'ರೀಲ್' ಹೀರೋ ಪ್ರಜ್ವಲ್ ದೇವರಾಜ್ 'ರಿಯಲ್' ಪ್ರೇಮ್ ಕಹಾನಿ

9ನೇ ಕ್ಲಾಸ್ ನಲ್ಲಿ ಪರಿಚಯ

ಇಂದು ಹಸೆಮಣೆ ಏರುವುದಕ್ಕೆ ಸಿದ್ಧವಾಗಿರುವ ಪ್ರಜ್ವಲ್ ದೇವರಾಜ್, ಮನದನ್ನೆ ರಾಗಿಣಿ ಚಂದ್ರನ್ ರವರನ್ನ ಮೊಟ್ಟ ಮೊದಲ ಬಾರಿಗೆ ನೋಡಿದ್ದು 9ನೇ ಕ್ಲಾಸ್ ನಲ್ಲಿದ್ದಾಗ. ಆಗ ರಾಗಿಣಿ ಚಂದ್ರನ್ 6ನೇ ಕ್ಲಾಸ್ ನಲ್ಲಿದ್ದರು.

ಡ್ಯಾನ್ಸ್ ಕ್ಲಾಸ್ ನಲ್ಲಿ ಪರಿಚಯ

ಇಮ್ರಾನ್ ಸರ್ದಾರಿಯಾ ಡ್ಯಾನ್ಸ್ ಕ್ಲಾಸ್ ನಲ್ಲಿ ಫ್ರೀ ಸ್ಟೈಲ್ ನೃತ್ಯ ಕಲಿಯುತ್ತಿರುವಾಗ ಪ್ರಜ್ವಲ್ ದೇವರಾಜ್ ಗೆ ರಾಗಿಣಿ ಚಂದ್ರನ್ ಪರಿಚಯವಾಯ್ತು.

ಆಗ್ಲಿಂದ್ಲೇ ಫ್ರೆಂಡ್ ಶಿಪ್

ಅಂದಿನಿಂದಲೇ ರಾಗಿಣಿ ಚಂದ್ರನ್ ಮತ್ತು ಪ್ರಜ್ವಲ್ ದೇವರಾಜ್ ಕ್ಲೋಸ್ ಫ್ರೆಂಡ್ಸ್. ಇಬ್ಬರಿಗೂ ಕಾಮನ್ ಫ್ರೆಂಡ್ಸ್ ಹೆಚ್ಚು. ಒಂದೇ ಫ್ರೆಂಡ್ಸ್ ಗ್ರೂಪ್ ನಲ್ಲಿರುವ ಇಬ್ಬರ ಸ್ನೇಹ ಪ್ರೀತಿಗೆ ತಿರುಗಿ ಈಗ ಹಸೆಮಣೆ ತನಕ ಬಂದಿದೆ.

ವೃತ್ತಿ ಬದುಕಿನಲ್ಲಿ ಬೆಳೆದ ಮೇಲೆ ಪ್ರೀತಿ

ಕಾಲೇಜ್ ಮುಗಿದ ಬಳಿಕ ಸ್ಯಾಂಡಲ್ ವುಡ್ ಗೆ ಎಂಟ್ರಿಕೊಟ್ಟು ಪ್ರಜ್ವಲ್ ದೇವರಾಜ್ ಸ್ಟಾರ್ ನಟರಾದರು. ಹಾಗೇ, ರಾಗಿಣಿ ಚಂದ್ರನ್ ಕೂಡ ಮಾಡೆಲಿಂಗ್ ಜಗತ್ತಿಗೆ ಕಾಲಿಟ್ಟರು. ವೃತ್ತಿ ಬದುಕ್ಕಲ್ಲಿ ಯಶಸ್ಸು ಹೊಂದಿದ ಬಳಿಕ ಇಬ್ಬರ ಹೃದಯದಲ್ಲಿ ಪ್ರೀತಿ ಮೊಳಕೆಯೊಡೆದಿದೆ. ಆದ್ರೆ, ಪ್ರಪೋಸ್ ಮಾಡಿಲ್ಲ. ಒಬ್ಬರನ್ನೊಬ್ಬರು ಬಿಟ್ಟಿರಲಾರದಷ್ಟು ಅನುಬಂಧ ಹೊಂದಿರುವ ಪ್ರಜ್ವಲ್ ದೇವರಾಜ್-ರಾಗಿಣಿ ಚಂದ್ರನ್ ವಿವಾಹ ಬಂಧನಕ್ಕೆ ಒಳಗಾಗಲು ನಿರ್ಧರಿಸಿದ್ದಾರೆ.

ಇಬ್ಬರ ಪ್ರೀತಿಗೆ ಮನೆಯವರ ಸಮ್ಮತಿ

ಸ್ಕೂಲ್ ಡೇಸ್ ನಿಂದಲೇ ಇಬ್ಬರು ಫ್ರೆಂಡ್ಸ್ ಆಗಿದ್ದ ಕಾರಣ, ಇಬ್ಬರ ಪ್ರೀತಿಗೆ ಕುಟುಂಬದಲ್ಲಿ ಯಾವುದೇ ಸಮಸ್ಯೆ ಎದುರಾಗಲಿಲ್ಲ. ಖುಷಿಯಿಂದಲೇ ದೇವರಾಜ್ ಮದುವೆಗೆ ಸಮ್ಮತಿ ನೀಡಿದ್ದಾರೆ. ಮುಂದಿನ ತಿಂಗಳು ಪ್ರಜ್ವಲ್ ದೇವರಾಜ್ ಮದುವೆ ಅದ್ದೂರಿಯಾಗಿ ನೆರವೇರಲಿದೆ.