ಅಸಭ್ಯವಾಗಿ ಕಮೆಂಟ್ ಮಾಡಿದವರಿಗೆ ಮಾತಿನಲ್ಲೇ ಚಾಟಿ ಬೀಸಿದ ರಶ್ಮಿಕಾ

ಮಾತಿನಲ್ಲೇ ಚಾಟಿ ಏಟು ಕೊಟ್ಟ ಚಮಕ್ ಬೆಡಗಿ

ನಟಿ ರಶ್ಮಿಕಾ ಮಂದಣ್ಣ ಸಾಮಾಜಿಕ ಜಾಲತಾಣದಲ್ಲಿ ಸುಮ್ಮನೆ ತರ್ಲೆ ಮಾಡುವವರಿಗೆ ಕಮೆಂಟ್ ಮೂಲಕವೇ ಬುದ್ದಿ ಕಲಿಸಿದ್ದಾರೆ. ವಯಕ್ತಿಕ ವಿಚಾರದ ಬಗ್ಗೆ ಮಾತನಾಡಲು ಯಾರಿಗೂ ಹಕ್ಕಿಲ್ಲ ಎನ್ನುವುದನ್ನು ತಮ್ಮದೇ ಸ್ಟೈಲ್ ನಲ್ಲಿ ಹೇಳಿದ್ದಾರೆ.

ರಕ್ಷಿತ್ ಮರ್ಯಾದೆ ಹೋಗುತ್ತಿದೆಯಂತೆ

ರಶ್ಮಿಕಾ, 'ಗೀತ ಗೋವಿಂದಂ' ಸಿನಿಮಾದ ಪೋಸ್ಟರ್ ಅನ್ನು ತಮ್ಮ ಇನ್‌ಸ್ಟಾಗ್ರಾಂ ನಲ್ಲಿ ಅಪ್ಲೋಡ್ ಮಾಡಿದ್ದರು. ಅದಕ್ಕೆ ಸಾಕಷ್ಟು ಜನರು ನೆಗೆಟಿವ್ ಆಗಿ ಕಮೆಂಟ್ ಮಾಡಿದ್ದಾರೆ. ನೀವು ಇಂತಹ ಪಾತ್ರ ಮಾಡುವುದರಿಂದ ರಕ್ಷಿತ್ ಶೆಟ್ಟಿ ಮರ್ಯಾದೆ ಹೋಗುತ್ತಿದೆ ಎಂದಿದ್ದಾರೆ. ಇದರಿಂದ ಕೋಪಗೊಂಡಿರುವ 'ಚಮಕ್' ಬೆಡಗಿ ತಮ್ಮ ಸ್ಟೈಲ್ ನಲ್ಲಿ ಉತ್ತರಿಸಿದ್ದಾರೆ.

ನಮ್ಮ ಕೆಲಸ ನಾವು ಮಾಡಿದ್ದೇವೆ

ಕಮೆಂಟ್ ಗಳಿಗೆ ಉತ್ತರಿಸಿರುವ ರಶ್ಮಿಕಾ ಮಂದಣ್ಣ, "ನಾವು ತೆರೆ ಮೇಲೆ ಕಲಾವಿದರು, ನಮ್ಮ ಕೆಲಸವನ್ನು ನಾನು ಅಚ್ಚುಕಟ್ಟಾಗಿ ಮಾಡಿದ್ದೇವೆ. ನನ್ನ ಸಿನಿಮಾ ಕೆಟ್ಟದಾಗಿದೆ ಎಂದು ನಿಮ್ಮ ಅಭಿಪ್ರಾಯ ಆದರೆ ನನಗೆ ಬೇಸರವಿಲ್ಲ. ಆದರೆ ನನ್ನ ವಯಕ್ತಿಕ ವಿಚಾರದ ಬಗ್ಗೆ ಮಾತನಾಡುವ ಅಧಿಕಾರ ಯಾರಿಗೂ ಇಲ್ಲ" ಎಂದಿದ್ದಾರೆ.

ನಾನು ಮತ್ತು ವಿಜಯ್ ಸ್ನೇಹಿತರು

ನಾನು ಮತ್ತು ವಿಜಯ್ ದೇವರಕೊಂಡ ಇಬ್ಬರು ಒಳ್ಳೆ ಸ್ನೇಹಿತರು. ನನ್ನ ಸಿನಿಮಾದ ಪೋಸ್ಟರ್ ಆಗಿರುವ ಕಾರಣ ನಾನು ಅದನ್ನು ಅಪ್ಲೋಡ್ ಮಾಡಬೇಕಾಗಿದೆ ಅಷ್ಟೇ. ನಿಮಗೆ ಇಷ್ಟವಾಗಿಲ್ಲ ಎಂದರೆ ಬಿಟ್ಟುಬಿಡಿ. ಬೇರೆ ರೀತಿ ಕಮೆಂಟ್ ಮಾಡುವುದನ್ನು ನಿಲ್ಲಿಸಿ. ಎಂದು ಉತ್ತರ ನೀಡಿದ್ದಾರೆ.