ರಿಷಬ್ ಶೆಟ್ಟಿ ನಿಜವಾದ ಹೆಸರೇ ಬೇರೆ, ಹುಟ್ಟು ಹೆಸರನ್ನು ಬದಲಾಯಿಸಿದ್ದೇಕೆಂದು ತಿಳಿಸಿದ ರಿಷಬ್ ತಂದೆ

ರಿಷಬ್ ಶೆಟ್ಟಿ ಹುಟ್ಟು ಹೆಸರು ಪ್ರಶಾಂತ್

ಸಂದರ್ಶನದಲ್ಲಿ ಮಾತನಾಡುತ್ತಿದ್ದ ಭಾಸ್ಕರ್ ಶೆಟ್ಟಿ ರಿಷಬ್ ಶೆಟ್ಟಿ ಹುಟ್ಟಿದಾಗ ಆತನಿಗೆ ಪ್ರಶಾಂತ್ ಎಂದು ನಾಮಕರಣ ಮಾಡಲಾಗಿತ್ತು ಎಂಬ ವಿಚಾರವನ್ನು ತಿಳಿಸಿದ್ದಾರೆ. ತಮ್ಮ ಅಣ್ಣನ ಮಗನಿಗೆ ಪ್ರವೀಣ್ ಶೆಟ್ಟಿ ಹಾಗೂ ಮಗಳಿಗೆ ಪ್ರತಿಭಾ ಶೆಟ್ಟಿ ಎಂದು ಹೆಸರಿಡಲಾಗಿತ್ತು ಅದರಂತೆ ಇವನಿಗೂ ಪ ಅಕ್ಷರದಿಂದ ಪ್ರಾರಂಭವಾಗುವ ಹಾಗೆ ಪ್ರಶಾಂತ್ ಎಂದು ನಾಮಕರಣ ಮಾಡಲಾಯಿತು ಎಂದು ಭಾಸ್ಕರ್ ಶೆಟ್ಟಿ ತಿಳಿಸಿದರು.

ಹೆಸರು ಬದಲಾವಣೆಗೆ ಕಾರಣ?

ಇನ್ನು ಪ್ರಶಾಂತ್ ಎಂದು ಹೆಸರನ್ನು ರಿಷಬ್‌ಗೆ ಎಂದು ಬದಲಾಯಿಸಿದ್ದಕ್ಕೆ ಬಲವಾದ ಕಾರಣವೂ ಸಹ ಇದೆ. ರಿಷಬ್ ಶೆಟ್ಟಿ ಚಿತ್ರರಂಗ ಸೇರಬೇಕೆಂದು ಪರದಾಡುತ್ತಿದ್ದಾಗ ಹೆಸರನ್ನು ಬದಲಾಯಿಸಿಕೊಳ್ಳುವಂತೆ ಸಂಖ್ಯಾಶಾಸ್ತ್ರಜ್ಞನಾದ ನಾನೇ ಸೂಚಿಸಿದೆ, ಆಂಗ್ಲಭಾಷೆಯಲ್ಲಿ ಆರ್ ಅಕ್ಷರದಿಂದ ಪ್ರಾರಂಭವಾಗುವ ಆರು ಸ್ಪೆಲಿಂಗ್ ಇರುವ ಹೆಸರನ್ನು ಇಟ್ಟಿಕೊಳ್ಳುವಂತೆ ಹೇಳಿದ್ದೆ, ಹೀಗಾಗಿಯೇ ರಿಷಬ್ ( Rishab ) ಎಂದು ಹೆಸರನ್ನು ಬದಲಾಯಿಸಿತು ಎಂದು ಭಾಸ್ಕರ್ ಶೆಟ್ಟಿ ತಿಳಿಸಿದರು.

ವಿಷಯ ತಿಳಿಯುತ್ತಿದ್ದಂತೆ ಶುರು ಟ್ರೋಲ್ಸ್

ಇನ್ನು ರಿಷಬ್ ಶೆಟ್ಟಿ ಮೂಲ ಹೆಸರು ಪ್ರಶಾಂತ್ ಎಂದು ತಿಳಿಯುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಕನ್ನಡ ಚಿತ್ರರಂಗವನ್ನು ಈಗ ಮತ್ತೊಂದು ಹಂತಕ್ಕೆ ಇಬ್ಬರು ಪ್ರಶಾಂತ್ ಕೊಂಡೊಯ್ದಿದ್ದಾರೆ. ಒಬ್ಬರು ಪ್ರಶಾಂತ್ ನೀಲ್, ಇನ್ನೊಬ್ಬರು ಪ್ರಶಾಂತ್ ಶೆಟ್ಟಿ ಎಂದು ಪೋಸ್ಟ್ ಹಂಚಿಕೊಳ್ಳುತ್ತಿದ್ದಾರೆ.