ಮುಖಪುಟ

ಸಿನಿ ಸಮಾಚಾರ

'ಡ್ಯಾನ್ಸಿಂಗ್ ಸ್ಟಾರ್', 'ಇಂಡಿಯನ್' ಅಂತಹ ಎರಡೆರೆಡು ರಿಯಾಲಿಟಿ ಶೋಗಳನ್ನ ಗೆದ್ದು ಇತಿಹಾಸ ನಿರ್ಮಿಸಿ, 'ಬಿಗ್ ಬಾಸ್ ಕನ್ನಡ' ಕಾರ್ಯಕ್ರಮದಲ್ಲಿ ಸತತ 7 ವಾರ ನಾಮಿನೇಟ್ ಆಗಿ ಸೇಫ್ ಆಗಿದ್ದ ಸುನಾಮಿ ಕಿಟ್ಟಿ, ಈಗ ಸ್ಯಾಂಡಲ್ ವುಡ್ ನಲ್ಲಿ ಮಿಂಚಲು ರೆಡಿಯಾಗಿದ್ದಾರೆ.[ಅಂದು ಸುನಾಮಿ ಕಿಟ್ಟಿ, ಇಂದು ಪ್ರಥಮ್: 'ಬಿಗ್ ಬಾಸ್' ಮನೆಯಲ್ಲಿ ದಾಖಲೆ.!]

ಆ ಚಿತ್ರದ ಹೆಸರು 'ಆದಿವಾಸಿ'....'ಆದಿವಾಸಿ....ಕಾಡೇ ನನ್ನ ಆಸ್ತಿ' ಎಂಬ ಅಡಿಬರಹವನ್ನ ಹೊಂದಿರುವ ಈ ಚಿತ್ರದ ಮೂಲಕ ಸುನಾಮಿ ಕಿಟ್ಟಿ, ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳಬೇಕು ಎಂಬ ತಮ್ಮ ಎರಡು ವರ್ಷಗಳ ಕನಸನ್ನ ನನಸು ಮಾಡಿಕೊಳ್ಳುತ್ತಿದ್ದಾರೆ.

ಹೇಳಿ ಕೇಳಿ ಸುನಾಮಿ ಕಿಟ್ಟಿ ಹಳ್ಳಿ ಹುಡುಗ. ಅದಕ್ಕೆ ತಕ್ಕಂತೆ ಸಿನಿಮಾ ಅಂದ್ಮೇಲೆ ಹೇಳ್ಬೇಕಾ....! ಜಬರ್ ದಸ್ತ್ ಆಕ್ಷನ್, ಮಸ್ತ್ ಎಂಟರ್ ಟೈನ್ಮೆಂಟ್ ಈ ಚಿತ್ರದಲ್ಲಿ ನಿರೀಕ್ಷೆ ಮಾಡಬಹುದು.['ಬಿಗ್ ಬಾಸ್' ಮನೆಯಲ್ಲಿ ಸುನಾಮಿ ಕಿಟ್ಟಿ ಹೊಸ ರೆಕಾರ್ಡ್!]

ಅಂದ್ಹಾಗೆ, ಈ ಚಿತ್ರಕ್ಕೆ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿರುವುದು ಪಿ.ಮೂರ್ತಿ. ಕೆಂಪರಾಜು ಎಂಬುವವರು ನಿರ್ಮಾಣ ಮಾಡುತ್ತಿದ್ದಾರೆ. ಈಗಾಗಲೇ ಚಿತ್ರದ ಪ್ರಿ-ಪ್ರೊಡಕ್ಷನ್ ಮುಗಿಸಿರುವ 'ಆದಿವಾಸಿ' ಮಾರ್ಚ್ 2ನೇ ತಾರೀಖು ಕಂಠೀರವ ಸ್ಟುಡಿಯೋದಲ್ಲಿ ಅದ್ಧೂರಿಯಾಗಿ ಸೆಟ್ಟೇರಲಿದೆ.