ಅಂತಿಮ ಕ್ಷಣದಲ್ಲಿ ಸರ್ಪ್ರೈಸ್: 'ಕುರುಕ್ಷೇತ್ರ'ದಲ್ಲಿ ಇವರಿಗೇನು ಕೆಲಸ?

ಕುರುಕ್ಷೇತ್ರದಲ್ಲಿ ರೆಜಿನಾ.!

ಈ ಹಿಂದೆ ಅಭಿಮನ್ಯು ಪತ್ನಿ ಪಾತ್ರದಲ್ಲಿ ರೆಜಿನಾ ನಟಿಸಬಹುದು ಎಂಬ ಸುದ್ದಿಯಾಗಿತ್ತು. ಆಮೇಲೆ ಉತ್ತರೆ ಪಾತ್ರದಲ್ಲಿ ಆಧಿತಿ ಆರ್ಯ ಎಂಬ ಇನ್ನೊಬ್ಬ ನಟಿ ಬಣ್ಣ ಹಚ್ಚಿದ್ದರು. ಅಲ್ಲಿಗೆ ರೆಜಿನಾ ಕುರುಕ್ಷೇತ್ರದಲ್ಲಿ ಇಲ್ಲದಂತಾಯಿತು ಎಂದು ನಿರಾಸೆಯಾಗಿತ್ತು. ಆದ್ರೀಗ, ಕುರುಕ್ಷೇತ್ರ ಕಲಾವಿದರ ಪಟ್ಟಿಯಲ್ಲಿ ರೆಜಿನಾ ಹೆಸರು ಕೂಡ ಕಾಣಿಸಿಕೊಂಡಿದೆ. ಇದು ಸರ್ಪ್ರೈಸ್ ಆಗಿದೆ.

ರೆಜಿನಾ ಜೊತೆ ರಮ್ಯಾ ನಂಬಿಸೇನ್

ಅದೇ ರೀತಿ ಕುರುಕ್ಷೇತ್ರ ಆರಂಭವಾದಾಗ ಮಲಯಾಂಳ ನಟಿ ರಮ್ಯಾ ನಂಬಿಸೇನ್ ಕೂಡ ಅಭಿನಯಿಸಲಿದ್ದಾರೆ ಎನ್ನಲಾಯ್ತು. ಮೇಘನಾ ರಾಜ್ ಮಾಡಿರುವ ಭಾನುಮತಿ ಪಾತ್ರದಲ್ಲಿ ರಮ್ಯಾ ನಟಿಸುತ್ತಾರೆ ಎಂದು ಸುದ್ದಿಯಾಗಿತ್ತು. ಮೇಘನಾ ಎಂಟ್ರಿಯ ನಂತರ ಇದು ಸೈಲೆಂಟ್ ಆಗಿತ್ತು. ಈಗ ಕುರುಕ್ಷೇತ್ರ ವಿಕಿಪೀಡಿಯದಲ್ಲಿ ಇವರಿಬ್ಬರ ಹೆಸರು ಪ್ರತ್ಯಕ್ಷವಾಗಿದೆ.

'ಮುನಿರತ್ನ ಕುರುಕ್ಷೇತ್ರ' ನೋಡುವುದಕ್ಕೆ 10 ಕಾರಣಗಳು

ಅನುಸೂಯ ಭಾರಾಧ್ವಜ್ ಹೆಸರು.!

ರೆಜಿನಾ ಮತ್ತು ರಮ್ಯಾ ಹೆಸರು ಮಾತ್ರವಲ್ಲ ತೆಲುಗು ನಟಿ ಅನುಸೂಯ ಭಾರಾಧ್ವಜ್ ಹೆಸರು ಕೂಡ ಕುರುಕ್ಷೇತ್ರ ವಿಕಿಪೀಡಿಯದಲ್ಲಿ ಕಾಣಿಸಿಕೊಂಡಿದೆ. ಕ್ರಾಸ್ ಚೆಕ್ ಮಾಡಿದಾಗ ರಮ್ಯಾ ಅವರ ವಿಕಿಪೀಡಿಯದಲ್ಲೂ ಕುರುಕ್ಷೇತ್ರ ಹೆಸರಿದೆ. ಆದ್ರೆ, ರೆಜಿನಾ ಮತ್ತು ಅನುಸೂಯ ವಿಕಿಪೀಡಿಯದಲ್ಲಿ ಕುರುಕ್ಷೇತ್ರ ಹೆಸರಿಲ್ಲ.

ದುರ್ಯೋಧನನ ಜೊತೆ ಅವರೊಬ್ಬರದೇ ಕಟೌಟ್: ಅದಕ್ಕೊಂದು ಕಾರಣನೂ ಇದೆ.!

ಪಕ್ಕಾನಾ ಅಥವಾ ಅಪ್ ಡೇಟ್ ಆಗಿಲ್ವಾ.?

ವಿಕಿಪೀಡಿಯವನ್ನ ಯಾರೂ ಬೇಕಾದರೂ ಎಡಿಟ್ ಮಾಡಬಹುದು. ಬಟ್, ಇಂತಹ ಸಿನಿಮಾ ವಿಚಾರದಲ್ಲಿ ಚಿತ್ರತಂಡದವರು ಕಾಲಕಾಲಕ್ಕೆ ಅಪ್ ಡೆಟ್ ಮಾಡ್ತಾರೆ. ಇನ್ನು ಈ ಮೂವರ ಹೆಸರಿನ ಮುಂದೆ ಯಾವ ಪಾತ್ರಗಳು ಎಂಬುದನ್ನ ಕೂಡ ನಮೂದಿಸಿಲ್ಲ. ಉಳಿದ ಎಲ್ಲ ಪಾತ್ರಗಳ ವಿವರವೂ ಇದೆ. ಹಾಗಾಗಿ, ಇದು ಮಿಸ್ಟೇಕ್ ಆಗಿದ್ಯಾ ಅಥವಾ ಯಾವುದಾದರೂ ವಿಶೇಷ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರಾ ಎಂಬ ಕುತೂಹಲಕ್ಕೆ ಕಾರಣವಾಗಿದೆ.