ರಾಬರ್ಟ್ ನೂತನ ದಾಖಲೆ: ಯಜಮಾನ ಬಳಿಕ ಎರಡನೇ ಸ್ಥಾನ

10 ಮಿಲಿಯನ್ ವೀಕ್ಷಣೆ ಕಂಡ ರಾಬರ್ಟ್

ತರುಣ್ ಸುಧೀರ್ ನಿರ್ದೇಶನದಲ್ಲಿ ತಯಾರಾಗಿರುವ ರಾಬರ್ಟ್ ಚಿತ್ರದ ಟ್ರೈಲರ್ ಯೂಟ್ಯೂಬ್‌ನಲ್ಲಿ 10 ಮಿಲಿಯನ್ ವೀಕ್ಷಣೆ ಕಂಡಿದೆ. ಟ್ರೈಲರ್ ರಿಲೀಸ್ ಆದ 6 ದಿನಗಳಲ್ಲಿ 10 ಮಿಲಿಯನ್ ವೀಕ್ಷಣೆ ಕಾಣುವ ಮೂಲಕ ರಾಬರ್ಟ್ ಅಪರೂಪದ ದಾಖಲೆ ಬರೆದಿದೆ. ಸದ್ಯ ದರ್ಶನ್ ಸಿನಿಮಾಗಳ ಪೈಕಿ ರಾಬರ್ಟ್ ಎರಡನೇ ಸ್ಥಾನದಲ್ಲಿದೆ.

ಮೊದಲ ಸ್ಥಾನದಲ್ಲಿ ಯಜಮಾನ

ಎರಡು ವರ್ಷದ ಹಿಂದೆ ಬಿಡುಗಡೆಯಾಗಿದ್ದ ಯಜಮಾನ ಸಿನಿಮಾ ಟ್ರೈಲರ್ 20 ಮಿಲಿಯನ್ ವೀಕ್ಷಣೆ ಪಡೆದುಕೊಂಡಿದೆ. ಸದ್ಯ ಡಿ ಬಾಸ್ ಸಿನಿಮಾಗಳ ಪೈಕಿ ಅತಿ ಹೆಚ್ಚು ವೀಕ್ಷಣೆ ಕಂಡ ಟ್ರೈಲರ್ ಯಜಮಾನ ಎನಿಸಿಕೊಂಡಿದೆ. ಹರಿಕೃಷ್ಣ ನಿರ್ದೇಶನದ ಯಜಮಾನ ಸಿನಿಮಾ 2019ರಲ್ಲಿ ಬಿಡುಗಡೆಯಾಗಿತ್ತು.

ಕುರುಕ್ಷೇತ್ರ ಟ್ರೈಲರ್ ಎಷ್ಟು ವೀಕ್ಷಣೆ?

2019ರಲ್ಲಿ ತೆರೆಕಂಡಿದ್ದ ಕುರುಕ್ಷೇತ್ರ ಸಿನಿಮಾದ ಟ್ರೈಲರ್ 5.5 ಮಿಲಿಯನ್ ವೀಕ್ಷಣೆ ಕಂಡಿದೆ. ದರ್ಶನ್ ಸೇರಿದಂತೆ ಹಲವು ಕಲಾವಿದರು ಕಾಣಿಸಿಕೊಂಡಿದ್ದ ಈ ಚಿತ್ರ ಬಹುಭಾಷೆಯಲ್ಲಿ ಬಿಡುಗಡೆಯಾಗಿತ್ತು. ಪೌರಾಣಿಕ ಸಿನಿಮಾ ಎಂಬ ಕಾರಣಕ್ಕೆ ಬಹಳ ದೊಡ್ಡ ಮಟ್ಟದಲ್ಲಿ ಗಮನ ಸೆಳೆದಿತ್ತು. ಸಿನಿಮಾನೂ ಅಷ್ಟೇ ಯಶಸ್ಸು ಸಾಧಿಸಿತ್ತು.

ಒಡೆಯ - ತಾರಕ್ ಟ್ರೈಲರ್

ಕುರುಕ್ಷೇತ್ರದ ಬಳಿಕ ರಿಲೀಸ್ ಆಗಿದ್ದ ಒಡೆಯ ಸಿನಿಮಾದ ಟ್ರೈಲರ್ 4.2 ಮಿಲಿಯನ್ ವೀಕ್ಷಣೆ ಕಂಡಿದೆ. ಅದಕ್ಕೂ ಮುಂಚೆ 2017ರಲ್ಲಿ ರಿಲೀಸ್ ಆಗಿದ್ದ ತಾರಕ್ ಟ್ರೈಲರ್ 2.5 ಮಿಲಿಯನ್ ವೀಕ್ಷಣೆ ಪಡೆದುಕೊಂಡಿದೆ.