2022ರಲ್ಲಿ ರಶ್ಮಿಕಾ ಮಂದಣ್ಣ ಫ್ಲಾಪ್; ಎಲ್ಲಾ ಚಿತ್ರ ಸೇರಿಸಿದ್ರೂ 25 ಕೋಟಿ ಮುಟ್ಟಲ್ಲ ಕಲೆಕ್ಷನ್!

2022ರಲ್ಲಿ ರಶ್ಮಿಕಾ ಮಂದಣ್ಣ ಫ್ಲಾಪ್

ಈ ವರ್ಷ ಇಲ್ಲಿಯವರೆಗೂ ರಶ್ಮಿಕಾ ಮಂದಣ್ಣ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವುದು ತೆಲುಗಿನ 'ಆಡವಾಳ್ಳು ಮೀಕು ಜೋಹಾರ್ಲು' ಹಾಗೂ ಹಿಂದಿಯ 'ಗುಡ್ ಬೈ' ಚಿತ್ರಗಳಲ್ಲಿ ಮಾತ್ರ. ಈ ಪೈಕಿ ಆಡವಾಳ್ಳು ಮೀಕು ಜೋಹಾರ್ಲು ಚಿತ್ರ ಒಟ್ಟಾರೆ 13.50 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿತು ಹಾಗೂ ಗುಡ್ ಬೈ 9.66 ಕೋಟಿ ಕಲೆಕ್ಷನ್ ಮಾಡಿತು. ಈ ಮೂಲಕ ರಶ್ಮಿಕಾ ಮಂದಣ್ಣ ನಟಿಯಾಗಿ ಕಾಣಿಸಿಕೊಂಡಿದ್ದ ಈ ಎರಡೂ ಚಿತ್ರಗಳೂ ಸೇರಿದರೆ ಕಲೆಕ್ಷನ್ 23.16 ಕೋಟಿ ರೂಪಾಯಿಗಳಾಗಲಿದೆ.

ಹಾಕಿದ್ದ ಬಂಡವಾಳ ಕೂಡ ಕಲೆಕ್ಷನ್ ಮೂಲಕ ಬರಲಿಲ್ಲ

ಇನ್ನು ರಶ್ಮಿಕಾ ಮಂದಣ್ಣ ಶರ್ವಾನಂದ್ ಜತೆ ನಟಿಸಿದ್ದ ತೆಲುಗಿನ ಆಡವಾಳ್ಳು ಮೀಕು ಜೋಹಾರ್ಲು 15 ಕೋಟಿ ವೆಚ್ಚದಲ್ಲಿ ತಯಾರಾಗಿತ್ತು ಹಾಗೂ ಅಮಿತಾಬ್ ಬಚ್ಚನ್ ಜತೆ ನಟಿಸಿದ್ದ ಹಿಂದಿಯ ಗುಡ್ ಬೈ ಚಿತ್ರ ಇಪ್ಪತ್ತು ಕೋಟಿ ರೂಪಾಯಿ ಬಜೆಟ್‌ನಲ್ಲಿ ತಯಾರಾಗಿತ್ತು. ಈ ಮೂಲಕ ಎರಡೂ ಚಿತ್ರದ ಕಲೆಕ್ಷನ್ ಕೂಡ ಬಜೆಟ್ ಅನ್ನು ವಾಪಸ್ ಗಳಿಸುವಲ್ಲಿ ಯಶಸ್ವಿಯಾಗಲಿಲ್ಲ. ಡಿಜಿಟಲ್, ಆಡಿಯೋ ಹಾಗೂ ಸ್ಯಾಟಲೈಟ್ ಮೂಲಕ ಬಜಟ್ ವಾಪಸ್ ಬಂದಿತಾದರೂ ಚಿತ್ರಗಳು ದೊಡ್ಡ ಗಳಿಕೆ ಮಾಡಲಿಲ್ಲ.

ರಶ್ಮಿಕಾ ಕಾಣಿಸಿಕೊಂಡಿದ್ದ ಸೀತಾ ರಾಮಂ ನೂರು ಕೋಟಿ!

ಅತ್ತ ದುಲ್ಕರ್ ಸಲ್ಮಾನ್ ನಟನೆಯ ಸೀತಾ ರಾಮಮ್ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ನೂರು ಕೋಟಿ ಗಳಿಕೆ ಮಾಡಿತು. ಈ ಚಿತ್ರದಲ್ಲಿ ನಟಿ ರಶ್ಮಿಕಾ ಮಂದಣ್ಣ ಕೂಡ ಕಾಣಿಸಿಕೊಂಡಿದ್ದರು. ಆದರೆ ಈ ಚಿತ್ರದಲ್ಲಿ ರಶ್ಮಿಕಾ ಪೋಷಕ ಪಾತ್ರಧಾರಿಯಾಗಿ ಕಾಣಿಸಿಕೊಂಡಿದ್ದ ಕಾರಣ ಬಾಕ್ಸ್ ಆಫೀಸ್ ಟ್ರ್ಯಾಕರ್ಸ್ ಈ ಚಿತ್ರವನ್ನು ಪರಿಗಣಿಸಿಲ್ಲ. ಹೆಚ್ಚಾಗಿ ಈ ಚಿತ್ರದಲ್ಲಿ ದುಲ್ಕರ್‌ಗೆ ನಾಯಕಿಯಾಗಿ ನಟಿಸಿದ್ದು ಮೃಣಾಲ್ ಠಾಕೂರ್, ಆದ್ದರಿಂದ ರಶ್ಮಿಕಾ ಬಾಕ್ಸ್ ಆಫೀಸ್‌ ಲೆಕ್ಕಾಚಾರಕ್ಕೆ ಸೀತಾ ರಾಮಂ ಸೇರಿಲ್ಲ ಎಂದು ಕೆಲ ಬಾಕ್ಸ್ ಆಫೀಸ್ ಟ್ರ್ಯಾಕರ್ಸ್ ಹೇಳಿದರೆ ಇನ್ನೂ ಕೆಲ ಮಂದಿ ಈ ಚಿತ್ರವನ್ನೂ ಸಹ ಪರಿಗಣಿಸಬಹುದು ಎನ್ನುತ್ತಾರೆ.