ನಾಗಾಸಾಧು ಗೆಟಪ್ ನಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ

ಸೆಪ್ಟೆಂಬರ್ 18ಕ್ಕೆ ಸೆಟ್ಟೇರಿದ ಚಿತ್ರ ಶೂಟಿಂಗ್ ಶುರು

2013ರಲ್ಲಿ ಆರಂಭವಾದ 'ಉಪ್ಪಿ-2' ಸಿನಿಮಾ ಯಾವಾಗ ರಿಲೀಸಾಗುತ್ತೆ ಅಂಥ ಅಭಿಮಾನಿಗಳು ಕಾದಿದ್ದಾರೆ. 'ಉಪ್ಪಿ-2' ಉಪೇಂದ್ರ ಪ್ರೊಡಕ್ಷನ್ ಹೌಸ್ ನ ಮೊದಲ ಸಿನಿಮಾ. ಉಪ್ಪಿ ತಮ್ಮದೇ ಪ್ರೊಡಕ್ಷನ್ಸ್ ನಲ್ಲಿ ನಿರ್ಮಿಸ್ತಾ ಇರೋ ಚಿತ್ರದ ಮುಹೂರ್ತವೇ ಚಿತ್ರಪ್ರೇಮಿಗಳಿಗೆ ಹಬ್ಬ ನೀಡಿತ್ತು. ಕಳೆದ ಬಾರಿ ಉಪ್ಪಿ ಹುಟ್ಟುಹಬ್ಬಕ್ಕೆ ಅಂದ್ರೆ ಸೆಪ್ಟೆಂಬರ್ 18ಕ್ಕೆ ಸೆಟ್ಟೇರಿದ ಚಿತ್ರ ಶೂಟಿಂಗ್ ಶುರು ಮಾಡೋಕೇನೇ ಹೆಚ್ಚೂ ಕಡಿಮೆ 10 ತಿಂಗಳು ತೆಗೆದುಕೊಂಡಿದೆ.

ಉಪ್ಪಿ-2 ಚಿತ್ರದಲ್ಲೂ ಮೂರು ಹೀರೋಯಿನ್ ಗಳು

ಉಪ್ಪಿ-2 ಚಿತ್ರದಲ್ಲೂ ಮೂರು ಹೀರೋಯಿನ್ ಗಳಿರ್ತಾರೆ. ಇಲ್ಲಿ ಮೂರನೇ ಹೀರೋಯಿನ್ನಾಗಿ ಪ್ರಿಯಾಂಕಾ ಉಪೇಂದ್ರ ನಟಿಸ್ತಿದ್ದಾರೆ. ಉಪ್ಪಿ ಆಯ್ಕೆ ಮಾಡೋದ್ರಲ್ಲಿ ಎಕ್ಸ್ ಪರ್ಟ್. ಹಾಗಾಗಿ ಪ್ರೊಡಕ್ಷನ್ ನೋಡ್ಕೊಂಡು ನಟಿಸೋದು ಕಷ್ಟ ಅನ್ನೋ ಕಾರಣಕ್ಕೆ ಮೂರನೇ ಹೀರೋಯಿನ್ನಾಗಿ ಆಯ್ಕೆ ಮಾಡಿದ್ದಾರೆ ಅನ್ಸುತ್ತೆ.

ಹಿಮಾಲಯದಿಂದಲೇ ರಿಯಲ್ ಸ್ಟಾರ್ ಎಂಟ್ರಿ

ಸಿನಿಮಾದಲ್ಲಿ ರಿಯಲ್ ಸ್ಟಾರ್ ಎಂಟ್ರಿ ಹಿಮಾಲಯದಿಂದಲೇ ಶುರುವಾಗುತ್ತಂತೆ. ಉಪೇಂದ್ರ ಚಿತ್ರದ ಕೊನೆಯಲ್ಲಿ ನಾನು ಯಾರು ಅನ್ನೋದನ್ನ ತಿಳಿಯೋದಕ್ಕೆ ದಿಗಂತದ ಕಡೆ ನಡೆದುಕೊಂಡು ಹೋಗೋ ಸೀನ್ ಇದೆ. ಉಪ್ಪಿ ಅಲ್ಲಿಂದ ಹೊರಬರೋದೇ ಮೊದಲ ಸೀನ್ ಅನ್ನೋದು ಕುತೂಹಲದ ಜೊತೆಗೆ ಸತ್ಯವೂ ಅಂತೆ.

ಓಪನಿಂಗ್ ಸಾಂಗ್ ಕನ್ನಡದಲ್ಲಿ ಇರೋದಿಲ್ಲವಂತೆ

ಈಗಾಗಲೇ ಉಪ್ಪಿ 2 ಸಿನಿಮಾಗೆ ಹಾಲಿವುಡ್ ನ ರ್ಯಾಪ್ ಸಿಂಗರ್ ಒಬ್ಬರು ಹಾಡಿದ್ದಾರೆ. ಓಪನಿಂಗ್ ಸಾಂಗ್ ಕನ್ನಡದಲ್ಲಿ ಇರೋದಿಲ್ಲವಂತೆ. ಅದು ಉಪ್ಪಿ ಇಂಟ್ರಡಕ್ಷನ್ ಸಾಂಗ್ ಆಗಿರಲಿದ್ದು ಅಮೆರಿಕನ್ ರ್ಯಾಪರ್ ಇದನ್ನ ಹಾಡಿರೋ ಸುದ್ದಿ ಬಂದಿದೆ.

ಒನ್ ಅಂಡ್ ಓನ್ಲಿ ಉಪ್ಪಿ ಚಿತ್ರವಿದು

ಸ್ವತಃ ಉಪ್ಪಿ ಹೇಳೋ ಪ್ರಕಾರ ನನ್ನ ಕಥೆಯನ್ನ ಬೇರೆಯವ್ರಿಗೆ ಕೊಟ್ರೂ ಇದನ್ನ ಬೇರೆಯವರು ಮಾಡೋಕೆ ಸಾಧ್ಯವಿಲ್ಲ ಅಂತ. ಹಾಗಂದ ಮೇಲೆ ಉಪ್ಪಿ-2ನಲ್ಲಿ ಅದಿನ್ನೆಂಥೆಂತಹ ಥ್ರಿಲ್ ಇರುತ್ತೋ ಕಾದು ನೋಡಿ.