ. ಈ ರೀತಿ ಪೂಜಾ ಕೂಡ ಮುಂದೆ ಮುಂದೆ ಹೋಗುತ್ತಿದ್ದಾರೆ.

ರಶ್ಮಿಕಾ - ಪೂಜಾ ಟಾಲಿವುಡ್ ಯುವರಾಣಿಯರು

ಸದ್ಯ, ಟಾಲಿವುಡ್ ನ ಟ್ರೆಂಡಿಂಗ್ ಹೀರೋಯಿನ್ ಗಳ ಸಾಲಿನಲ್ಲಿ ಪ್ರಮುಖವಾಗಿರುವುದು ರಶ್ಮಿಕಾ ಮಂದಣ್ಣ ಹಾಗೂ ಪೂಜಾ ಹೆಗ್ಡೆ. ಸ್ಟಾರ್ ಸಿನಿಮಾಗಳು ಅಂದರೆ ಈ ಇಬ್ಬರ ಹೆಸರು ಮೊದಲು ಬರುತ್ತಿದೆ. ಇಬ್ಬರ ಬೇಡಿಕೆ ದಿನೇ ದಿನೇ ಹೆಚ್ಚಾಗುತ್ತಿದೆ. ಈ ಇಬ್ಬರು ನಟಿಯರಿಗೆ ಇದೇ ರೀತಿ ಒಳ್ಳೆಯ ಅವಕಾಶ ಸಿಗುತ್ತಿದ್ದರೆ, ಟಾಲಿವುಡ್ ನಲ್ಲಿ ರಾಣಿ ಪಟ್ಟಕ್ಕೆ ಏರುತ್ತಾರೆ.

ಇತರ ನಟಿಯರ ಸಿನಿಮಾಗಳು

ಪೂಜಾ ಹೆಗಡೆ ಬಿಟ್ಟರೆ, ನಟಿ ತಮನ್ನಾ, ಕಾಜಲ್ ಅಗರ್ವಾಲ್, ರಕುಲ್ ಪ್ರೀತ್ ಸಿಂಗ್ ಹಾಗೂ ಸಾಯಿ ಪಲ್ಲವಿ ಸೇರಿದಂತೆ ಕೆಲವು ನಟಿಯರ ಜೊತೆಗೆ ರಶ್ಮಿಕಾ ಪೈಪೋಟಿ ಮಾಡಬೇಕಿದೆ. ತೆಲುಗಿನಲ್ಲಿ ಸಾಯಿ ಪಲ್ಲವಿ ದಿನೇ ದಿನೇ ಬೆಳೆಯುತ್ತಿದ್ದಾರೆ.

ಮಹೇಶ್ ಬಾಬು ಚಿತ್ರದಲ್ಲಿ ರಶ್ಮಿಕಾ

ರಶ್ಮಿಕಾ ಮಂದಣ್ಣಗೆ ಈಗ ಮತ್ತೊಂದು ಬಂಪರ್ ಆಫರ್ ಸಿಕ್ಕಿದೆ. ಮಹೇಶ್ ಬಾಬು ನಟನೆಯ 'ಸರಿಲೇರು ನೀಕೆವರು' ಚಿತ್ರದಲ್ಲಿ ಅವರೇ ನಾಯಕಿಯಾಗಿದ್ದಾರೆ. ನಿನ್ನೆ (ಶುಕ್ರವಾರ) ಆ ಸಿನಿಮಾ ಲಾಂಚ್ ಆಗಿದೆ. ಇದರ ಜೊತೆಗೆ ಅಲ್ಲು ಅರ್ಜುನ್ ಹಾಗೂ ತಮಿಳು ನಟ ವಿಜಯ್ ರ 64 ನೇ ಚಿತ್ರಕ್ಕೆ ರಶ್ಮಿಕಾ ಆಯ್ಕೆ ಆಗಿದ್ದಾರೆ.