ಯಶ್ ಹೇಳಿದಂತೆ ಕೆಜಿಎಫ್‌ಗಿಂತ ದೊಡ್ಡ ದಾಖಲೆ ಬರೆದ 'ಗಂಧದಗುಡಿ'; ಮಲ್ಟಿಪ್ಲೆಕ್ಸ್ ಕಿಂಗ್ ಈಸ್ ಬ್ಯಾಕ್!

ಹತ್ತು ಗಂಟೆಯೊಳಗೆ ಬರೋಬ್ಬರಿ 50 ಪ್ರದರ್ಶನ!

ಬಿಡುಗಡೆ ದಿನ ಬೆಳಿಗ್ಗೆ ಹತ್ತು ಗಂಟೆಯೊಳಗೆ ಬೆಂಗಳೂರಿನ ಫೋರಂ ಮಾಲ್, ಒರಾಯನ್ ಮಾಲ್, ವೈಷ್ಣವಿ ಸಫೈರ್ ಮಾಲ್, ವೆಗಾ ಸಿಟಿ ಮಾಲ್ ಹಾಗೂ ಜಿಟಿ ಮಾಲ್‌ನಲ್ಲಿರುವ ಪಿವಿಆರ್ ಚಿತ್ರಮಂದಿರಗಳಲ್ಲಿ ಗಂಧದ ಗುಡಿ ಒಟ್ಟು 50 ಬಾರಿ ಪ್ರದರ್ಶನಗೊಳ್ಳಲಿದೆ. ಈ ಕುರಿತಾಗಿ ಟ್ವೀಟ್ ಮಾಡಿ ಮಾಹಿತಿ ಹಂಚಿಕೊಂಡಿರುವ ಚಿತ್ರದ ವಿತರಕ ಕಾರ್ತಿಕ್ ಗೌಡ ಇದು ನೂತನ ದಾಖಲೆ ಎಂಬುದನ್ನು ಘೋಷಿಸಿದ್ದಾರೆ. ಬೆಳಗಿನ ಜಾವ 6 ಗಂಟೆಯಿಂದಲೇ ಈ ಕೇಂದ್ರಗಳಲ್ಲಿ ಗಂಧದಗುಡಿ ಪ್ರದರ್ಶನ ಆರಂಭವಾಗಲಿದೆ.

ಯಶ್ ಹೇಳಿದಂತೆ ದಾಖಲೆ ಮಾಡ್ತಿದೆ ಗಂಧದ ಗುಡಿ

ಇನ್ನು ಗಂಧದಗುಡಿ ಪ್ರೀ ರಿಲೀಸ್ ಕಾರ್ಯಕ್ರಮವಾದ ಪುನೀತ ಪರ್ವದಲ್ಲಿ ಅಪ್ಪು ಅವರ ಈ ಚಿತ್ರವು ಎಲ್ಲಾ ದಾಖಲೆಯನ್ನು ಹೊಡೆದು ಹಾಕಬೇಕು, ಕೆಜಿಎಫ್ ಕೂಡ ಇರಬಾರದು ಎಂದು ಘೋಷಿಸಿದ್ದರು. ಅದರಂತೆ ಇದೀಗ ಈ ಹಿಂದೆ ಕೆಜಿಎಫ್ ಹೊಂದಿದ್ದ ಈ ಕೇಂದ್ರಗಳಲ್ಲಿನ ಬೆಳಗಿನ ಜಾವದ ಅತಿಹೆಚ್ಚು ಪ್ರದರ್ಶನದ ದಾಖಲೆಯನ್ನು ಗಂಧದ ಗುಡಿ ಮುರಿದು ಹಾಕಿದೆ.

ಪ್ರೀಮಿಯರ್ ಮೂಲಕವೇ 28 ಲಕ್ಷ!

ಇನ್ನು ಗಂಧದಗುಡಿ ಪೇಯ್ಡ್ ಪ್ರೀಮಿಯರ್ ಪ್ರದರ್ಶನಗಳಿಂದ ರಾಜ್ಯಾದ್ಯಂತ ಒಟ್ಟು 24 ಲಕ್ಷ ರೂಪಾಯಿಗಳನ್ನು ಸಂಪಾದಿಸಿದೆ ಎಂದು ಬಾಕ್ಸ್ ಆಫೀಸ್‌ ಪರಿಣಿತರು ತಿಳಿಸಿದ್ದಾರೆ. ಬೆಂಗಳೂರು ನಗರ ಒಂದರಲ್ಲಿಯೇ ಪೇಯ್ಡ್ ಪ್ರೀಮಿಯರ್ ಪ್ರದರ್ಶನಗಳ ಮೂಲಕ 18,40,000 ರೂಪಾಯಿ ಕಲೆಕ್ಷನ್ ಮಾಡಿದೆ ಗಂಧದ ಗುಡಿ.

ಕ್ರಿಕೆಟಿಗರಿಂದ ಗಂಧದ ಗುಡಿಗೆ ವಿಶಸ್

ಗಂಧದ ಗುಡಿ ಚಿತ್ರಕ್ಕೆ ಕ್ರಿಕೆಟಿಗರಾದ ಅಮಿತ್ ಮಿಶ್ರಾ, ಅನಿಲ್ ಕುಂಬ್ಳೆ, ಜಾವಗಲ್ ಶ್ರೀನಾಥ್ ಹಾಗೂ ವಿವಿಎಸ್ ಲಕ್ಷ್ಮಣ್ ಸೇರಿದಂತೆ ಹಲವಾರು ಕ್ರಿಕೆಟಿಗರು ಟ್ವೀಟ್ ಮಾಡುವ ಮೂಲಕ ಶುಭ ಕೋರಿದ್ದಾರೆ. ಪುನೀತ್ ರಾಜ್ ಕುಮಾರ್ ಅವರ ಕನಸಿನ ಪ್ರಾಜೆಕ್ಟ್ ಒಳ್ಳೆಯ ಹೆಸರು ಮಾಡಲಿ ಎಂದು ಬರೆದುಕೊಂಡಿದ್ದಾರೆ.